Hasavürt

Hasavürt
Hasavürt
Флаг	Герб
	43°15′00″ с. ш. 46°35′00″ в. д.GЯO
Valdkund	Venäma;
Istorii da geografii
Tegemižen päiv	1846
Pind	40;
Высота	130
Aigvö	UTC+3[d]
Eläjad
Eläjad	▲155 144 чел. (2021);
Lugud
Počtan indeksad	368000–368009
	Официальный сайт
	Mediafailad RUWIKI-tedoiš

Hasavürt (ven.: Хасавю́рт, avar.: Хасáвюрт, darg.: Хасав, lak.: Хасавюрт, lezg.: Хасавюрт [хасавъю́рт], kum.: Хасав-юрт, čeč.: Хаси-Эвл) om Venäman lidn da lidnümbrik Dagestanan Tazovaldkundan keskuzpalan päivlaskmas. Se om tazovaldkundan kahtenz' lidn eläjiden lugun mödhe. Om Hasavürtan rajonan administrativižeks keskuseks mugažo, ei mülü rajonha, kudamban ristitišt om enamba mi lidnas.

Istorii

Eländpunktan aluz om pandud vl 1846 kuti Jariksuv-lidnuz. Vl 1847 udesnimitihe sidä lähižen külän mödhe nügüdläižikš. Raudte tuli Hasavürtha vl 1894. Vl 1931 Hasavürt-slabad' sai lidnan statusad.

Hasavürt šingotase ladimensauvomižen tegimel, sauvondmaterialiden tegimil (savič, raudbetontegesed), sömtegimištol (konservkombinat pšstab maploduiden, frukt- da lihakonservid, lihakombinat, maidtegim, vintegim) sijaližen torhuden kävutandanke. Om ümbärtud maižanduzrajonal.

Geografijan andmused

Lidn sijadase Kavkazan ezimägištol, 117 metrad korktusel valdmeren pindan päl. Lähembaižed järedad lidnad Mahačkal (80 km päivnouzmha) i Groznii (74 km päivlaskmha), avtote i raudte ühtenzoitab niid, i lidn seižub ani pol'tel.

Hasavürt om üks'jäine eländpunkt lidnümbrikos.

Eläjad

Vn 2010 kaiken Venäman rahvahanlugemižen mödhe eläjiden lugu om 131 187 ristitud. Vl 2017 lidnan ristitišt oli 140 047 eläjad. Kaikiš suremb ristitišt lidnas om nügüd'.

Rahvahad (lidnan eläjad, enamba 1% vl 2010): avarad — 30,7 %, čečenalaižed — 28,5 %, kumikalaižed — 28,1 %, darginalaižed — 4,1 %, lakalaižed — 3,3 %, venälaižed — 2,3 %, lezgilaižed — 1,6 %, toižed rahvahad — 1,2 %, rahvahuden ozutandata — 0,2 %.

Islaman pämečet' radab. Ortodoksižen hristanuskondan üks'jäine pühäpert'^[2] om avaitud lidnas, se om Jumalanmaman «Pühä Znam»-jumalaižen päjumalanpert', om saudud vll 1902−1903.

Severz'-se profopendusen aluzkundoid om lidnas, niiden keskes Agrariž-ekonomine kolledž^[3] i Hasavürt-lidnan Medicinine kolledž^[4].

Edeline lidnümbrikon pämez' om Zainudin Okmazov (2015−2020).

Transport

Hasav-Jurt-päraudtestancii da avtobusstancii oma lidnas. Voib sadas avtobusal Dagestanan i Stavropolin randan lidnoihesai.

Mikroavtobusad i taksid oma kundaližeks transportaks lidnadme.

Galerei

Lidnan mečet', vn 2016 nägu
Jumalanmaman «Pühä Znam»-jumalaižen päjumalanpert', vn 2004 nägu
Khasavyurt, Dagestan Republic, Russia - panoramio (3).jpg

Laukad R217-manteverenno vl 2013
Khasavyurt, Dagestan Republic, Russia - panoramio (4).jpg

Znam lidnan nimenke vl 2013

Homaičendad

Irdkosketused

Municipaližen «Hasavürt-lidn»-ühtnikan tobmuden sait (xacavurt.ru). (ven.)

	Dagestanan Tazovaldkundan lidnad
	Buinaksk \| Dagestanan Lämoid \| Derbent \| Hasavürt \| Izberbaš \| Kaspiisk \| Kizilürt \| Kizlär \| Mahačkal \| Suvisuhokumsk

[_15bd2465f028e4c3-1] ttps://rosstat.gov.ru/storage/mediabank/tab-5_VPN-2020.xlsx

[2] Hasavürtan pühäpertid sobory.ru-saital. (ven.)

[3] Agrariž-ekonomižen kolledžan sait (hasraek.ru). (ven.)

[4] Hasavürt-lidnan Medicinižen kolledžan sait (мк-хасавюрт.рф). (ven.)

[1]

[2]

[3]

[4]