Bikova Natalia Jurjevna
| Natalia Jurjevna Bikova | |
|---|---|
| ven.: Наталия Юрьевна Быкова | |
 | |
| Sündundpäiv | 4. uhokud 1972 (54 года) |
| Sündundsija: | |
| Valdkund | |
| Professijad: | školan pämez' |
Natalia Jurjevna Bikova (ven.: Наталия Юрьевна Быкова, om sündunu 4. uhokud 1972, Kirovskan agj или Uržumskan rajon[d], Kirovskan agj) om opendai, Šoutjärven keskškolan pämez'[1], Vepsän rahvahaližen horan ühtnik, vepsän kelen tundii da vepsän aktivist.
Elostarin
Natalia Jurjevna om sündunu 4. uhokud vodel 1972 Kirovskan agjan Uržumskovan rajonan Roždestvenskii-küläs. Hän lopi Šoutjärv-külän školan da sen jäl'ghe sai radmahtopendust, tegihe opendajaks.
Vozil 1991 tuli radole Šoutjärv-külähä. Vozil 1991—1992 radoi lapsidenkacujan Šoutjärven keskškolas.
Vozil 1992—1994 oli Kaleig-külän keskškolan opendajan.
Vozil 1994—2003 radoi municipaližen klub-kirjišton sisteman metodistan.
Vozil 2003—2013 radoi Šoutjärven školan opendajan-sädajan. Natalia kaiken opendase da kehitoitab ičeze mahtištod, vodel 2010 lopi Karjalan valdkundaližen openduzakademijan da sai üläopendust, tegihe psihologan.
Vodel 2013 Natalia Jurjevna om valitud Šoutjärven keskškolan pämeheks, kus radab nügüd'-ki.
Vodel 2022 sai Karjalan Tervhuzministerstvan kitändkirjeižen abus. Konz vodel 2019 küläs paloi ambulatorii, ka školas oli anttud kuverz'se honust ambulanorijan täht[2].
Rad školas
N. Ju. Bikova radab školas vodelpäi 1991. Nece škol om vepsän küläkundan školiden päkeskuz. Oldes Šoutjärven školan pämehen hän äjan vot ohjandab etnokul’turišt opemišt.
Školan lapsiden kazvatandsistem om eripoline[3]. Hänen tomotusen mödhe školas joga voden mänetadas:
- vodelpäi 2014 Karjalan Šoutjärven vepsän Pajokeraine-fol'klorfestivalin (ven.: «Песенный клубок»)[4][5], kudamb om popul’arine rahvahan keskes da miččehe ühtnedas nügüd' jo vepsläižed lapsed koumes regionaspäi;
- školan ühthine Loninan urok-klassančas, mitte om omištadud kodiröunan tundijan, vepsän rahvahan Šoutjärven muzejan tegijan Rürik Loninan muštoks.
Natalia Jurjevna om mahtokaz sädai da ohjandai, kudamb pidäb hol't školan elos da kehitoituses.
Joga voden Šoutjärven školan radnikad da openikad ühtnedas tradicionaližihe praznikoihe, konkursoihe da festivalihe. Školan pämez' kändab lapsid da opendajid ühtneda erazvuiššihe projektoihe. Nene projektad abutaba mänetada školan etnografižid lagerid, kehitoitta lapsiden keskes melentartust vepsän kel'he, kul'turaha da kodiröunan istorijaha.
Äivozne melentartuz'
Jo enamba 30 vot N. Ju. Bikova käveleb Vepsän rahvahan horaha. Hänen heled, ičeladuine än' da äivozne pajomahtišt — nece om hüvä ozutez noren pol'ven täht. Vepsän rahvahan horas ühtnikoiden koumandez om Šoutjärven školan opendajad.
Pauklahjad
Karjalan Rahvahaližen politikan komitetan kitändkirjeine (2019);
Änižröunan Оhjandamišton kitändkirjeine (2016, 2024);
Karjalan Parlamentan kitändkirjeine (2022, 2024);
Karjalan Openduzministerstvan kitändkirjeine (2024).
Homaičendad
- ↑ Наталья Быкова - руководитель "Шелтозерской средней общеобразовательной школы".
- ↑ Директора школы Наталию Юрьевну Быкову поблагодарили за помощь. Дата обращения: 18 sügüz'kud 2025.
- ↑ Школа разных возрастных ступеней. Дата обращения: 18 sügüz'kud 2025.
- ↑ В селе Шелтозеро прошел песенный фестиваль «Pajokeraine» («Песенный клубок»). Дата обращения: 18 sügüz'kud 2025.
- ↑ Pajokeraine-vepsän fol’kloran festival’ Šoutjärves. tv-karelia.ru (25 sulakud 2017). Дата обращения: 18 sügüz'kud 2025.