Naprejev Boris Dmitrijevič
| Boris Dmitrijevič Naprejev | |
|---|---|
 | |
| Sündundpäiv | 7. sulakud 1938 |
| Sündundsija | Kl'ukino-külä, Smolenskan agj, RSFSR |
| Kolendpäiv | 2. heinkud 2024 (86 vot) |
| Kolendsija | Petroskoi, Karjala |
| Rahvahuz' |
 SSSR→ Venäma |
| Rad | muzikankirjutai |
Boris Dmitrijevič Naprejev (ven.: Борис Дмитриевич Напреев; 7. sulakud vodel 1938 — 2. heinkud vodel 2024) — karjalaine kompozitor, Petroskoin konservatorijan professor, muzikan istorijan tedai, taidehen tedodoktor da opendai.
Venäman kompozitoroiden sebran ühtnik (1970), Karjalan arvostadud taidehradnik (1995), Sampo-premijan laureat (2003).
Elostarin
Boris Naprejev sündui vodel 1938 Smolenskan agjan Kl'ukino-küläs. Hänen heimolaižiden keskes ei olend ni üht muzikantad, no hänen melentartuz’ muzikaha tuli päliči muzikvändimid. Hän tahtoi tedištada kut ned oma tehtud da kut niiš sündub muzik. Hän iče openzihe väta muzikaližil vändimil da openzi muziknotad[1].
Jäl’ges školad openzihe Omskan muzikaližes radmahtehnikumas domra-klassadme. Toižel kursal oli estradan vuiččen vändimiden kvartetan ühtnikan.
Vodel 1962 lopi Čitan muzikaližen radmahtehnikuman horan dirižor special’nostin mödhe. Armijan služban aigan Boris Naprejev oli voinorkestran ühtnikan.
Vodel 1967 lopi Novosibirskan konservatorijan M. I. Glinkan nimel kut kompozitor (klass G. N. Ivanovan da A. F. Jakovlevan)[2].
Vozil 1968 – 1977 Naprejev radoi Habarovskan valdkundaližen kul’turinstitutan muzikan teorijan da istorijan tedokundan ohjandajan. Vodel 1976 polesti dissertacijan «К изучению процессов интонационного обновления советской музыки (на материале симфоний Н. Я. Мясковского, С. С. Прокофьева, Д. Д. Шостаковича)» teman mödhe. Vodel 2005 polesti doktoran dissertacijan «Оркестр и фуга: проблемы взаимодействия» teman mödhe. Naprejeval oma tedopaindused. Vodel 1970 Boris Naprejevad ottihe Venäman kompozitoroiden sebraha.
Vodelpäi 1977 radoi Petrosloin valdkundaližes konservatorijas A. K. Glazunovan nimel muzikan da kompozicijan tedokundal. Vodel 2004 tegihe Petroskoin konservatorijan professoraks.
2. heinkud vodel 2024 jäl'ges kovad läžundad Boris Naprejev koli Petroskoiš[3].
Sädairad
Naprejev navedi kirjutada muzikad jogapäiväližen rahvahan elon da londusen pohjal, mitte oli sidotud prostan mehenke. Nece sidoi händast Karjalanke. Hän äjan kirjuti Karjalan röunas. Tärged azj hänen sädai rados om vastuz karjalaižiden kirjutajidenke, kudambišpäi päabunikan erazvuiččiden žanroiden muzikkirjutusiden tegendas oli Armas Mišin. Ühtes hänenke om kirjutanu «Runoelm raudas» karjalaiž-suomalaižen Kalevala-eposan mödhe, «Kalevalan urohiden modkuvad», «Matk lidnadme»[4].
Boris Naprejev kirjuti: 5 operad, 3 baletad, 8 simfonijad, 6 fortepjankoncertad orkestranke, Concerti grossi, äjän sonatoid, oratorijoid, kantatoid, Horad, pajoid, lapsiden muzikad[5]. Om äjiden muzikan istorijan radoiden tegii.
Pauklahjad
Karjalan arvostadud taidehradnik (1996).
Venäman kompozitoroiden sebran arvostadud radnik (2021).
Om mülütadud Zabaikal'skan voinümbruzkundan pajon da kargun ansambl'an «Arvostusen kirjaha» (1962).
«Sovetskijan Sojuzan Voinvägiden kul’turabun parahim radnik»-znam (1982).
Sampo-premijan laureat (2003).
Homaičendad
- ↑ Гродницкая, Наталия К 80-летию Бориса Напреева (неопр.). Интернет-журнал «Лицей» (9 sulakud 2018). Дата обращения: 19 keväz'kud 2024.
- ↑ Свод нотных рукописей композиторов и музыкантов Карелии - Напреев Борис Дмитриевич.
- ↑ Eшел из жизни Борис Дмитриевич Напреев.
- ↑ Petroskoin konservatorijan elektronine kirjišt.
- ↑ Naprejev Boris Dmitrijevič.
Literatur
- Карелия: энциклопедия: в 3 т. / гл. ред. А. Ф. Титов. — Петрозаводск: ИД «ПетроПресс», 2009. — Т. 2: К — П. — С. 259. — 464 с. — 3000 экз. — ISBN 978-5-8430-0125-4.
- Лауреаты премии «Сампо» // Карелия. – 2003. – 7 июня. – С. 2.
- Музыкальная культура Карелии : метод. рекомендации в помощь преподавателям детских музыкальных школ, школ искусств, музыкальных кружков и общеобразовательных школ / Карел. ин-т усовершенствования учителей, Петрозавод. муз. училище им. К. Э. Раутио. – Петрозаводск, 1988. – 119 с.
- Об искусстве, о профессииб о себе: из бесед с Борисом Нaпреевым / Музкальный журнал Европейского Севере №3 (39), 2024. - с.140. https://cyberleninka.ru/article/n/ob-iskusstve-o-professii-o-sebe-iz-besed-s-kompozitorom-borisom-napreevym/viewer