David'an L'udvig Karapetovič

L'udvig David'an
L'udvig David'an
Sündundpäiv	18. keväz'kud 1935 (91 vot)
Sündundsija	Baku, Azerbaidžanan SSR
Rahvahuz'	SSSR→ Venäma
Openduz'	Piterin ülembaine taideh-tegeline radmahttehnikum V. Muhinan nimel
Pauklahjad	Karjalan arvostadud taidehradnik[d]

L'udvig Karapetovič David'an (ven.: Людвиг Карапетович Давидя́н, sündui 18. keväz'kud vodel 1935, Baku-lidnas) — sovetskii, venälaine vestai, Karjalan arvostadud taidehradnik (2000).^[1]

Elostarin

Sündui fotografan kanzas. Školan aigal openzihe Bakun pionerdvorcan vestatuzsebras.

Vodel 1967 lopi Piterin ülembaižen taideh-tegeližen radmahttehnikuman V. Muhinan nimel. Sidä aigalpäi eläb da radab Petroskoiš. David'an radan metallanke, kivenke, punke.

Vodel 1971 om ottud Sovetskijan Sojuzan pirdajiden sebraha.

Vodel 1973 sai Karjalan ASSRan Valdkundaližen premijan «Velliden kaum da Tundmatoman Saldatan Kaum Igähižen lämoinke»-muštpachišton tegendas Leninan avoirdal Petroskoiš (ühtes vestajanke Eduard Akulovanke da arhitektoroidenke Ernest Voskesenskianke da Eduard Andrejevanke). Hänen «Tundmatoman Saldatan Kaum Igähižen lämoinke»-muštpachišt da M. I. Kalininan muštpacaz oma kul'turjäl'gestusen objektad^[2].

L'udvig David'an ühtni Sovetskijan Sojuzan Geroiden Galerejan tegendaha, mitte om avaitud Petroskoiš vodel 1977 läz Antikainena da Krasnaja irdoid. Sidä vodel Petroskoin lebupuištos om sijatud Junost'-bronzvestatuz, mitte om hänen parahimiden radoiden lugetišes. Žukovan avoirdal Petroskoiš seižub G. K. Žukovan muštpacaz, Petroskoin Kurgan-sportkompleksas om F'odor Terentjevan muštpacaz. L. K. David'anan radoiden temad da henged oma erazvuiččed, no akpoline linii hänen sädairadoiš lujas nägub ^[3].

Ühtni Petroskoin valdkundaližen konservatorian Glazunovan nimel openduzkorpusan koncertzalanke üdištuzprojektaha da tegihe valdku ndaližen Sampo-premijan laureataks^[4].

Ozutelused

Karjala vodelpäi 1968
Ühthižsojuzižes (SSSR) — 1970, 1977, 1979, 1983
Ühthižvenälaižed (RSFSR) — 1970, 1974, 1977, 1979, 1983, 1985
Piter — 1972, 1980
Rahvahidenkeskeižed — Suomi, Germanii

Pauklahjad da arvnimed

Karjalan ASSRan Valdkundaližen premijan (1973).
Valdkundaližen Sampo^[ru]-premijan laureat (2013).

L'udvig David'anan erased radod

«Tundmatoman Saldatan Kaum»-muštpachišt

Muštpachišton pala. Muštkivi

Muštpachišton pala. Velliden kaum

M. I. Kalininan muštpacaz Petroskoiš

G. K. Žukovan muštpacaz Petroskoiš

Sovetskijan Sojuzan Gerojoiden Galerei

F'odor Terentjevan muštpacaz Petroskoiš

Kanz

Tütred — Susanna, Svetlana, Sara.

Homaičendad

↑ Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. С. 287—400 с.: ил., карт. ISBN 978-5-8430-0123-0 (т. 1)
↑ 90 лет Л.К.Давидяну (неопр.).
↑ Юбилей одной строкой (неопр.).
↑ В Карелии нашли свое «Сампо» (неопр.).

Literatur

Художники Карелии. — Петрозаводск, 1987.
Калинин Е. С. Художники Карелии. — Петрозаводск, 2000.

Tarkendused

[1] Карелия: энциклопедия: в 3 т. / гл. ред. А. Ф. Титов. Т. 1: А — Й. — Петрозаводск: ИД «ПетроПресс», 2007. С. 287—400 с.: ил., карт. ISBN 978-5-8430-0123-0 (т. 1)

[2] 90 лет Л.К.Давидяну (неопр.).

[3] Юбилей одной строкой (неопр.).

[4] В Карелии нашли свое «Сампо» (неопр.).

[1]

[2]

[3]

[4]