Dmitrii Mendelejev
| Dmitrii Mendelejev | |
|---|---|
 Dmitrii Mendelejev vl 1897 | |
| Nimi: | ven.: Дмитрій Ивановичъ Менделѣевъ |
| Sündundpäiv | 27 vilukud (8. uhokud) 1834[1][2] |
| Sündundsija: | |
| Kolendpäiv: | 20 vilukud (2. uhokud) 1907[1][3][…] (72 года) |
| Kolendsija: | |
| Valdkund | |
| Professijad: | himik, fizikanmez', õppejõud, majandusteadlane |
| Tat | Ivan Pavlovich Mendeleyev[d] |
| Супруга | Anna Ivanova Popova[d] da Feozva Nikitichna Leshcheva[d] |
| Lapsed | Vladimir Mendelejev[d], Ljubov Blok[d] da Vassili Mendelejev[d] |
| Pauklahjad da premijad |
       Faraday Lectureship Prize[d] (1889)  Davy Medal[d] (1882) Foreign Member of the Royal Society[d] (19. semendkud 1892) |
| Allekirjutuz |
 |
 Mediafailad RUWIKI-tedoiš | |
Dmitrii Ivanovič Mendelejev (ven.: Дмитрий Иванович Менделеев; sünd. 8. uhoku 1834, Tobol'sk, Tobol'skan gubernii, Venäman imperii — kol. 2. uhoku 1907, Piter, Venäman imperii) oli venämalaine himik da polimat, Imperatorižen Piterin universitetan professor i Piterin Tedoakademijan ühtnii.
Mez' om Himižiden elementoiden periodižen tabluden avaidajan, nece om üks' fundamentaližiš käskusišpäi mail'mas. Tedomez' sädi «Himijan alused»-monografijan (ven.: Основы химии).
Biografii
Dmitrii oli sündnu Tobol'skan ümbrikon školoiden i gimnazijan Ivan Mendelejev-direktoran kanzha jäl'gmäižeks seičemetoštkümnendeks lapseks, mam oli Marija Mendelejeva (Kornil'jeva). Dmitrii Mendelejev openui Tobol'skan gimnazijas vspäi 1841, oli Päižen pedagogižen institutan pästnikan vl 1855 (kut hänen Ivan-tat-ki vl 1807). Vahvišti kandidatan dissertacijad kristallografijas vl 1856.
Vll 1857−1890 tedomez' radoi opendajan Imperatorižes Piterin universitetas. Sai himijan doktoran arvod (1865).
Kanz
Mez' oli naižiš kahtišti. Ezmäine ak oli Feozva Leščeva Tobol'skaspäi (vai Fiza, 1826−1906) vspäi 1862, kaks' last sünduihe i kändihe täuz'kaznuzikš. Kahtenz' ak oli Anna Popova (1860−1942), Urüpinskan kozakan tütär, vspäi 1881 sünduihe nell' last.
Mušt
Muzei-arhiv radab Piterin valdkundaližes universitetas. Muzei-usadib sijadase Moskvan agjan Klinan rajonan Boblovo-žilos.
Panihe äi muštnikoid, büstoid i barel'jefoid Mendelejevan muštoks, niiden kesken koumin Piteriš i Moskvas, kaks' Tümenin agjas i Bakus, üksin Murinos, Üläufaleiš, Dubnas, Tomskas, Kijevas, Londonas.
Venäman Mendelejevsk-lidn (Tatarstan) om nimitadud tedomehen kanzannimen mödhe, žilo, raudtestancii, irdad, Tobol'skan mikrorajon, Tümenin lendimport, Jaroslavlin kivivoinümbriradai tegim, Moskvan Mendelejevskaja-metrostancii.
Äiluguižed Venäman tedoorganizacijad, suim, konkurs i premii oma Mendelejevan nimed.
Jäžomad Kirgizstanas i Antarktidas, Jävaldmeren mägisel'g, vulkan Kunašir-sarel, asteroid (2769) i Kudmaižen krater saiba Mendelejevan nimed.
Homaičendad
- ↑ 1 2 3 Чугаев Л. Менделеев, Дмитрий Иванович (рус.) // Новый энциклопедический словарь — СПб.: 1915. — Т. 26. Мацеевский — Молочная кислота. — С. 263—269.
- ↑ Чельцов И., В. К. Менделеев, Дмитрий Иванович (рус.) // Энциклопедический словарь — СПб.: Брокгауз — Ефрон, 1896. — Т. XIX. — С. 82—85.
- ↑ 1 2 group of authors Mendeléeff, Dmitri Ivanovich (англ.) // Encyclopædia Britannica: a dictionary of arts, sciences, literature and general information / H. Chisholm — 11 — New York City, Cambridge: University Press, 1911.
- ↑ 1 2 Менделеев Дмитрий Иванович // Большая советская энциклопедия (рус.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.