Nartkal
| Nartkal | |
|---|---|
| kab. da čerk.: Нарткъалэ | |
 | |
| 43°33′ с. ш. 43°51′ в. д.GЯO | |
| Valdkund | |
| Istorii da geografii | |
| Tegemižen päiv | 1913 |
| Pind |
|
| Высота | 305 |
| Aigvö | UTC+3[d] |
| Eläjad | |
| Eläjad |
|
| Lugud | |
| Počtan indeksad | 361330 |
 Mediafailad RUWIKI-tedoiš | |
Nartkal (ven.: Нарткала́, kab. da čerk.: Нарткъалэ «vägimehiden lidn», kar. da balk.: Нарткъала) om Venäman lidn da lidnankund Kabardinijan da Balkarijan Tazovaldkundan päivnouzmas. Se om Kabardinijan da Balkarijan nellänz' surtte lidn, Urvanin rajonan administrativine keskuz.
Eläjad
Eländpunktan aluz om pandud vl 1913 kuti Dokšukino-raudtestancii (kab. da čerk.: Докъушыкъуей) ruhtinasiden-manpidajiden kanzannimen mödhe. Vl 1921 se sai žilon statusad. Vl 1955 žilo sai lidnan statusad. Vl 1967 udesnimitihe lidnad nügüdläižikš, no raudtestancii nimitase enččikš.
Nartkal šingotase sömtegimišton edheotandoil i kalankazvatusel. Ende raudbetontegesiden pästand oli mugažo.
Geografijan andmused
Lidn sijadase Kabardan tazangištol da Kavkazan ezimägištol. Reljefan korktused vajehtadas sadan metran röunoiš, lidnan keskmäine korktuz — 305 m valdmeren pindan päl. Matkad Nal'čikhasai om 25 km suvipäivlaskmha orhal, raudtedme vai avtol. Toižed lähembaižed lidnad oma Čegem 25 km päivlaskmha orhal i Maiskii 25 km pohjoižpäivnouzmha orhal.
Nartkal om lidnankundan üks'jäine eländpunkt.
Eläjad
Vn 2010 kaiken Venäman rahvahanlugemižen mödhe eläjiden lugu oli 31 694 ristitud, rajonan kaks' videndest. Vl 2018 lidnan ristitišt oli 30 704 eläjad. Kaikiš suremb ristitišt oli 33 800 eläjad vll 2003−2005.
Rahvahad (enamba 1% vl 2010, ozutadud rahvahudenke): kabardalaižed — 65,5%, venälaižed — 23,5%, turkad — 3,9%, osetijalaižed — 1,7%, toižed rahvahad — 5,4%.
Islaman Keskuzline «Al'-Iman»-mečet' medresenke om avaitud. Ortodoksižen hristanuskondan ph. Mikulai-čudonsädajan jumalanpert'[2] radab enččen eländpertin sauvuses. Protestantizman kaks' pühäpertid: seičemenden päivän adventistoiden i baptizman.
Professionaližen opendusen aluzkundad sijadasoiš lähembaižiš lidnoiš.
Lidnan Sijaližen ičeohjandusen nevondkundan ezimez' om Leonid Hagov vn 2009 heinkuspäi. Sijaližen Administracijan edeližed pämehed oma Izmail Batijev (heinku 2014 — reduku 2018) i Aslan Atalikov (reduku 2018 — sulaku 2020, tal'vku 2020 — semendku 2021).
Galerei
Lidnan keskuzpuišt (2018)
- Мечеть в городе Нарткала.jpg
Islaman «Al'-Iman»-pühäpert', vn 2017 nägu
Villänkazvatusen «Agro+»-edheotand vl 2014
Lidnan üks' mikrorajonoišpäi (2014)
Dokšukino-päraudtestancijan sauvuz vl 2006
Homaičendad
Irdkosketused
| Kabardinijan da Balkarijan Tazovaldkundan lidnad | ||
| Baksan | Čegem | Maiskii | Nal'čik | Nartkal | Prohladnii | Terek | Tirniauz | ||