Kalagen škol
Kalаgen škol (venäkelel: Рыборецкая школа) — om keskopenduzškol Änižröunas, Kaleig-küläs, Karjalas. Kalagen škol om üks’ Karjalan kaikid vanhembiš školišpäi. Se oli avaitud vodel 1802. Školan pämez' om Gotič Svetlana Nikolajevna [1].
Istorii
Škol oli avaitud Kalages vodel 1805 papin pertiš. Openduzkirjad oliba jumalaižed kirjad: psaltir i časoslov. Opendajan radoi nor’ ponomar’ Ivan Devatinski. Kel’ oli lujas jüged: pühäslavine. Meiden aigahasai om jänu bumagoid arvsanoidenke. Suren radon lapsiden opendusehe Kalages tegi pap’ P’otr F’odorovič Sermägin. Koumekümne vot školas radoi Aleksandr Konstantinovič Uspenskii. Pavel Konstantinovič Uspenskii om venä-čudin vajehnikan tegii. Opendai Jevdokija Iljinična Ispolatova sai ordenan ičeze rados. Meiden školas openzihe sured tetabad mehed: Karjalan pirdai Safonii Dmitrijevič Jeršov, vepsän etnograf Dmitrii Puškin, mäni kaiken voinan meiden pirdandan opendai F’odor Aleksejevič Anikejev. Škol om etnokul’turan komponentanke. Lapsed opendaba vepsän kel’t päivkodišpäi.
Üleižed tedod
Ezmäižen vepsän kelen opendajan oli Valentina Pavlovna Loginova, hän openzi lapsid vepsän kel’he kirillical. Jäl’ges, vodel 1990 radoi Nina Konstantinovna Rembot, hän radoi latinical. Mugažo Kalagen školas radoi Valentina Grigorjevna Agafonova. Vodelpäi 1992 Kalagen školha tuli radmaha vepsän kelen opendai Ol’ga Jevgenjevna Mironova. Vodel 1997 abuhu tuli uz’ vepsän kelen opendai Gotič Svetlana Nikolajevna, kudamb lopi Petroskoin valdkundaline universitetan. Vodel 2010 Kalagen keskškolha tuliba radmaha kaks’ Petroskoin universitetan Baltianmeren suomalaižiden keliden da kul’turan tedokundan pästnikad Mironova Maria Aleksandrovna i Aprodu Julia Vasiljevna. Nügüd’ Svetlana Nikolajevna Gotič om Kalagen keskškolan pämez’. Vozil 1980 zavodihe vepsän kelen da kul’turan udessündutamine. Ezmäi vepsän kelen urok oli fakul’tativan, vodelpäi 1989 zavottihe vedäda vepsän kelen urokoid.
Tetabad školan pästnikad
Školas openzihe sured tetabad mehed:
- Karjalan pirdai Safonii Dmitrijevič Jeršov;
- Vepsän etnograf Dmitrii Puškin;
- F’odor Aleksejevič Anikejev.
