Jänišoiden tazangišt
| Melentartuisija | |
| Jänišoiden tazangišt | |
|---|---|
 | |
| 61°57′06″ с. ш. 34°14′02″ в. д.GЯO | |
| Valdkund |
 Venäma |
| Vestai | Sergei Gapanovič |
| Sündundpäiv | 2018 |
| Sait | iloverabbit.ru |
 |
|
Jänišoiden tazangišt (ven.: Долина зайцев) — jänišoiden kuvad kal’l’ol, lend-artan art-objekt. Sijadase kal'l'ol 23 km Petroskoišpäi[1][2].
Sijaduz
Kal’l’ pidusel 250 metrad om 23 km Petroskoišpäi, läz federališt Kola-avtoted, Šujan stancii da Šujan Čupa küliden keskes[3].
Tedod
Jogahižel jänišan elemental om ei vaiše ičeze sija kal’l’ol, no i nimi da istorii[4].
Vestai Sergei Gapanovič ühtes karjalaižen dizaineranke Viktor Zaburdajevanke tegi kaks’kümne jänišoiden šablonad. Joga personažale hän andoi ičeze nimen da istorijan. Ozutesikš, Lakki om sijaline lekar’, mitte tervehtoitab mecživatoid. Liluai-jäniš om karjalan mecan mifoiden da legendoiden kaičii, а Al’oša Knopočkin om fotokuvitai, mitte fotokuvitab jänišan kanzan tärktad päazjad.
Erasil oma erazvuiččed nimed: Lakki, Ahti, Liluai, Itu, Läm Tullei, Vägev Heng’. No vastasoiš i jogapäiväližed nimed — ozutesikš, Žorik, Sen’a, Petrovič, Alisa. Eskai om kogonaine Lapkinoiden kanz: Anatolii, Marus’a, Fed’a da Nadežda Patrikejevna. Sergei Gapanovič sanub, miše jogahižel hänen jänišal om todesine mehen prototip[5].
Pol' kal'l'on "živataižid" om nimitadud. Konz vestajale tegihe jüged rahoitada projektad ühtele, hän zavodi mösketa jänišoid donatas, jäl'ges 3000 da 5000 rubl'as. Rahad hän pidi benzinan ostandaha, abunikoiden paukan andandaha, sauvondmaterialoiden da radkaluiden kiven vestandan täht ostandaha.
Jogahižele elementale anttas sertifikatan nomeranke[6].
Istorii
Kivedme vestai, kofeiniden ižand Sergei Gapanovič zavodi projektan vodel 2018[7]:
- Sidä aigan minä mel'duin kivivestandaha da meletin: a mikš ei tehta midä-se, mi voib tehtas völ ühteks Karjalan melentartuisijaks? Muga i il'mestui idei vestta sid' jänišoid. Mindai kaiken aigan pahidoitiba kirjutesed kal'l'oil, miččid tehtihe vandalad. Ka laske sid' paremba eläškatas korvakahad [8].
Om tehtud sur' vaumičendrad. Ezmäi puhtastiba seinan kivišpäi, miččed voiba jogahižel kurol langeta, jäl'ges lendiba sauvondčuhun, miše voiži rata kaiken kal'l'on pindadme.
Ičeze ezmäižen jänišan, tarkemba jänišanemä, Gapanovič nimiti ičeze akan — Natalja Mihailovnan arvostuseks.
Projektan täht tehtihe saitan. Ezmäks sigä oli seičeme jänišan kuvad, jäl'ges niiden lugumär kazvoi.
Kal'l'ol jänišoiden keskes il'mestuiba dinozavrad-ki da piccan supal.
Läz seinäd vodelpäi 2024 году keratess piramidaižid kivišpäi sanudas himoid.
Turistmatkoiden ohjandajad aktivišti popul'ariziruidas "Jänišoiden tazangišt — Sampo-mägi — Marcialižed veded — Kivač-vezilanktuz" turistmatkad[9]. Om erilaine turistmatk melentartuisijannoks[10].
Tehnologii
Sergei Gapanovič radab sebranikoidenke. Ratas i toižed ičetahtnikad[8].
Ezmäi seinan tukitadas da puhtastadas. Jäl’ges puhtastase muju. Kirjutesed da kuvad heittas silituz- da abrazivižil radkaluil vai himijal[3].
Ezmäks kivikuvan süvüdel 1—2 sm Gapanovič tegi koume časud, sades radmahtištoid nece aig väheni časuks.
Kivivestatusen mastarid čaptas kal'l'on trafaretan mödhe. Vodel 2019 vestajal oli läz 30 trafaretad. Ned erištelesoiš formal da surudel.
Arvosteluz
Art-objektad nimitadas nügüd'aigaikš Karjalan petroglifoikš[5].
Premijad
Vodel 2022 objekt mülüi Venäman art-objektoiden kümenikha matkoiden Tutu.ru-servisan mödhe[11][12][13].
Kut voib sadas
Sadas Jänišoiden tazangištonno voib personaližel avtomašinal, ühthižel ajamel vai ekskursijanke.
Ičeze mašinal Petroskoin keskusespäi R—21-avtotedme pidab ajada Kondopoga-lidnan polhe 23 kilometrad. Jäl'ges Šuiskaja-stancijad linneb Murmanskan tesar', miččen lähen om Jänišoiden tazangišt.
Ühthižel ajamel voib ajada Petroskoin avtovokzalaspäi da raudtevokzalaspäi Šujan stancijahasai:
- matk avtobusal om 40 minutad, ajelese kerdan časus;
- matk električkal om 20 minutad, mäneb kaks' kerdad päiväs[14].
Jäl'ges Sujan stancijalpäi Jänišoiden tazangištohosai voib sadas jaugai da avtomašinal. Jaugai pidab astta läz 50 minutad. R-21 "Kola" avtotespäi pidab astta tedme Girvasan polhe gazvedon trubahasai, kuspäi zavodiše mectehut. Avtomašinal pidab ajada 86К-18-trassan 4. kilometrahasai, edel küläd kätas huran polhe i oiktal polel linneb Jänišoiden tazangišt.
Ekskursijanke paiči Jänižoiden tazangištod voib nägištada Kivač-vezilanktusen, Sampo-mägen, Girvas-lämoimägen (pidab rižada ekskursijan vedäjal linneb-k matk Jänišoiden tazangištoho).
Homaičendad
- ↑ Софья Сажнева. В Карелии создают "долину зайцев". Metro International (6 keväz'kud 2019). Дата обращения: 28 heinkud 2025.
- ↑ Своя «Долина зайцев» появилась в Карелии — репортаж Пятого канала. АО Телерадиокомпания «Петербург» (8 elokud 2018). Дата обращения: 28 heinkud 2025.
- ↑ 1 2 Игорь Лукьянов. Карельский предприниматель превращает исписанную хулиганами скалу в арт-объект. ТАСС (26 heinkud 2018). Дата обращения: 28 heinkud 2025.
- ↑ Нас не будет, а зайцы останутся. Наскальное творчество вновь возрождается. Еженедельник "Аргументы и Факты" (20 sulakud 2018). Дата обращения: 28 heinkud 2025.
- ↑ 1 2 Виола Лехнович. Долина тысячи зайцев. Журнал "Русский мир" (5 kezakud 2019). Дата обращения: 28 heinkud 2025.
- ↑ Долина зайцев: у каждого зверя появился личный номер. Газета "Карелия" (5 sügüz'kud 2018). Дата обращения: 28 heinkud 2025.
- ↑ Анна Гриневич. Счастливый человек Сергей Гапанович. газета "Карелия" (5 heinkud 2022). Дата обращения: 28 heinkud 2025.
- ↑ 1 2 Алина Чемерис. Карельский «дед Мазай» создал каменную «Долину зайцев» рядом с Петрозаводском. Комсомольская правда в Санкт-Петербурге (6 sügüz'kud 2020). Дата обращения: 28 heinkud 2025.
- ↑ О нашей поездке по маршруту «Долина Зайцев - Гора Сампо - Марциальные воды - водопад Кивач». petrsu.ru (23 kül'mkud 2023). Дата обращения: 29 heinkud 2025.
- ↑ Экскурсии к «Долине зайцев» из Петрозаводска. experience.tripster.ru. Дата обращения: 28 heinkud 2025.
- ↑ Долина зайцев вошла в десятку необычных арт-объектов в России. Сетевое издание «Петрозаводск говорит». (26 vilukud 2022). Дата обращения: 28 heinkud 2025.
- ↑ Зайцы-антивандалы. Tуту арт. Дата обращения: 28 heinkud 2025.
- ↑ Арт-объект «Долина зайцев» вышел в финал всероссийского конкурса. Филиал ФГУП ВГТРК ГТРК "КАРЕЛИЯ" (17 kül'mkud 2021). Дата обращения: 28 heinkud 2028.
- ↑ https://4trek.ru/dolina-zajcev.html (28 semendkud 2025). Дата обращения: 28 heinkud 2025.