Bilibino
| Bilibino | |||
|---|---|---|---|
 | |||
|
|||
| 68°03′ с. ш. 166°27′ в. д.GЯO | |||
| Valdkund | |||
| Istorii da geografii | |||
| Tegemižen päiv | 1955 | ||
| Pind |
|
||
| Высота | 274 | ||
| Eläjad | |||
| Eläjad |
|
||
| Lugud | |||
| Telefonan kod | 42738 | ||
| Počtan indeksad | 689450 | ||
|
|
|||
| Официальный сайт | |||
 Mediafailad RUWIKI-tedoiš | |||
.png)
Bilibino (ven.: Билибино, čukč.: Билибин) om Venäman lidn da lidnankund Čukotkan avtonomižen ümbrikon lodehes. Se om ümbrikon kahtenz' lidn eläjiden lugun mödhe, Bilibinon rajonan administrativine keskuz (vn 1961 elokuspäi).
Istorii
Eländpunktan aluz om pandud vl 1955 kuti radnikžilo samha kuldad mägikombinatal. Vhesai 1956 nimitihe Karal'vaam:aks (ven. i čukč.: Каральваам, караль «pedroiden aidoitez» + ваам/веем «jogi») jogen mödhe. Udesnimitihe Jurii Bilibin-geologan kanzannimen mödhe, löuzi kuldregionad Koliman basseinas. Vl 1993 žilo sai lidnan statusad.
Bilibino šingotase kuldan samižel, sadas kaivuzmahtusel da ümbriratas sirdandküllästamižfabrikal penid löudmižsijid lidnas ümbri, mugažo lihamaidkombinat i maplodunfabrik (kazmuzhonuzedheotand i konservad) ratas. Bilibinon AES (48 MVt) lämbitab lidnad da varatoitab sidä elektroenergijal, sen vajehtuz dizel'stancijal planiruiše vspäi 2019.
Geografijan andmused
Lidn sijadase Karal'vaam-jogen lanktendan sijas Sur' Keperveem-jogehe (Koliman hurapol'ne bassein), 270 m ü.m.t. keskmäižel korktusel. Matkad Anadirihesai om 625 km suvipäivnouzmha. Lähembaine lidn om Pevek 240 km pohjoižpäivnouzmha orhal vai 360 km grunt- i tal'vteidme.
Keperveem-žilo mülüb lidnankundha Bilibinon ližaks, lendimport sijadase siš.
Eläjad
Vn 2010 Venäman rahvahanlugemižen mödhe lidnan eläjiden lugu oli 5 506 ristitud, lidnankundan 5 829 ristitud, rajonan koume nelländest. Kaikiš suremb lidnan ristitišt oli 15 558 vl 1989. Vl 2017 kaik 5 560 ristitud elihe lidnankundas.
Ortodoksižen hristanuskondan ph. Serafim Sarovalaižen pühäpert' om saudud lidnas vodele 2009.
Piterin tegimištoliž-ekonomižen kolledžan filial om professionaližen opendusen aluzkundaks.
Galerei
- Bilibinsky District, Chukotka Autonomous Okrug, Russia - panoramio (70).jpg
Telekommunikacine «Orbita»-kaimdaistancii (2015)
- GOD - panoramio.jpg
Ph. Serafim Sarovalaižen jumalanpert', vn 2013 nägu
- Bilibino Nuclear Power Plant 2016-04 1.JPG
Bilibinon AES vn 2016 sulakus
- Bilibinsky District, Chukotka Autonomous Okrug, Russia - panoramio (33).jpg
Arktik-mikrorajonas (2014)
- Bilibinsky District, Chukotka Autonomous Okrug, Russia - panoramio (195).jpg
Lidnan nägu vl 2015, administracijan sauvuz om nell'žiruine vauged siniženke alažirunke da katusenke oiktalpäi
- Bilibinsky District, Chukotka Autonomous Okrug, Russia - panoramio (288).jpg
Lidnan ujundbassein vl 2013
Homaičendad
- ↑ http://habstat.gks.ru/wps/wcm/connect/rosstat_ts/habstat/resources/867fee80497cbc9b8380df3fbd401489/%D0%A7%D0%B8%D1%81%D0%BB%D0%B5%D0%BD%D0%BD%D0%BE%D1%81%D1%82%D1%8C+%D0%BD%D0%B0%D1%81%D0%B5%D0%BB%D0%B5%D0%BD%D0%B8%D1%8F+%D0%A7%D1%83%D0%BA%D0%BE%D1%82%D1%81%D0%BA%D0%BE%D0%B3%D0%BE+%D0%B0%D0%B2%D1%82%D0%BE%D0%BD%D0%BE%D0%BC%D0%BD%D0%BE%D0%B3%D0%BE+%D0%BE%D0%BA%D1%80%D1%83%D0%B3%D0%B0+%D0%BF%D0%BE+%D0%BC%D1%83%D0%BD%D0%B8%D1%86%D0%B8%D0%BF%D0%B0%D0%BB%D1%8C%D0%BD%D1%8B%D0%BC+%D0%BE%D0%B1%D1%80%D0%B0%D0%B7%D0%BE%D0%B2%D0%B0%D0%BD%D0%B8%D1%8F%D0%BC+%D0%BD%D0%B0+1+%D1%8F%D0%BD%D0%B2%D0%B0%D1%80%D1%8F+2019+%D0%B3%D0%BE%D0%B4%D0%B0.doc
Irdkosketused
| Čukotkan avtonomižen ümbrikon lidnad | ||
| Anadir' | Bilibino | Pevek | ||