Girvas (lämoimägi)
| Girvas-lämoimägi | |
|---|---|
.jpg) Girvas-lämoimägi sügüzel vodel 2024 | |
| Tedod | |
| Lämoimägen form | pohjaslavalämoimägi |
| Jäl'gmäine rehkaiduz | 2 milliardad vot tagaze |
| Kaikid korktemb sija | |
| Absol'utine korktuz' | läz 150 м |
| Olendsija | |
| 62°29′14″ с. ш. 33°41′49″ в. д.GЯO | |
| Ma | |
| Region | Karjala |
| Rajon | Kondopogan rajon |
Girvas-lämoimägi (ven.: Вулкан Гирвас) — sambutanu lämoimägi Kondopogan rajonas Karjalas, ei edahan Girvas-pos'olkaspäi.
Lämoimägi om pohjaslavalämoimägi[1]. Nece om üks' Fennoskandijan paleolämoimägiden keskusespäi, mitte kaičihe paremba kaikid. Tedomehiden tedoiden mödhe lämoimägen jäl'gmäine rohkaiduz oli tägä kaks' milliardad vot tagaze[2][3].
Lämoimägi om koumas kilometras pohjoižehe Girvas-küläspäi[4]. Matk Karjalan pälidnaspäi - Petroskoišpäi — läz 90 kilometrad[5].
Lämoimäged avaidamine da nügüdläine aig
Karjalan geologad löuziba lämoimöged vodel 1986, konz Suna-jogen joksmuzsija oli kuivatud Paljeozerskan gidroelektrostancijan sauvomižen aigan[2].
Tämbeižeks päiväks om kaitud da voib nägištada lämoimägen mändud kanalad, jähtunuded lämoilaskman joksmused, kivimäged, miččed om tehtud bazal'tan, mugoižiden mineraloiden, kut piritan da turmalinan, palaižišpäi[2]. Kaičihe mugažo lämoimägen krater.
Lämoimägen nimi om tulnu Girvas-pos'olkan nimespäi.
Veden laskmusen täht Paljeozerskan gidroelektrostancijal avaitas veden saub, siloi lämoimägi tegese bruncijaks vezilanktuseks. Necil aigal turistoid tegese enamba, kaik hö tahtoiba nägištada bruncijad vezilanktust. Veden saud avaidusen aig kaikuččen voden vajehtase. Tobjimalaz se om sulakun keskuses libo lopus, libo semendkun augotižes[6].
"Girvas-paleolämoimägi"-puišt
Lämoivägen territorijal 12. kezakud vodel 2015 oli tehtud "Girvas-paleolämoimägi"-puišt[3]. Puištos om pandud tedolaudaižed, kus starinoitas lämoimägiden istorijas da taidehfil'moiš, miččed oli snimdud necil territorijal, radab geologijan muzei, muštlahjoiden lauk, kafe, om seižutim avtomašinoiden täht[5]. Tal'vaigan puišt ei rada[7]. Puištol ei ole ičeze oficiališt aitad, om vaiše grupp socialižiš internetverkoiš.
Girvas-paleolämoimägen päiv
Puištos pidetas Girvas-paleolämoimägen päiv. Ezmäine praznik, mitte oli omištadud lämoimägele, oli tehtud vodel 2022 Girvas-paleolämoimägen - seičemevoččeks sündundpäiväks da geologijan muzejan avaidamižeks sen territorijal[3][8]. Uz' praznik oli pidetud kezal vodel 2023[2]. Praznikan pätegijoikš tegihe Venäman tedoakademijan Karjalan tedokeskusen Geologijan institut da "Girvas-paleolämoimägen"-puišt. Praznikaližes programmas oliba ekskursijad lämoimägele da geologijan mizejaha, mastar'-klassad, erazvuiččed konkursad da viktorinad[9][2].
Fail:0128-Пано.jpg "Girvas"-lämoimägi vezisauban avaidusen aigan |
.jpg)
.jpg)
.jpg)
Literatur
- Геологическое наследие Карелии : путеводитель историко-геологических экскурсий по городу Петрозаводску и Центральной Карелии / [Кондрашова Н. И., Кулешевич Л. В., Лавров О. Б. и др.] ; редакционная коллегия: Л. В. Кулешевич, С. А. Светов ; Федеральный исследовательский центр "Карельский научный центр Российской академии наук", Институт геологии КарНЦ РАН. — Петрозаводск : Карельский научный центр Российской академии наук, 2021. — 206, [1] с. : ил. ; 30 см. — Текст : непосредственный. — На титульной странице: КарНЦ РАН 75. — Авторы указаны в конце книги. — Библиография в конце статей. — ISBN 978-5-9274-0909-9
Homaičendad
- ↑ Термодинамическая модель химического перемагничивания на примере палеовулкана Гирвас Онежской структуры (Карельский кратон). КиберЛенинка. Дата обращения: 1 sulakud 2025.
- ↑ 1 2 3 4 5 День палеовулкана отметили в поселке Гирвас
- ↑ 1 2 3 КарНЦ РАН. Новости. 14.02.2022
- ↑ легендарная Карелия. Древний вулкан парка «Гирвас»
- ↑ 1 2 ИСПОЛЬЗОВАНИЕ ПРИРОДНОГО ПОТЕНЦИАЛА ДЛЯ РАЗВИТИЯ ТУРИЗМА). КиберЛенинка. Дата обращения: 1 sulakud 2025.
- ↑ Открытие плотины в Гирвасе запечатлели на видеокамеру
- ↑ В Карелии закрылся популярный среди туристов парк
- ↑ Сампо ТВ. Около двух тысяч человек побывали на празднике палеовулкана в посёлке Гирвас
- ↑ На праздник палеовулкана в Гирвас пригласили всех желающих карельские ученые