Vasilii Pul'kin

Vasilii Andrejevič Pul'kin
Vasilii Andrejevič Pul'kin
Sündundpäiv	1. vilukud 1922
Sündundsija:	Nürgl-külä, Peldušin volost', Tihvinan rajon, Čerepovcan gubernii, RSFSR, Sovetskii Sojuz
Kolendpäiv:	9. sulakud 1986 (64 vot)
Kolendsija:	Kirovsk-lidn, Piterin agj
Rahvahuz'	SSSR
Professijad:	Kirjutai, dramaturg, opendai
Pauklahjad da premijad

Kodvdud kirjutez

Vasilii Andrejevič Pul'kin (ven.: Васи́лий Андре́евич Пу́лькин) oli sündunu 1. vilukud vodel 1922, Nürgl-külähä, Čerepovcan gubernii^[1] — koli 9. sulakud vodel 1986, (Kirovsk-lidn (Piterin agj)) - vepsläine kirjutai, literator da opendai^[2].

Elostarin

Om sündunu radnikan kanzas Nürgl-külähä^[3] Piterin agjas. Lopi Tihvin-lidnas fabrik-zavodan openduzškolan, jäl'ges lopi pedagogižen tehnikuman da radoi školas opendajan.

Om Suren voinan^[4] ühtnik, minom'otčik. Vastsi Vägestusen päiväd Budapešt-lidnas.

1950-vozil hän ohjanzi Piterin agjan Kapšan rajonan «Avangard»-kolhozad, radoi Sovetskijan Sojuzan kommunistpartijan sekretarin.

1970-1980-vozil eli Kirovskas, radoi opendajan, Tedomahtoižen radmahttehnikuman pämehen.

Om pandud maha Kirovsk-lidnan kaumištol.

Sädai rad

Zavodi kirjutada jo aigvoččen. 1970-voziden keskes tihvinan rajonižes «Trudovaja slava»-lehteses om paindud hänen ezmäižed publicistižed sanutesed, miččed starinoitas kapšalaižiden kolhozradnikoiden elos vozil 1950. Hot' Vasilii oli vepsl'ine i pagiži kebnas vepsän kelel, hän kirjuti venäks.

Vodel 1981 «Sever»-kulugendlehteses (№ 11-12) ezmäižen kerdan oli paindud «Laps'aigan abekirj»-starin (ven.: «Азбука детства»)^[5], vodel 1983 se oli paindud «Кarelia»-painištos. Nece kirj tegihe kaikid popul'arižembaks hänen sädandrados.

Necen kirjan jäl'ghe läksi völ kaks' kirjad: «Korbjärven süväd veded» (ven.: «Глубокие воды Корбярви») (vodel 1985) da Pördutez sarnaha (ven.: «Возвращение в сказку») (vodel 1986).

Kirjutajan starinoš om kirjutadud vepsän külän elos. Vepsän kul'tur äi voz'sadandoid eli vaiše paginas, sikš ku kirjutuzkel't ei olend. Nece lujas hüvin nägub Vasilii Pul'kinan starinoiš. Amuižes da nügudläižes vepsläižiden elos hän kirjutab heimalaižiden, läheližiden da külänikoiden johtutesiden mödhe.

1994-1996.-vozil «Kodima»-lehteses oli paindud «Laps'aigan abekirj»-starinoiden kändmižed vepsän kel'he, miččid tegi Nina Zaiceva.

Literatur

В краю синих озер^[6]^[7] / Василий Пулькин ; составители : А. Титова и Л. Калинина. - Санкт-Петербург : [б. и.], 2016. - 319 с. : цв. ил., портр. - ISBN 978-5-903562-76-3 : Б. ц. - Текст : непосредственный.
Зайцева Н. Вепсская литература: в начале пути // Kodima. — 1999. — № 7. — Lp. 3.
Спиридонова И. Вепсская литература: Проблемы становления // Север. — 1993. — № 11. — Lpp. 124−135.
Спиридонова И. Его судьба — судьба народа // Kodima. — 1995. — № 3. — Lp. 3.
Pul'kin Vasilii. Laps'aigan abekirj (Starinad, kändiba Nina Zaiceva da Marina Ginijatullina ) // Verez tullei-al'manah. Petroskoi: «Periodika»-pästandkodi, 2017. — Lpp. 16−64, 81−92. ISBN 978-5-88170-273-1
Pul'kin Vasilii. Ambund (Starinad, kändi Nina Zaiceva) // Verez tullei-al'manah^[8]. Petroskoi: «Periodika»-pästandkodi, 2018. — Lpp. 102−104.
Pul'kin Vasilii. Pit'k päiv (Starinad, kändi Nina Zaiceva) // Verez tullei-al'manah. Petroskoi: «Periodika»-pästandkodi, 2018. — Lpp. 105−109.
Pul'kin Vasilii. Pipkutai (Starinad, kändi Nina Zaiceva) // Verez tullei-al'manah. Petroskoi: «Periodika»-pästandkodi, 2018. — Lpp. 110−112.
Čikina Natalia. Vasilii Pul'kin — vepsän man pajatai: kirjutajan 95-voččeks jubilejaks // Verez tullei-al'manah. Petroskoi: «Periodika»-pästandkodi, 2017. — Lpp. 3−5. ISBN 978-5-88170-273-1

Homaičendad

↑ Nügüd' — Tihvinan rajon, Piterin agj, Venäma.
↑ Пулькин Василий Андреевич (неопр.).
↑ Nürgl-külä (неопр.).
↑ История солдата (неопр.).
↑ Aзбука детсва (неопр.).
↑ В краю синих озер (неопр.).
↑ Презентация книги вепсского писателя Василия Андреевича Пулькина (неопр.).
↑ «Свежий ветер» будет интересен взрослым и детям (неопр.).

Tarkendused

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[МР-1] Nügüd' — Tihvinan rajon, Piterin agj, Venäma.

[2] Пулькин Василий Андреевич (неопр.).

[3] Nürgl-külä (неопр.).

[4] История солдата (неопр.).

[5] Aзбука детсва (неопр.).

[6] В краю синих озер (неопр.).

[7] Презентация книги вепсского писателя Василия Андреевича Пулькина (неопр.).

[8] «Свежий ветер» будет интересен взрослым и детям (неопр.).

[1]

[2]

[3]

[4]

[5]

[6]

[7]

[8]