Buinaksk

	Buinaksk
	avar.: Шура; lezg.: Шура; lak.: Щурагьи
	Fail:Мечеть в Буйнакске - Дагестан.jpg
	Герб
	42°49′00″ с. ш. 47°07′00″ в. д.GЯO
Valdkund	Venäma;
Istorii da geografii
Tegemižen päiv	1834
Pind	20,95;
Высота	490
Aigvö	UTC+3:00[d]
Ekonomik
Eläjad
Eläjad	▲68 121 чел. (2021);
Lugud
Počtan indeksad	368220
-
	Официальный сайт
	lugeda • diskussii • redaktiruida

Buinaksk (kum.: Темир-хан-шура / Шура, darg.: Буйнакъск / Шура) om Dagestanan Tazovaldkundan keskuzpalan suves. Se om Buinakskan rajonan administrativižeks keskuseks mugažo, ei mülü rajonha.

Istorii

Eländpunktan aluz om pandud vl 1834, i vhesai 1922 sen oficialine nimituz oli Temir-Han-Šur. Nimitihe järven i jogen mödhe, kuivatihe Temir-Han-Šur-järved vl 1854. Žilo sai lidnan statusad vl 1866. Luja manrehkaiduz tegihe lidnas vn 1970 14. päiväl semendkud.

Buinaksk šingotase nenil tegimil: agregattegim (gidravližed i poltuzagregatad), ladimensauvomižen tegim, konservtegim (keitišed, džemad, kompotad). Ende meblin, kengiden, omblendan, trikokanghiden fabrik radoiba mugažo.

Geografijan andmused

Lidn sijadase Šura-ozen'-mägijogen randal (ven.: Шура-озень 80 km pitte, lankteb Kaspijha), 490 m keskmäižel korktusel valdmeren pindan päl. Kurortine tahond levineb lidnas ümbri. Matkad lähembaižhe Mahačkal-lidnhasai om 40 km pohjoižpäivnouzmha orhal, raudtel vai avtol.

Buinaksk om lidnümbrikon üks'jäine eländpunkt.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 62 623 ristitud. Kaikiš suremb ristitišt om nügüd'.

Rahvahad (enamba 0,4% vl 2010): avarad — 45,8%, kumikalaižed — 30,8%, lakalaižed — 6,8%, azerbaidžanlaižed — 0,6%, lezginalaižed — 0,4%, toižed rahvahad — 1,9%, rahvahuden ozutandata — 0,4%.

Islaman järed Džuma-mečet' i koume pühäpertid, medrese i institut oma olmas lidnas. Ortodoksižen hristanuskondan ph. Aleksandr Nevskijan jumalanpert'^[3] om saudud vl 2000, kaks' tošt pühäpertid oma pandud mantazole nevondkundaližen aigan. Judaizman pühäpert' ei ole väges hudran olendan tagut.

Professionaližen opendusen aluzkundad oma professionaliž-pedagogine kolledž Rasul Gamzatovan nimed^[4], maižanduzkolledž Š.I. Šihsajidovan nimed^[5], ekonomikan da edheotaikundan kolledž^[6], medicinine škol^[7], viž üläopendusen aluzkundad (Moskv, Belgorod, Mahačkal, Piter).

Galerei

07 Театр.jpg

Kodirandantedištandmuzei (2012). Tedotihe Dagestanad Tazovaldkundaks siš vl 1920
Мечеть в Буйнакске - Дагестан.jpg

Islaman pühäpert', vn 2011 nägu
Lidnan tal'veline nägu vn 2015 lopus
У Центрального рынка (Исм.Альберт) - panoramio.jpg

«Madina»-torguindkeskusenno (Keskuztorguz, 2010)
Ж-Д вокзал (Исм.Альберт) - panoramio.jpg

Buinaksk-päraudtestancijan sauvuz vl 2006

Homaičendad

Irdkosketused

Lidnümbrikon tobmuden aluzkundoiden oficialine sait (buynaksk05.ru). (ven.)

Buinaksk Vikiaitas

	Dagestanan Tazovaldkundan lidnad
	Buinaksk \| Dagestanan Lämoid \| Derbent \| Hasavürt \| Izberbaš \| Kaspiisk \| Kizilürt \| Kizlär \| Mahačkal \| Suvisuhokumsk

[_8c30495f69e788a3-1] 1,0 ^1,1 http://www.gks.ru/dbscripts/munst/munst82/DBInet.cgi

[_15bd2465f028e4c3-2] 2,0 ^2,1 https://rosstat.gov.ru/storage/mediabank/tab-5_VPN-2020.xlsx

[3] Buinakskan pühäpertid sobory.ru-saital. (ven.)

[4] Professionaliž-pedagogižen kolledžan Rasul Gamzatovan nimed sait (bpkgam.ru). (ven.)

[5] Maižanduzkolledžan Š.I. Šihsajidovan nimed openduzkeskusen sait (sk-im.dagestanschool.ru). (ven.)

[6] Buinakskan ekonomikan da edheotaikundan kolledžan sait (keipbk.ru). (ven.)

[7] Buinakskan medicinižen školan sait (bmu-05.ru). (ven.)

[1]

[2]

[3]

[4]

[5]

[6]

[7]