Ovčinnikov Ilja Grigorjevič

Ovčinnikov Ilja Grigorjevič
Ovčinnikov Ilja Grigorjevič
Sündundpäiv	29. heinkud 1931
Sündundsija	Černejevo[d], Pižankan agj[d], Gor'kovan agj[d], RSFSR[d], Sovetskii Sojuz;
Kolendpäiv	2. elokud 2012 (81 год)
Kolendsija	Petroskoi, Venäma;
Valdkund	Sovetskii Sojuz; Venäma;
Rad	sauvond
Ak	Tatjana Mihailovna Ovčinnikova
Lapsed	poig — Jurii Iljič Ovčinnikov

Ilja Grigorjevič Ovčinnikov (ven.: Илья Григорьевич Овчи́нников, 29. heinkud 1931, Černejevo^[d], Gor'kovan agj^[d] — 2. elokud 2012, Petroskoi) — Socialistižen radon Geroi (1971), Karjalan ASSRan arvostadud sauvoi (1981), Petroskoin arvokaz eläi (1979).^[1]

Elostarin

Ilja Ovčinnikov sündui manradnikan kanzas. Openzihe küläškolas. Suren Kodiman voinan aigan radoi kolhozas, abuti aigvoččile. Voinan jäl'ghe kanz tuli elämaha Petroskoihe. Sigä Ilja Ovčinnikov Lopi radnorišton školan kahesa klassad^[2].

Vozil 1951—1955 oli službal Rusttas armijas. Vodelpäi 1955 jäl'ges armijad radoi Petroskoin sauvondorganizacijoiš, sauvoi pertid, openzihe sauvojan mahtoho.

Vozil 1959—1999 Ilja Ovčinnikov radoi Petroskoin tegeliž-sauvondan organizacijas, ohjanzi sauvondjoukud. Hänen alištuses oli 50-60 mest, suril objektoil — 70 mehezesai. Ovčinnikovan radjouk ozuti hüvid satusid eletadud da kundaližiden pertiden sauvondas^[2].

Ilja Ovčinnikovan jouk ühtni enamab 50 objektan sauvondaha, ned oliba Karjalas i sen irdpolel. Kaikid suremb objekt — Petroskoin zavodan (ven.) (vep., a mugažo toižed sauvotused, miččed oma tarbhaižed Petroskoin da Karjalan täht: pertinsauvondan kombinatan udištamine, kaludišton fabrikan, holitezpertin da eletadud pertiden sauvond.

Ilja Ovčinnikov oli KPSSan XXIV suiman delegatan, händast valitihe Karjalan ASSRan Ülembaižen Nevondišton deputataks^[2].

Korktoiš satusiš rados da vižvoččen planan tegendas hänele anttihe Socialistižen radon Gerojan arvnimi, pauklahjoittihe Leninan, Rusttan radon flagan ordenoiden medalil^[2].

Kirjutesed

Овчинников И. Г. Мы — строители. — Петрозаводск, 1972.

Homaičendad

↑ А. Ф. Титов. Карелия: энциклопедия: в 3 т. — Петрозаводск: ИД «ПетроПресс», 2009. — С. 297. — 464. — ISBN 978-5-8430-0125-4.
↑ ¹ ² ³ ⁴ Илья Григорьевич Овчинников (рус.). warheroes.ru. Дата обращения: 26 sügüz'kud 2025.

Literatur

Призвание: Рассказы о Героях Социалистического Труда. — Петрозаводск: Карелия, 1975.

Lähtked

Илья Григорьевич Овчинников

[1] А. Ф. Титов. Карелия: энциклопедия: в 3 т. — Петрозаводск: ИД «ПетроПресс», 2009. — С. 297. — 464. — ISBN 978-5-8430-0125-4.

[warheroes-2] ¹ ² ³ ⁴ Илья Григорьевич Овчинников (рус.). warheroes.ru. Дата обращения: 26 sügüz'kud 2025.

[1]

[2]