Ladogan kuld
_pictogram.svg){kind=small} "Ladogan kuld" | |
|---|---|
| Золото Ладоги | |
 «Zoloto Ladogi-2025». Pitkäranta. | |
| Tedod ajeluses | |
| Disciplin | velozezroiden ajeluz |
| Om tehtud | 2023 |
| Tip | äi päivid |
| Aig | kezal Piterin rahvahidenkeskeižen ekonomižen foruman aigan |
| Tegii | Venäman velokezroiden sportan federacii da Roskongress-fond |
| Status | professionaline |
| Sait | золотоладоги.рф |
Ladogan kuld (ven.: «Золото Ладоги») - üks' velokezroiden ajelusišpäi, mitte tehtas kezal da jatktase äi päivid Venäman öbokas ümbri Ladogan järves, Piterin agjas, Karjalas da Piteriš Venäman sportministerstvan tugel. Velokezrajelusen tegijad oma Venäman velokezroiden sportan federacii da Roskongressan fond[1].
Üleižed tedod
Ezmäine velokezran ajeluz oli vodel 2023 Toižen Sammitan da Ekonomižen da gumanitarižen "Venäma - Afrik"-foruman aigan. Vodelpäi 2024 "Ladogan kuld" om Piterin rahvahidenkeskeižen ekonomižen foruman Sportvändoiden programmas. Velokezrajelusen tegijad oma Venäman velokezroiden sportan federacii da Roskongressan fond Venäman sportministerstvan tugel[1].
"Ladogan kuld" on Venäman öbokan suremb kaikid velokezroiden ajeluz, mitte jatktase äi päivid. Sen matk mäneb Venäman öbokas ümbri Ladogan järves, Piterin agjas, Karjalas da Piteriš. Vodel 2025 voibištelend jagoihe seičemehe palaha da sen ühtnikad ajoiba velokezroil läz 800 kilometrad[1][2].
Ajelusehe ühtneba kaik vägekahad velokezroiden ajelijad kaikel Venämalpäi. Kaikuččen voden "Ladogan kuldan" geografii tegese levedembaks. Voibištelendoihe ühtniba jo sportmehed Belorussijapäi, Uzbekistanaspäi, Kazahstanaspäi, Ühtenzoittud araboiden emiratoišpäi, Sirijaspäi da Vjetnamaspäi. "Ladogan kuld"-velokezroiden ajeluz tegihe hüväks ozuteseks rahvahidenkeskeižes ühthižrados sportas", – sanui Venäman prezidentan nevonik, Piterin rahvahidenkeskeižen ekonomižen foruman orgkomitetan päsekretar' Anton Kob'akov.
Vodel 2025 velokezroiden ajelusen ühtnikoiden keskes ezmäižen kerdan oma korporativižed joukod da navedijoiden sebrad, miččed ühtenzoitaba melekahid mehid erazvuiččiš erištoišpäi[3].
Kactes mail'man surembihe grand-turoihe "Ladogan kuldan" pätegend om siš, miše ozutada regionan turistišt potencialad. Ajeluz ozutab Priladožjan da Piterin londusen čomut da istoriližid sijoid: "Korela"-lidnoitusen, Viborgan zamkan, Ladogan šherad, järven öbokan čoma rand, "Rebitadud kehkeruz"-muštpachan, "Arenan Gasproman", "Lahtan keskuz". Nene da toižed melentartuisijad da londused čudod vastasoiš, konz sportmehed ajaba velokezroil[4].
"Ladogan kuld" voib tehtas ei vaiše tetabaks sport-, no turistižeks brendaks Venämal.
Homaičendad
- ↑ 1 2 3 "Золото Ладоги"-2025.
- ↑ От замка до живописных пейзажей Карелии: как прошла велогонка «Золото Ладоги 2025» (4 kezakud 2025).
- ↑ Международная многодневная велогонка «Золото Ладоги» состоится в третий раз в рамках Спортивных игр ПМЭФ (4 kezakud 2025).
- ↑ Финал «Золота Ладоги-2025»: старт Спортивных игр ПМЭФ в Петербурге первое место чемпиона мира и битва за общий зачет (16 kezakud 2025).