Socialine arhitektor
| Socialine arhitektor | |
|---|---|
| Социальный архитектор | |
 | |
| Kävutand | Valdkundaline da municipaline ohjandamine |
| Sündundpäiv | 2020. voded |
Socialine arhitektor (ven.: Социальный архитектор) — azjantundii, mitte kirjutab prijektoid da pästab eloho socialižid praktikoid da idejoid, miččed om oigetud aktualižiden kundaližiden tegendoiden pätandaha. Socialižen arhitekturan kontekstas hän om kesknik erazvuiččiden socialižiden gruppoiden, institutoiden da valdkundaližiden organizacijoiden keskes.
1. sügüz'kuspäi vodelspäi 2025 Moskvalaine valdkundaline universitet da Venäman valdmehišton rahauniversitet ezmäižed Venämal avaižiba magistran programmoid socialižen arhitekturan mödhe[1].
Special'nost'
"Socialine arhitektor"-sana sündui vozil 2020. Sana mülüb rahvahan kehitoitusen nügüdläižehe aigkeskustaha, kus päazjaks tuli rahvahan tegemine projektoiden abul, miččed ühtenzoitaba valdkundad, biznesad da ristituid.
Elokus vodel 2025 sociologad nimitiba sociališt arhitektorad tuleban aigan professijaks. Socialižiden oppindoiden azjtegajiden institutan pämehen Firdus Alijevan sanoiden mödhe, socialine arhitektur — nece om äipordahine konstrukcii[2]:
Socialižen arhitektoran pätegend — tugeta tehnologijoiden, kul'turan da socialižen endustusen da socialižiden projektoiden kehitoitust da sirdämišt Venämal kaikiden kompetencijoiden, azjtarkištusen, tedolähtkiden, erazvuiččiden azjantundijoiden da kogonaižiden organizacijoiden ühtenzoitusen abul. Meiden rad läheližes azjas — ladida tuleban aigan tegemižen processad, mitte pidab pästta eloho erazvuiččiden pordhiden socialižiden projektoiden abul.
Socialižed arhitektorad voiba rata regionaližiš administracijoiš, olda subjektan varapämehen sijal. Sanutas, miše hö pidäškandeba hol't demografižes politikas, kanzan kal'huziš da kesketnižiš kosketusiš. Kaiken Venäman rahvahan mel'pidon oppindan keskusen pämez' Valerii F'odorov homaiči, miše sirtta ut special'nostid valdmehištoho, sen täht om hüvä "il'm"[3]:
Socialine arhitektur seižub disciplinoiden keskes, toižil sanoil voib pagišta integriruičendas.
Om planoiš, miše uden special'nostin tegemiženke universitetad kingitaba homaitust ičeze kompetencijoihe. Ozutesikš, Moskvalaine valdkundaline universitet otab homaičusehe Ülembaižen ekonomikan školan politologižid aspektoiden pohjal — mediakommunikacijoil, Venäman rahvahaližen elomišton da valdkundaližen služban akademii — valdkundaližel ohjandusen pohjal.
Openduz
1. sügüz'kuspäi vodelpäi 2025 Venämal ezmäižen kerdan oli avaitud magistran programmoid socialižen arhitekturan mödhe: Moskvalaižen valdkundaližen universitetan politologijan tedokundal da socialižiden tedoiden tedokundal da Venäman valdmehišton rehauniversitetan joukkommunikacijoiden tedokund. Mugažo ližaopenduzkursad sünduiba Venäman valdkundaližes gumanitarižes universitetas.
Openduzplanaha mülüba disciplinad politižiden strategijoiden, tedo-analitižen ohjandusen, modeliruičendan da projektoiden mödhe socialižes arhitekturas, mugažo rahvahan ičetundmusen tegemižes. Magistrantad opendaškandeba kut teorijad, muga praktikad-ki, saškandeba tedoid politologijan, sociologijan, kommunikacijoiden da kundližiden projektoiden ohjandusen erištoiš.
Moskvalaižen valdkundaližen universitetan politologijan tedokundan dekanan Andrei Šutovan sanoiden mödhe magistraturan pästnikad linneba tarbhaižed azjantundijad, ked voiškandeba rata ühtes rahvahanke, valmehištonke da biznesanke, ühtneda znamasižiden projektoiden tegemižehe da ladida sidoid erazvuiččiden socialižiden gruppoiden keskes[4].
Venäman prezidentan ohjandusen pämez' Aleksandr Haričev socialižiden projektoiden monitoringan da tarkištelendan mödhe sanui, miše nülüdläižed olod pakičeba azjantundijoid, kudambad mahtaba ühtenzoitta tedoid praktikanke da teravas otta homaičusehe kaiken uden[5].
Socialine arhitektur regionoiš
Kirovan 650-voččeks jubilejaks vodel 2024 valdmehed tegiba metaforad, miše regionan pälidn — "Venälaižen Pohjoižen rüustod". Siš aigaspäi turistižed projektad da arhitekturižed pätused om sidotud necen temanke.
Jakutijan gubernator Aisen Nikolajev starinoiči melentartusen kazvatuses jakutialaižehe kinoho. Hänen sanoiden mödhe valdkund oli toižel sijal Venämal fil'moiden lugumöran mödhe jäl'he Moskvad.
Murmanskan agjas pästihe eloho ven.: «На Севере жить»-kampanijad. Eläjad lujas hüvin otiba homaičusehe necidä lozungad, jäl'ghe necidä regionan kehitoitusen plan oli nimitadud mugažo[6][7].
Homaičendad
- ↑ В России впервые стартовали магистерские программы по социальной архитектуре, Взгляд.ру (1 sügüz'kud 2025). Дата обращения: 29 sügüz'kud 2025.
- ↑ Социологи назвали социального архитектора профессией будущего - Российская газета, Российская газета (8 elokud 2025). Дата обращения: 29 sügüz'kud 2025.
- ↑ Экспертиза по любым вопросам, Коммерсантъ (8 elokud 2025). Дата обращения: 29 sügüz'kud 2025.
- ↑ В России впервые стартовали магистерские программы по социальной архитектуре, Взгляд.ру (1 sügüz'kud 2025). Дата обращения: 29 sügüz'kud 2025.
- ↑ В российских вузах впервые начали готовить социальных архитекторов (1 sügüz'kud 2025). Дата обращения: 29 sügüz'kud 2025.
- ↑ В университетах начнут учить на социальных архитекторов, Ведомости (19 kezakud 2025). Дата обращения: 29 sügüz'kud 2025.
- ↑ Наш Север | Благоустройство. nashsever51.ru. Дата обращения: 29 sügüz'kud 2025.