Mail’man počtan päiv

Рувики-späi
Mail'man počtan päiv
Venäman počtmark, mitte om omištadud praznikan 50-voččele jubilejale, vodel 2019
Venäman počtmark, mitte om omištadud praznikan 50-voččele jubilejale, vodel 2019
Tip Professionaline päiv
Oficialižesti angl.: World Post Day
Mugažo ven.: Международный день почты
Znamoičend Počtan holitusen sirdämine da kehitoituz mail’mas, mugažo počtan radnikoiden arvostuz
Om tehtud vodel 1969
Tegii Mail'man počtan ühtištuz, Ühtenzoittud rahvahiden organizacii
Praznuitas Rahvazkeskeine päiv
Om sidotud 9. redukud vodel 1874 oli pannu Mail’man počtan ühtištusen aig
Логотип РУВИКИ.Медиа Mediafailad RUWIKI-tedoiš

Mail’man počtan päiv (ven.: Международный день почты, toižil Ühtenzoittud rahvahiden organizacijan oficialižil kelil: angl.: World Post Day, arab.: اليوم العالمي للبريد,isp.: Día mundial del correo, kit.: 世界郵政日,franc.: Journée mondiale de la poste ) — rahvahidenkeskeine professionaline päiv, kaikuččen voden praznuitas 9. redukud vodelpäi 1970 Kirjkelen nedalin aigan. Om tehtud Mail'man počtan ühtištusel, mülüb Ühtenzoittud rahvahiden organizacijaha Rahvahidenkeskeižiden päividen lugetišehe.

Istorii

Vodel 1939 Buenos Airesas XI Mail’man počtan kongressal taritihe säta "Mail'man počtan ühtištusen päiv" da panda praznikan päivmäraks – 9. redukud[1][2]:

Vodel 1957 Ottavas (Kanada) XIV Mail'man počtan kongressal sätihe "Kirjkelen nedal'". Praznikan päivmäraks oli pandud 9. redukud[1][3].

Vodel 1969 Tokios (Japonii) XVI Mail'man počtan kongressal taričend oli tehtud toižen kerdan[1][2].

9. redukud vodel 1970 ezmäižen kerdan oli pidetud "Mail'man počtan ühtištusen päiv". Nece päiv mülüb Ähtenzoittud rahvahiden organizacijan mail'man da rahvahidenkeskeižiden päividen sistemaha[3].

Praznikan pätegend om počtan holitusen sirdämine da sen kehitoituz mirus, a mugažo ozatelend počtan radnikoid[2].

Vodel 1984 Gamburgas XIX Mailman počtan kongressal "Mail'man počtan ühtištusen päiv"-nimi vajehtihe "Mail'man počtan päiv"-nimehe[1].

Sidotud aigtegod

Mugažo om ilmaližiden da rahvahidenkeskeižiden professionaližiden päividen lugetiž, mitte om sidotud počtanke:

"Mail'man počtan päiv", Standartmark, Kazahstan (2003)

Päivän temad

Kaikuččen voden "Mail'man počtan päiväks" Ühtenzoittud rahvahiden organizacii märičeb temad, pärahvahidenkeskeižiden aigtegoiden tetegemižen täht:

  • 2004 — "Počtan holitesiden kaikenpoline levitoitamine";
  • 2006 — "Mail'man počtan verk: kaikile i kaikuččes lidnas";
  • 2007 — "Mail'man počtan verk: jä ühtenzoitusel. Universaline holitez i sen ekonomižed satused"[4];
  • 2008 — "Počtan ühtenzoituz jäb tarbhaižeks"[5];
  • 2009 — "Ühtes uskomižeks: ühthižtö varutoman i ühthižen tuleban aigan täht";
  • 2011 — "Počtan služb — arvokaz kundaline holitez"[6];
  • 2012 — "Sportmehele vai sportkundale pidab kirjutada kirjeine ihastusenke, miše sel’genzoitta, midä znamoičeba teiden täht Olimpiadvändod"[6];
  • 2013 — "Počtan tomine predprijatijoile i ristituile"[6];
  • 2014 — "Vajehtajas kommunikativižes landšaftas počt kaičeb ičeze sijad"[6];
  • 2015 — "Teile tarbiž kazda, miše starinoita mirus"[6];
  • 2016 — "Innovacii, integracii i inklüzivižuz"[6];
  • 2018 — "Internet ei vajehta tradicionališt počtad"[7];
  • 2019 — "Mail'man počtan ühtištusen 145-vozne jubilei";
  • 2020 — "Enamb, mi muite počt";
  • 2021 — "Innovacii udištamižen täht"[8];
  • 2022 — "Počt radab kaiken planetan täht"[9];
  • 2023 — "Počtverk — om avoin kaikile"[10];
  • 2024 — "150-voččen ühtenzoitust, a mugažo rahvahiden oiktusiden levitoitamine erazviuččiš maiš"[11];
  • 2025 — "Lokaližed holitesed. Globalizacii. #PostForPeople"[2].

VPSan pämehen sanad

Kaikuččen voden "Mail'man počtan päiväl" VPSan pämez' painab kirjeižid kaikele mirule:

Počterištod oma tärktad keskused ühtenzoittud, röunatomiden, sidotud kesknezoi ristituiden täht.

"Ühtes uskommižen täht" – nece om kucund kaikile valdkundoile da niiden počtoperatoroile tugeta da kehitoitta ühthišt elektroništ počtan territorijad, mitte ladib ristituiden verkod voz’sadoil. Mail'man počtan päiväl täl vodel kucun Teid radmaha ühtes VPSanke, miše kaiken mirun ristituile ei pidaiži astta edemba ičeze sijališt počterištod, miše sada elektroništ ekonomikad. Rakam ühtes, miše loda mirud, kus jogahine voiži kävutada varutomid elektronižid da fizižid holitesid, miččid voib tarita meiden globaline počtverk.

Ozatelen Mail'man počtan päivänke!Masahiko Metoki, vodel 2023, [12]

Azjtegod

"Mail’man počtan päiväl" kaikuččen voden tehtas azjtegod[2]:

  • filatelistižed ozutelused;
  • uziden počtmarkoiden pästand;
  • plakatoiden ozutelused;
  • avoinuziden uksiden päiväd počterištoiš, erazvuiččiš kul’turkeskusiš da muzejoiš, konferencijad, seminarad, praktikad;
  • kul’tur- da sportazjtegod;
  • parahimiden radnikoiden pauklahjoičemine.

Necikš päiväks erased počtadministracijad pästaba eloho eriližid muštlahjoid (futbolkad, znamad da m.e.)[2].

Vodelpäi 1971 kaikuččen voden VSP tegeb rahvidenkeskeižid konkursoid kirjeižiden kirjutamižen mödhe norišton täht (igä 9-15 vot). Kirjeižen kirjutamižen täht om märitud tem. Vodel 2025 zavodihe Rahvahidenkeskeine 54. konkurs kirjeižiden kirjutamižen mödhe norišton täht, sen nimi om ven.: «Представьте, что вы — океан», päazjtegod oliba Dubajas (Ühtenzoittud Araboiden emiratad). Konkurs mäni Rahvahidenkeskeižen meriorganizacijan, Ühtenzoittud rahvahiden organizacijan da UNESKOn tugel[13].

Vodel 2015 Ühtenzoittud rahvahiden organizacijan päassamblei märiči "17 pätegendad kehitoituzrados vodhesai 2030", miččed voiba abutada vägestada gol’l’ut, näl’gäd, oiktusiden murendust, a mugažo il’mišton vajehtust. Projektan aigan počt abutab kehitoitta nenid pätegendoid[2][14].

Vodel 2017 Kuala-Lumpuras (Malazii) pästihe Pos Silang-počtmarkad. Om pästtud uziden počtkartaižiden serii, hodrad i kirjeiženkored. Kuala-Lumpuras da Kota-Kinabalus om tehtud Postcrossing Meetupan 5. vastuz, a mugažo počtkartaižiden ozuteluz[15].

"Mail’man počtan päiv" Abudža (Nigerii), vodel 2020

Venämal

Vodel 2006 Arhangel'skas počtamtas oli avaitud počtkirjeiženkoriden ozuteluz, miččen nimi om ven.: «Сорочка письма». Pridnestrovjes mäni kuverz’-se sadoiden počtoigendusiden eriline heitänd, kut tulnuded, muga lähttud počtad. Doneckan agjas mäni filatelistine ozuteluz, a mugažo oli tehtud ballon- da parašutan počtajelused (jogahine oigetud kirjeiženkor' oli čomenzoittud erližil počtštempelil i naklejkoil)[16][17].

Vodel 2007 Venäman počtan regionaližiš erištoiš mäniba Venäman "Minä pirdan kirjamišt"-konkursan počtmarkan pirdatusen vägestajiden da laureatoiden pauklahjoičemine, mitte oli omištadud Venäman ezmäižen počtmarkan kävutandan augotišen 150-voččele jubilejale, mugažo Venäman kelen da Venäman počtan istorijan vodele. Konkursan tegijad oliba: Venäman počt, "Mark"-paindišt-möndkeskuz da Venäman filatelistoiden ühtištuz[18].

Vodel 2019 Uljanovskas "Simbirskan – Ul'janovskan počtan azjan" muzejas mäni "10 muzejan vastust počtan voz'kümnen vodes". Mäni parahimiden radnikoiden pauklahjoičendan ceremonii. Keradai Demid Ustinov lahjoiči muzejale Kuldaižen medalin, miččen hän toi Brestaspäi filatelistoiden ozuteluselpäi[19].

Vodel 2023 Viborgas Alvar Aalton kirjištos mäni "Teile kirjeine" - kirj-kuviden ozuteluz. Oli ezitadud materialad kirjišton lugijan Mihail Adrianovič Dubailovan personaližes keradamištospäi[20].

Vodel 2024 Piteriš Sidokeskuzmuzejas A. S. Popovan nimel oli tehtud Rahvahidenkeskeine filatelistine "Venäma 2024"-ozuteluz, mitte oli omištadud Suren Kodiman voinan vägestusen 80-voččele jubilejale[21].

Necil vodel oli jogavozne Rahvahidenkeskeine "Sur’ pohjoine ekspedicii"-počtflešmob (vodelpäi 2021), mäni federaližen "Suren Pohjoižen ekspedicijan matkoil"-tedotelendan projektan aigan, mitte oli omištadud Venäman tedoakademijan 300-voččele jubilejale da Taimiran oppindoile, "Aja matk"-lozungal. Lapsiden, vanhembiden da opendajiden keskes tehtas počtkartaižiden vajehtuz, tehtas ozutelused da tematižed azjtegod[22].

Melentartuižed toziazjad

  • Ezmäine tetab počtazjbumag oli löutud Jegiptas vodel 255 edel meiden erad[23].
  • Vodel 1653 Parižas avaižihe ezmäižed počtlaukad[24].
  • 6. semendkud vodel 1840 mail'man ezmäine "Must penni"-počtmark oli pästtud Anglijas[25].
  • 18. uhokud vodel 1911 ezmäižen kerdan vedihe počt aeroplanan abul Allahabadaspäi Nainihe (Indii), oli oigetud enamba 6 tuhad kirješt i 250 počtkartašt[26].
  • Vodel 1916 biznesmez' Amerikaspäi oigenzi počtal toižehe lidnaha penil počtpaketoil enamba 80 tuhad kirpičad bankan pertin sauvondan täht. Hänen lugendoiden mödhe, sauvondmaterialoiden tomine počtadme maksoi kaikid odvemba. Nece azj painasti erasiden počtan röunatusiden kävutandan zavodindaha: üks' mez' ühtes päiväs voi oigeta počtpaketoid ei enamba mi 91 kg vedädut[26].
  • Rimalaine Papa sab kaikid enamba kirjeižid mail'mas (kuverz'-se tuhad kirješt nedališ)[26].

Homaičendad

  1. ↑ 1 2 3 4 Всемирный день почты (World post day). kerchmuseum.ru. Дата обращения: 25 kül'mkud 2025.
  2. ↑ 1 2 3 4 5 6 7 Nations, United. Всемирный день почты | Организация Объединенных Наций, United Nations. Дата обращения: 25 kül'mkud 2025.
  3. ↑ 1 2 Письма Богу и другие почтовые послания - ТАСС, TACC. Дата обращения: 25 kül'mkud 2025.
  4. ↑ На Урале стартует неделя письма, Новый День (5 redukud 2007). Дата обращения: 25 kül'mkud 2025.
  5. ↑ Почтовая связь остается востребованной, Новости ООН (8 redukud 2008). Дата обращения: 25 kül'mkud 2025.
  6. ↑ 1 2 3 4 5 6 World Post Day 2024: Information, Theme & Dates, IAS Paper (4 redukud 2024). Дата обращения: 25 kül'mkud 2025.
  7. ↑ Всемирный день почты: интернет не заменит традиционную почту, Новости ООН (9 redukud 2018). Дата обращения: 25 kül'mkud 2025.
  8. ↑ Всемирный день почты, РИА Новости (9 redukud 2021). Дата обращения: 25 kül'mkud 2025.
  9. ↑ Всемирный день почты, РИА Новости (9 redukud 2022). Дата обращения: 25 kül'mkud 2025.
  10. ↑ 9 октября отмечается Всемирный День почты, www.ap22.ru. Дата обращения: 25 kül'mkud 2025.
  11. ↑ 9 октября — Всемирный день почты: история и традиции праздника, Известия (8 redukud 2024). Дата обращения: 25 kül'mkud 2025.
  12. ↑ Обращение генерального директора ВПС по случаю Всемирного дня почты (PDF). www.upu.int/ (2023). Дата обращения: 25 kül'mkud 2025.
  13. ↑ International Letter-Writing Competition for Young People (брит. англ.). www.upu.int. Дата обращения: 25 kül'mkud 2025.
  14. ↑ Первая страница — Устойчивое развитие (неопр.). www.un.org. Дата обращения: 25 kül'mkud 2025.
  15. ↑ 06 October 2017: Media Preview World Post Day – Pos Silang, myfdc (6 redukud 2017). Дата обращения: 25 kül'mkud 2025.
  16. ↑ Двина-Информ | Главные Новости | В Архангельской области отметят Всемирный день почты. web.archive.org. Дата обращения: 25 kül'mkud 2025.
  17. ↑ «Почта Приднестровья» проводит сегодня специальное гашение корреспонденции, приуроченное к Всемирному дню почты. web.archive.org. Дата обращения: 25 kül'mkud 2025.
  18. ↑ Награждение участников областного этапа Всероссийского конкурса рисунка почтовой марки «Я рисую алфавит». www.samru.ru. Дата обращения: 25 kül'mkud 2025.
  19. ↑ gtrkvolga. Всемирный день почты – ГТРК ВОЛГА Ульяновск (неопр.). gtrk-volga.ru. Дата обращения: 25 kül'mkud 2025.
  20. ↑ Выставка "Вам письмо". aalto.vbgcity.ru (9 redukud 2023). Дата обращения: 25 kül'mkud 2025.
  21. ↑ Валерий Сушков. Филагид-путеводитель во Всемирный день почты отмечен большой серебряной медалью в номинации «Филателистическая литература» на Международной филателистической выставке «Россия 2024». оиак.рф (10 redukud 2024). Дата обращения: 25 kül'mkud 2025.
  22. ↑ Международный почтовый флешмоб «Великая Северная экспедиция» пройдет во Всемирный день почты. оиак.рф (3 redukud 2024). Дата обращения: 25 kül'mkud 2025.
  23. ↑ World Post Day 2020: Date, Theme and Significance, News18. Дата обращения: 25 kül'mkud 2025.
  24. ↑ Патрина, Дарья. Сыграть в ящик: факты о почте и почтовые рекорды, Вокруг света. Дата обращения: 25 kül'mkud 2025.
  25. ↑ Самая первая марка. Как все начиналось... - Статьи. antiqueland.ru. Дата обращения: 25 kül'mkud 2025.
  26. ↑ 1 2 3 10 интересных фактов о почте - Телеканал «О!». Дата обращения: 25 kül'mkud 2025.

Lähtked

Om sadud "https://vep.ruwiki.ru/w/index.php?title=Mail’man_počtan_päiv&oldid=511859"