Pevek

	Pevek
	Герб
	69°42′00″ с. ш. 170°19′00″ в. д.GЯO
Valdkund	Venäma;
Istorii da geografii
Tegemižen päiv	1933
Pind	60,32;
Высота	20
Aigvö	UTC+12:00[d]
Ekonomik
Eläjad
Eläjad	▲4230 чел. (2023);
Lugud
Telefonan kod	42737
Počtan indeksad	689400
-
	Официальный сайт
	lugeda • diskussii • redaktiruida

Lidnan kart (2020)

Певек (ven.: Певек, čukč.: Пээкин / Пээк) om Venäman lidn da lidnümbrik Čukotkan avtonomižen ümbrikon pohjoižes.

Istorii

Eländpunktan aluz om pandud vl 1933 kuti port Pohjoižel meritel da žilo samha tinad. Möhemba löuzihe tinan toižid sijid i kuldan sijid. Kätihe žilod lidnanvuiččeks peitkäskusen mödhe vl 1951. Lidnanvuitte žilo sai lidnan statusad vn 1967 6. päiväl sulakud.

Vspäi 2016 (1. viluku) enččen Čaunan rajonan kundad da kundoidenkeskeine territorii mülüdas Pevekan lidnümbrikho.

Geografijan andmused

Lidn sijadase lidnümbrikon pohjoižes, ühtennimižen sal'men päivnouzmaižel randal, Päivnouzmaižen Sibirin meren suvirandal. Sal'm ühtenzoitab merod sen Čaunan lahtenke. Matkad Anadirihesai om 640 km suvipäivnouzmha.

Klimat om meren subarktine. Voden keskmäine lämuz om −9,5 C°. Kova suvitullei mägipautkilpäi («fön») voib puhuškata äkkid, se lujeneb 40 metrad sekundpigudehesai ühtes časus i voib puhuda severz'-se päivesid.

Nell' elanzoittud küläd (1 053 rist. vl 2015) da 7 tactud eländpunktad mülüdas lidnümbrikho Pevekan ližaks. Lidnümbrikon pind om 58 100 km², ristitišt — 5 551 eläjad (vl 2017).

Eläjad da ekologii

Vn 2010 kaiken Venäman rahvahanlugemižen mödhe eläjiden lugu oli 4 162 ristitud. Kaikiš suremb ristitišt oli 12 815 eläjad vl 1989. Ristitišt poleni tinkaivuziden sauptamižen jäl'ghe.

Ortodoksižen hristanuskondan pühäpert' om lidnas — Pühän Jumalanmaman Uspenijan pühäpert' (vspäi 1994).

Vozil 1949−1957 türmatud ristituiden kolonii sijazihe lidnas. Uranfabrik oli lidnas, 1950-nzil vozil sauptihe sidä. Sen jändusiden varažom om avoin taivhale, sijadase 18 km päivnouzmha lidnaspäi.

Ižanduz da transport

Čaunan LEK vl 2004

Lihamaidkombinat radab lidnas, geotedištelendan edheotand, kuldan samižen koume edheotandad, avtotesauvondan kompanii, meteostancii i «Vrangelän sar'»-kel'dtahon administracii. Čaunan LEK lämbitab lidnad da varatoitab sidä elektroenergijal, planiruidas udištada sidä täuzin vspäi 2026. Ujui atomine lämuzelektrostancii radab lidnanno vspäi 2020, se vajehtaškandeb Bilibinon AES:ad aigan mändes.

Civiline «Pevek»-lendimport (ПЕВ/PWE) sijadase Apapel'gino-žilos (Moskvha, Magadanha da Čukotkadme. Sen ližaks, se om varalendimport rahvahidenkeskeižiden reisiden täht Pohjoižes Amerikaspäi Azijan maihe.

Meriport sijadase lidnan randištol, se om federaliženke znamoičendanke, kävutase kezal kut sodamerivägiden štab Päivnouzmaižes Arktikas i kivihilen tomižen täht Jakutijaspäi Kitaihe. Sen valdmad oma vanhtunuded.

Galerei

Гостевой домик - panoramio.jpg

Lidnan administracijan adivpert' vl 2004
Demontiruidud skul'pturiden tematine puišt (2010)
Pevek-meriportan valdmad vl 2011
Певек, 5-ый микрорайон.jpg

Videnz' mikrorajon (2003)
Apapel'gino-lendimport vl 2003

Tetabad sündnuded

Aleksandr Mezencev (1951−2015) — oli Nevondkundaližen Ühtištusen i Venäman kinon da teatran akt'or.

Homaičendad

↑ ^1,0 ^1,1 https://habstat.gks.ru/storage/mediabank/Численность%20населения%20Чукотского%20автономного%20округа%20по%20МР%20и%20ГО%20на%2001%20января%202023%20года%20и%20в%20среднем%20за%202022%20год.pdf

Irdkosketused

Pevek Vikiaitas

	Čukotkan avtonomižen ümbrikon lidnad
	Anadir' \| Bilibino \| Pevek

[_6d36f6fbe3423823-1] 1,0 ^1,1 https://habstat.gks.ru/storage/mediabank/Численность%20населения%20Чукотского%20автономного%20округа%20по%20МР%20и%20ГО%20на%2001%20января%202023%20года%20и%20в%20среднем%20за%202022%20год.pdf

[1]