Avramenko Grigorii Jakovlevič

Grigorii Jakovlevič Avramenko
Grigorii Jakovlevič Avramenko
	ukr.: Григорій Якович Авраменко
Sündundpäiv	23. sulakud 1909
Sündundsija	Kijev, Venäman imperii[d];
Kolendpäiv	неизвестно
Valdkund	Sovetskii Sojuz;

Grigorii Jakovlevič Avramenko (ven.: Григорий Яковлевич Авраменко, 23. sulakud 1909, Kijev — неизвестно) — sovetskii raudteradnik, Päkohenduzpojezdan № 20 pämez' Suren Kodiman voinan aigan, Socialistižen radon Geroi (1943)^[1] .

Elostarin

Sündui 23. sulakud vodel 1909 Kijevan agjas.

Vodel 1935 lopi Kijevan gidromeliorativižen institutan. Oli službal rauden voinvägiš, jäl'ges radoi Belorussian raudten Snovskaja-distnacijan aigsijaližen pämehen. Vodel 1939 tegihe matkmašinstancijan № 19 pämeheks (matkmašinstancii-19) Novosibirskas^[1].

Suren Kodiman voinan ühtnik. Vodelpäi 1942 G. J. Avramenko — Päkohenduzpojezdan № 20 pämez'(GOREM-20).

Udišti i kohenzi raudten üläelemetoid Pohjoižel, kus mäni voin, Ukrainan toižel i Baltianmeren toižel frontoil. Oldes vihanikoiden ambundan da aviacijan bombiden varus hän mahtokahašti ohjanzi sildoiden da ehtatuzsijoiden kohendust, ičeze aigal ehtati saldatoid, vointehnikad, ambundvaroid. Oli ranitud^[1].

Konz lopihe Sur' Kodiman voin G. J. Avramenko udišti muretud matkelomišton Suvi-Päivlaskmanpoližen raudten (ven.) (vep. Korostenskii-distancijal.

GOREM-20

Nece pojezd, miččel oli nimi GOREM-20 (Päkohenduzpojezd № 20) oli vaumitud Sibiriš (ven.) (vep. Tomskan raudtel voinan augotišes. Raudteühtenzoitusen rahvahan komissariatan käskön mödhe pojezd anttihe Karjalan frontaha Kirovan raudtele kohenduzradoiden täht. Necen ten suvipala Pöudan stancijaspäi Masel'skaja-stancijahasai oli okkupiruitud vihanikoiden voinvägil. Sikš pidi teravas lopta kohenduzradoid udel vaiše tehtud raudtel, mitte ühtenzoitab Kirovskan i Pohjoižen ted Sorokskaja-stancijaspäi (nügüd' Belomorsk) Obozersaja-stancijahasai. GOREM-20 sauvoi ühtenzoittud raudtelinijan, miše ümbärta Obozerskaja-stancijan. Nece andoi voimusen teramba ehtatada sostavoid Kirovskan raudtelpäi Pohjoižele i tagaze. Jäl'ges GOREM-20 lopi metallsildan kohendusen Onega-joges päliči^[1].

Ezmäižen pojezdan pämehen oli Grigorii Jakovlevič Avramenko, jäl'gmäižel voinan vodel GOREM-20-pojezdan pämeheks tegihe Leonid Aleksejevič Nikolajev.

Pauklahjad

SSSRan Ülembaižen nevondišton prezidiuman käskön mödhe voden 1943 kül'mkun 5. päiväspäi Grigorii Jakovlevič Avramenkole anttihe Socialistižen radon Gerojan (ven.) (vep. arvnimi, Leninan orden da "Sirp i pal'l'"-medal';
Om pauklahjoitud Leninan ordenal (5.11.1943), Rusttan radflagan (1942), 1. stepenin Suren Kodiman voinan (29.07.1945) medalil^[1].

Homaičendad

↑ ¹ ² ³ ⁴ ⁵ Григорий Яковлевич Авраменкою Герой Социалистического Труда (неопр.). Дата обращения: 16 heinkud 2025.

Lähtked

Григорий Яковлевич Авраменкою Герой Социалистического Труда (рус.). Дата обращения: 16 heinkud 2025.
Avramenko Grigorii Jakovlevič (рус.). Сайт «Герои страны». Дата обращения: 16 heinkud 2025.

[Авраменко-1] ¹ ² ³ ⁴ ⁵ Григорий Яковлевич Авраменкою Герой Социалистического Труда (неопр.). Дата обращения: 16 heinkud 2025.

[1]