Kasjanov Ivan Anikeevič
| Ivan Kasjanov | |
|---|---|
 | |
| Nimi | Ivan Anikeevič Kasjanov |
| Sündundpäiv | 4. tal'vkud 1825 |
| Sündundsija | |
| Kolendpäiv | 3. sügüz'kud 1896 (70 лет) |
| Kolendsija | |
| Подданство |
 Venäman imperii |
| Rad | starinoičend |
| Lapsed | starinoičii Ivan Ivanovič Kasjanov |
Ivan Anikeevič Kasjanov (ven.: Иван Аникеевич Касья́нов, 4. tal'vkud 1825, Kosmozero, Oloncan gubernii[d], Venäman imperii[d] — 3. sügüz'kud 1896, Kosmozero, Oloncan gubernii[d], Venäman imperii[d]) om tozistarinoiden starinoičii[1].
Elostarin
Om sündunu Oloncan gubernijan Petroskoin ujezdan Kosmojärven pagastan vanhan uskondan maradnikan kanzas. Hänen tat Anika Ustinov oli pusepэ da maradnik, koli, konz hänele oli kahesakümne vot vodel 1864. Mamoi, Mavra Nazarova, koli vodes päliči jäl'ghe ičeze ukod, hänele oli kahesakümne vot. Kanz eli sures pertiš. Kirjmahtole prihaižen openzi Jegor Ivanovič Hlopov[2].
Norištos Kasjanov kundli Filipp Klementjev Sizovan da Trofim Ivanova Zlobinan tozistarinoid, kudambad openzihe sidä aigan tetabal Mihail Soged-pajatajal, kudamb koli voz'sadan XIX augotišes. Iče Kasjanov openzihe pajatada tozisanoid da pühärunod ičeze sebranikan Ivan Jegorovič Sperovalpäi, kudamb sai necidä mahtod ičeze d'ad'alpäi, kudamb oli matknikan[2].
Andoi Venäman mantedosebrale ičeze voikuiden, tozisanoiden da veropajoiden kirjutesed, miččed kaičesoiš Venäman tedoakademijan arheologijan institutas.
Sädairad
Ivan Kasjanovan repertuaras om 20 tozisanundad, istoriližed pajod, balladad, puheged, jumalaižen runod (ven.: «Аи, девица Пречистая Богородица», «Пресвятая мать Благословенная», «О Страшном суде», об Иосифе, «Книга Голубиная»), sarnad (ven.: «Разговор о пьянстве», «Об упрямой жене»).
Pajati tozisanoid Volhv Vseslavičas da Mikul Sel'aninovičas (tarkemba starinoiči Mikulan adran da val'l'astusen polhe, mi paindud tekstoiš), Mihail Potikan polhe da jumalanpertiš, mitte oli carin Aleksei Mihailovičan valdan aigal[2].
Tozisanad, jumalaižen runod, miččed om kirjutadud Kasjanovaspäi, om mülütadud A. F. Gil'ferdingan Änižen tozisanundad-kirjaha (Piter,1896), Venäman rahvahan pajod-kirjaha, miččen keraziba F. S. Istomin da G. O. D'utšem, "Venälaižed vanhan da uden kirjutesen tozisanundad" runokogomusehe N. S. Tihonravovan da V. F. Milleran toimištos da toižihe[2].
Pajati tozistaronoid Piteriš Venäman mantedosebras (1871, 1889, 1892), Moskvas, Jaroslavliš, Ribinskas. Tozistarinoiden kirjutesen täht vastsihe akademikanke A. F. Gil'ferdindanke[3].
Kanz
Starinoičijan kanzas oli koume last: Ivan- da P'otr-poigad da tütär[2].
P'otr Ivanovič služi armijas, sidä jäl'ghe oli Tolvujan küläkundan ur'adčikan[2].
Ivan Ivanovič (1860 — jäl'ghe 1926) oli bohat maradnik. Hänel oli kaks'žiruine pert', lauk. Oli Kosmojärvelaižen radmahttehnikuman holenpidäi. Tal'vkus vodel 1914 aivozižes hüväntegii tös Ivan Ivanivič Kasjanov sai hobedaižen medalin kirjutesenke "Naprindas" Stanislavoval lental. Oli starinoičijan[4].
Pauklahjad
Om pauklahjoitud Venäman mantedosebran bronzmedalil[2].
Homaičendad
- ↑ Карелия (энциклопедия): в 3 т. / гл. ред. А. Ф. Титов. Т. 2: К — П. энциклопедия. — Петрозаводск: ИД «ПетроПресс», 2009. — С. 46. — 464 с. — ISBN 978-5-8430-0125-4.
- ↑ 1 2 3 4 5 6 7 Т. А. Мошина. Сказитель из Космозера Иван Касьянов. Дата обращения: 14 uhokud 2026.
- ↑ Олонецкий певец былин в Москве. Дата обращения: 14 uhokud 2026.
- ↑ Национальный архив РК Ф. 4. Оп. 11. Д. 23/234. С. 203— 204; Ф. 78. Oп. 1. Д. 67/802. С. 25,85 об. — 86 об.; Ф. 78. Oп. 1. Д. 75/903. С. 53, 55.
Literatur
- Карелия (энциклопедия): в 3 т. / гл. ред. А. Ф. Титов. Т. 2: К — П. энциклопедия. — Петрозаводск: ИД «ПетроПресс», 2009. — С. 46. — 464 с. — ISBN 978-5-8430-0125-4.
- Касьянов, Иван Аникиевич // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- Национальный архив РК Ф. 4. Оп. 11. Д. 23/234. С. 203— 204; Ф. 78. Oп. 1. Д. 67/802. С. 25,85 об. — 86 об.; Ф. 78. Oп. 1. Д. 75/903. С. 53, 55.
Lähtked
 |
|---|
