Šuiskoje (Vologdan agj)
| Šuiskoje | |
|---|---|
| 59°22′27″ с. ш. 41°02′00″ в. д.GЯO | |
| Valdkund | |
| Istorii da geografii | |
| Tegemižen päiv | 1627 |
| Eläjad | |
| Eläjad |
|
| Lugud | |
| Telefonan kod | 81749 |
| Počtan indeksad | 161050 |
Šuiskoje (ven.: Шу́йское) om Venäman žilo Vologdan agjan keskuzpalan suves. Se om Jogidenkeskeižen rajonan administrativine keskuz da kaikiš suremb eländpunkt, mugažo Suhonan küläkundan keskuz.
Istorii
Eländpunktan aluz om pandud 13. voz'sadal, mainitase kirjutadud purtkiš vspäi 1555. Šuiskii Lidnut oli kaičijaks lidnuseks, sured jogivaldmad i laivankohendusen edheotandad radoiba siš 16. voz'sadan lopus. Om rajonan keskuseks sen sädandan aigaspäi vl 1929.
Šuiskoje šingotase valdkundaližil holitišil, mecan i garblon varhapanendal, pilindmaterialiden pästandal.
Geografijan andmused
Žilo sijadase rajonan lodehes-pohjoižes, Suhon-jogen oiktal randal, sihe langenijoiden Šui- (ven.: Шуя 54 km pitte) i Šeibuht- (Шейбухта 41 km pitte) jogiden suiden keskes. Pen' Pol'-külä (Малая Сторона, 62 rist. vl 2010) om Suhonan vastrandal. Matkad agjan Vologd-pälidnhasai om 65 kilometrad päivlaskmha-suvipäivlaskmha orhal vai 92 km avtotedme. Toižed lähembaižed lidnad oma Gräzovec (raudtestancijanke) 70 kilometrad suvipäivlaskmha orhal vai 81 km avtotedme, Sokol i Kadnikov 52 kilometrad lodeheze orhal vai 130 km avtotedme, Soligalič (Kostroman agj) 80 km päivnouzmha-suvipäivnouzmha orhal vai 370 km avtol.
Klimat om ven. Voden keskmäine lämuz om +2,5 C°, kezakun..elokun +15..+18 C°, tal'vkun..uhokun −10..−12 C°.
Küläkundan pind om 1314,61 km². Kaik 68 eländpunktad om siš: Šuiskoje-žilo, viž tošt žilod, 62 küläd (niišpäi 30 oma kezakülikš kaikenaigaižeta ristitištota). Niiden ližaks kaks' küläd (Butovo i Dorovskoje) oli edel 2020. vot, ned oma tühjitadud.
Eläjad
Vn 2002 Venäman rahvahanlugemižen mödhe žilon eläjiden lugu oli 2 436 ristitud. Vl 2010 kaik 2 220 ristitud elihe žilos. Kaikiš suremb žilon ristitišt oli 2 531 eläjad vl 1989. Vl 1959 niid oli 1819. Vl 2021 kaik 3 128 ristitud elihe küläkundas (3207 rist. vl 2011, 2965 rist. vl 2017, 3256 rist. vl 2018). Rajonan ristitišton kaks' videndest eläb žilos, koume videndest — küläkundas.
Ortodoksižen hristanuskondan koume pühäpertid[3] oma olmas žilos, kaik — Eläban Stroican. Kaikiš amuižemb pühäpert' om saudud vl 1814 i om kaičenus vaiše paloin, ei ole rados. Kaks' tošt jumalanpertid oma avaitud: ezmäine om letud enččes avtostancijaspäi vll 2001−2005, toine om saudud vll 2015−2018.
Nened valdkundaližen büdžetan aluzkundad ratas žilos: keskškol, päivkodi, lapsiden sädamižen keskuz, lapsiden da norišton sportškol, lapsiden čomamahtoiden škol, rajonan läžundkodi, ristitišton socialižen holitusen keskuz, kanzan i lapsiden socialižen abun keskuz, rauhiden mehiden kodi, kul'turkeskuz, rajonan čomamahtoine kodirandantedištandmuzei[4], počtan palakund, avtobusstancii. Edheotandad: sömsija, kafe, zell'lauk, torguz.