Akulov Eduard Aleksandrovič

Eduard Akulov
Eduard Akulov
Sündundpäiv	11. redukud vodel 1938
Sündundsija	Petroskoi, Karjalan ASSR
Kolendpäiv	26. keväz'kud vodel 2000
Kolendsija	Petroskoi, Karjalan Valdkund
Ma	Sovetskii Sojuz; Venäma;
Openduz'	Piterin ülembaine taideh-tegeline radmahttehnikum V. Muhinan nimel
Pauklahjad	Karjalan arvostadud taidehradnik[d]
Premijad	Karjalaižen ASSRan valdkundaline pauklahj

Eduard Aleksandrovič Akulov (ven.: Акулов, Эдуард Александрович, 11. redukud 1938, Petroskoi — 26. keväz'kud 2000, Petroskoi, Karjalan Valdkund, Venäma) — sovetskii, venälaine vestai, monumentaline da monumentaliž-dekorativine taidehpirdai, Karjalan Valdkundan arvostadud taidehradnik (1998).

Elostarin

Sündui Änižen traktorzavodan radnikan kanzas, tat koli Suren Kodiman voinan vozil. Školvozil kävui vestatuzsebraha, mitte radoi Petroskoin pionerdvorcas.

Vodelpäi 1961, konz hän lopi vestatusen erišton Piterin ülembaižes taideh-tegeližes radmahttehnikumas V. Muhinan nimel, radoi Petroskoiš.

Vodel 1968 händast ottihe SSSRan taidehpirdajiden sebraha. Vozil 1973 hän sai Karjalaižen ASSRan valdkundaližen pauklahjan siš, miše tegi muštpachišton "Velliden kaum i Tundmatoman Saldatan kaum Igähižen lämoinke" Leninan päirdal Petroskoiš ühtes vestajanke L'udvig David'ananke i arhitektoroidenke Ernest Vladimirovič Voskresenskijanke (ven.) (vep. da Eduard F'odorovič Andrejevanke.

Vodelpäi 1963 Eduard Aleksandrovičan radod ühtniba venälaižihe, kaikenvenäman da rahvahidenkeskeižihe taidehozutelusihe.

Eduard Akulovan erased radod

Muštpachišt "Tundmatoman Saldatan kaum"
Muštpachišton pala. Muštkivi
Muštpachišton pala. Velliden kaum
Gor'an rist

Literatur

Скульпторы. Театральные художники Карелии: каталог.. — Петрозаводск, 1979.
Художники Карелии.. — Петрозаводск, 1987.
Калинин Е. С. Художники Карелии.. — Петрозаводск, 2000.

Lähtked