Muzejoiden ö
| «Muzejoiden ö» | |
|---|---|
 | |
 | |
| Erišt | kul'tur, taideh, muzeirad |
| Ezmäižen azjtegon päiv | 1997 |
| Kut paksus | joga voden |
| Jäl'gmäižen azjtegon päiv | 2025 |
| Tegii | Venäman kul'tuministerstv |
| Status | mänetase |
| Sait | museumnight.culture.ru |
 Mediafailad RUWIKI-tedoiš | |
Muzejoiden ö (ven.: Ночь музеев, angl.: Night of Museums) — rahvahankeskeine kul'tur-opendusen akcii, konz muzejad radaba möhä ehthasai da öl[1]. Akcijan tehtas Rahvahankeskeižel muzejoiden päiväl, miččen praznuitas 18. semendkud; tradicijan mödhe mänetadas läheližil pühäpäivil — semendkun koumanded pühäpäiväd. Akcijan pätego — ozutada, midä om nügüdläižiš muzejoiden fondoiš, muzejoiden voimusid da muzei- da tedoteluzradon uzid formid[2]. Ezmäižen kerdan akcii oli vodel 1997[3].
Akcijan istorii
Ezmäine «Pit'k muzejoiden ö» (нем. Lange Nacht der Museen)[4] akcii oli kaks'toštkümnes Berlinan muzejas vodel 1997. Azjtegod: ekskursijad, lekcijad, teatrozutelused, mänetadihe kaiken ön. Sihe kävelend oli maksutoi. [1].
Vodel 1999 kožujan akcijan oli pidetud Francijan kul'tur- da vestištministerstv[5].
Vodel 2001 akcijaha jo ühtni 39 Jevropan da Amerikan mad [6].
Vodel 2005 Jevropan Nevondišt vahvištoiti Francian idejad jogavoččen rahvahidenkeskeižen akcijan «Muzejoiden ö» mänetandas. Oli pättud, miše akcii pidab mänetada pühäpäivil, miččed oma Rahvahankeskeižen muzejoiden päivän lähen[7].
Voden 2025 tedoiden mödhe akcijan ühtnikoid om enamba 3,5 tuhad muzejad enamba mi 40 valdkundaspäi[7].
Venämal
Venäma ühtni akcijaha 20. sulakud vodel 2002 [8][9]. Azjtegoihe, miččid tegi Krasnojarskan muzeikeskuz ühtni enamba 5 tuhad mest[5].
Vodel 2006 «Muzejoiden ö» akcijan mänettihe Piteriš da Kazaniš[6].
Vodel 2007 akcii oli ezmäižen kerdan Moskvas da Jekaterinburgas. Moskvas azjtego nimitihe «Ö muzejas» [7]. Akcijan tagut erazvuiččed azjmehištod tegiba sured ozuteluz-ekskursionižed programmad lapsiden da vanhembiden täht.
Vodel 2015 «Muzejoiden ö» sai federaližen statusan. Sidä aigaspäi akcii mänetase Venäman kul'turministerstvan abunke. Akcijaha ühtnedas federaližed, valdkundaližed, municipaližed, azjmehištoiden, personaližed muzejad kaikedme valdkundadme[2].
«Muzejoiden ö» ühtenzoitab enamba 2 tuhad Venäman muzeiorganizacijad [7]. Akcijaha mugažo ühtnedas ozuteluzkeskused, teatrad, galerejad, kirjištod da toižed organizacijad[2].
Joga voden akcii möneb erazvuiččen teman mödhe.
Hronologii
- Vodel 2016 akcii oli 21 semendkud. Azjtegod oliba omištadud Venäman kinon vodeks. Äjad muzejad mänetihe azjtegod «Ühten kalun istorii» teman mödhe. Piteriš, Jekaterinburgas da Kaliningradas azjmehištod, miččed ühtniba akcijaha, radoiba ühthižen biletan mödhe[10]. Oli mänetadud enmb 130 muzejan da kuverz'-se lidnan ekskursijad, 60 koncertad da 30 kinoozutelust. Moskvas VDNH-ozutelusel mäni ozuteluz ven.: «Кино и мода. Платья знаменитых киноактрис из Фонда Александра Васильева» teman mödhe[11].
- Vodel 2017 akcii oli öl semendkun 20. päiväspäi 21. päiväha. Pätem — Voden 1917 Rahvahanlibund[12]. Azjtegoho ühtni kuverz’-se kümnendest kul’turtandreht. Sen lugus: Tretjakovan galerei, Caricino-usadib, VDNH-ozuteluz, Moskvan zoopuišt, Nügüdläižen taidehen Garaž-muzei da toižed. Mänetihe lekcijad, ekskursijad, vastused taidehen tundijoidenke, istorikoidenke, fototegijoidenke, master-klassad da teatrozutelused [13].
- Vodel 2018 akcii oli 19. semendkud. Akcijan pätem — «Šedevrad varaspäi»[14]. Azjtegoho ühtniba muzejad, teatrad, galerejad, art-keskused da taideškolad. Muzejad ozutiba harvad kalud, miččed ende oliba saubatud fondoiš vai udištusel. Moskvas pidetihe enamba 800 azjtegod, miččihe ühtni 500 tuhad mest.
- Vodel 2019 akcii oli 18. semendkud. Azjtegon pätem oli — «Elementad»[15]. Enamba 100 muzejad valdkundas radoiba möhasai, mänetadihe ekskursijad, lekcijad, performansad da koncertad. Garaž-muzei tegi maksatomad ekskursijad Pavel Pepperšteinan ven.: «Человек как рамка для ландшафта» da ven.: «Рашид Араин. Ретроспектива» ozutelusiden mödhe. Bahrušinan muzejas oli teatrozuteluz ven.: «Театр от Софокла до Мейерхольда», miččes kävutajad voiba valita seičemespäi teatraližespäi «aigaspäi» miččen tahtoiba, antikaigan voz’sadahasai XVII. Sol’anka-galerejam adivod voiba nägištada kut radaba pirdajad. Akcijan pätandrehen oli Moskvan muzei, kus oli rahvahidenkeskeižen festivalin Drumsfest Russia 2019 barabanšou [16].
- Vodel 2020 «Muzejoiden ö» akcijan pätem oli — «Znamad»[17]. Covid-19-pandemijan tagut kaik azjtegod oliba onlain-formatas semendkun 16. päiväspäi 17. päivähasai. Akcijaha ühtni enamba 50 moskvan muzejad da galerejad. Onlain-tegod oliba organizacijoiden oficialižil saitoil da socverkoiš. Akcijaha ühtni enamba 800 tuhad mest [18].
- Vodel 2021 akcii oli 15. semendkud. Pätem oli — «Enamba mi muzei»[19]. Oliba mänetadud ozutelused, ekskursijad, master-klassad, kvestad, konkursad, viktorinad, lektorijad. Akcijan pätandreh oli Tretjakovan galerei, miččel oli rahvahidenkeskeine ozuteluz ven.: «Мечты о Свободе. Романтизм в России и Германии». Valdkundaližen istorijan muzejan kävutajad tundištoitihe harvoiden kaluiden endištamižen processanke da openziba endevanhid käzikirjutusid. Ühthižvenälaižen dekortaidehen muzejan radnikad vaumičiba programman lapsiden täht, mänetiba master-klassad, miččil tehtihe bobaižid il’gespäi[20].
- Vodel 2022 azjtego oli 21. semendkud. Akcijan tem — ven.: «Точка отсчёта»[21]. Kävutajiden täht oliba tehtud ozutelused, koncertad muzik-runoiden perfpmansad, master-klassad lapsiden da vanembiden täht, maksatomad jaugkävelused, lekcijad, kinoozutesed, ozutelused avoinuden taivhan al [22]. В мероприятиях приняли участие более 300 тысяч человек.
- Vodel 2023 «Muzejoiden ö» akcii oli 21. semendkud. Pätem — «Istorii da istorijad»[23]. Oliba tehtud ozutelused, master-klassad, koncertad, ekskursijad. Akcijaha ühtniba Indijan, Saudan Aravijan, Venesuelan, Kataran, Livanan, Kambodžan, Mongolian diplomatmissijoiden ezitajad da toižid. Valdkundaližes taidehmuzejas A. S. Puškinan nimel oli tehtud ven.: «Как звучит пейзаж» programm: küvutajad voiba pagižimenke da kundlimidenke kävelta zaloidme da ühtel aigal tundištoittas kahtenke taidehenke — muzikad da pirdandad. Päivnouzman muzei VDNH-ozutelusel vaumiči adovoiden täht «muzikmaršrutan» kaikenaigaižen ozutelusen mödhe [24]. Akcijan aigan mäni enamba 1300 azjtegod, miččihe ühtni enamba kaks’ millionad mest[25].
- Vodel 2024 akcii oli männu 18. semendkud. Pätem — ven.: «Из поколения в поколение. Семейные реликвии»[26]. Moskvan kul’turtandrehed pidetihe läz 500 azjtegod. Sen lugus: literaturižed teatrozutelused, master-klassad, kvestad, viktorinad, nägüdläižen da klassikmuzikan koncertad. Federaližele kul’turtandrehile oli tulnu enamba 300 tuhad mest.
- Vodel 2025 akcii «Muzejoiden ö» oli 17. semendkud. Pätem — «Gerojad»[27]. Kodiman kaičijan vodel programman omištihe istorižen mušton da hengižiden da moraližiden kal’huzile, ülenzoituz ičeze valdkundas da valdkundan satusiš kehitoidandale.
Venäman kul’turministr Ol’ga L’ubimova homaiči[28]:
Suren Vägestusen jubilejan vodes mö johtutam gerojid, kudambad rohktas vojuiba valkundan valdas da ripmatomudes da abutiba heitta fašizmad. Gerojad-tem löudab vastust Venäman erazvuiččiden čogaižiden muzejoiš, ved’ jogahižes regionas oma mugomad gerojad da mugomad istorian mušton lehtpoled, kut Sur’ Kodiman voin, da i toižed tärktad meiden valdkundan täht azjad. Mö udes kändamoiš geroizman endištoho, johtutam meiden rahvahan rohktad urohontegod istorian eriaigal, kulištam sanutesid gerojiden polhe da geroiden sanutesed, miččid hö starinoičiba iče.
Akcijan aigan mäniba ekskursijad, ozutelused, lekcijad, master-klassad, koncertad da toižed azjad[29]. Moskvan ajamiden muzejas oli masterklass komiksoiden tegendas, Tretjakovan galerejas adivod ühtninba mini-lektorijaha, Moskvan Kremlin muzejas oli tehtud lekcii «Aleksandr Nevskii — venäman kaičii» da ekskursii «Aleksandran sad — kahten Kodiman voinan muštpachišt».
Ühtenzoitud päivmärad
- Rahvahidenkeskeine ekskursiivedäjan päiv (21. uhokud)
- Kul'turradnikan päiv (25. keväz’kud)
- Rahvahankeskeine muštpachiden da istoriližiden sijoiden päiv (18. sulakud)
- Rahvahankeskeine muzejoiden päiv (18. semendkud)
- Kinon ö (päivmär joga voden vajehtase)
Homaičendad
- ↑ 1 2 Что известно о всероссийской акции "Ночь музеев", TACC (17 semendkud 2024). Дата обращения: 27 sulakud 2025.
- ↑ 1 2 3 Всероссийская акция "Ночь музеев", РИА Новости (18 semendkud 2024). Дата обращения: 27 sulakud 2025.
- ↑ Денис Сидоров. Музей подготовился к грядущей ночи, Победа РФ | Новости, история, патриотизм (15 semendkud 2021). Дата обращения: 27 sulakud 2025.
- ↑ Всероссийская акция «Ночь музеев» 2024, Аскинский район — дата и место проведения, программа мероприятия., Культура.РФ. Дата обращения: 27 sulakud 2025.
- ↑ 1 2 История акции "Ночь музеев", TACC. Дата обращения: 14 semendkud 2025.
- ↑ 1 2 Когда пройдет «Ночь музеев» в 2025 году?, AiF (5 uhokud 2025). Дата обращения: 27 sulakud 2025.
- ↑ 1 2 3 4 История акции. Ночь музеев. Дата обращения: 27 sulakud 2025.
- ↑ «Ночь в храме», возможно, пройдет в Москве // Православие и мир. — 22.09.2015.
- ↑ Красноярский музейный центр. Дата обращения: 10 sulakud 2010. Архивировано из оригинала 20 semendkud 2010 года.
- ↑ Акция "Ночь музеев", посвященная Году кино, стартует по всей России, РИА Новости (21 semendkud 2016). Дата обращения: 27 sulakud 2025.
- ↑ Волкова, С.. «Ночь музеев» - 2016: Хотите увидеть редкие коллекции, торопитесь зарегистрироваться, msk.kp.ru (13 semendkud 2016). Дата обращения: 14 semendkud 2025.
- ↑ «Ночь музеев»-2017 посвятили русской революции, Известия (19 semendkud 2017). Дата обращения: 27 sulakud 2025.
- ↑ "Ночь в музее" в Москве: Куда пойти, что посмотреть, и как добраться, Metro Москва. Дата обращения: 14 semendkud 2025.
- ↑ «Шедевры из запасников» станут главной темой «Ночи музеев-2018», Известия (7 semendkud 2018). Дата обращения: 27 sulakud 2025.
- ↑ Когда проведут "Ночь музеев" в 2019 году? Тема акции была объявлена в конце мая прошлого года | Санкт-Петербург Центр. peterburg.center (11 uhokud 2019). Дата обращения: 27 sulakud 2025.
- ↑ «Ночь музеев» в Москве 2019: куда идти и что смотреть, BURO.. Дата обращения: 14 semendkud 2025.
- ↑ Участие в «Ночи музеев — 2020». www.artnight.ru. Дата обращения: 27 sulakud 2025.
- ↑ Онлайн-мероприятия акции "Ночь в музее – 2020" посетили более 800 тыс. человек, TACC. Дата обращения: 14 semendkud 2025.
- ↑ Анонс пресс-конференции «Ночи музеев — 2021». old.artnight.ru. Дата обращения: 27 sulakud 2025.
- ↑ Ночь музеев - 2021. nazaccent.ru. Дата обращения: 14 semendkud 2025.
- ↑ Как пройдет акция "Ночь музеев" в России в 2022 году, РЕН ТВ (20 semendkud 2022). Дата обращения: 27 sulakud 2025.
- ↑ Что и где посмотреть в Москве в «Ночь музеев-2022»?, AiF. Дата обращения: 14 semendkud 2025.
- ↑ Ночь музеев: когда будет в 2023 году, участники акции, программа, РИА Новости (5 semendkud 2023). Дата обращения: 27 sulakud 2025.
- ↑ Экскурсия по бункеру, рок-концерт и закулисье театра: куда пойти на «Ночь музеев» в Москве, Global City. Дата обращения: 14 semendkud 2025.
- ↑ Министр культуры рассказала о рекордах "Ночи музеев" в России. Вести.ру (25 semendkud 2023). Дата обращения: 14 semendkud 2025.
- ↑ Объявлены дата и тема «Ночи музеев» 2024 года - Год Литературы, Год Литературы (13 keväz'kud 2024). Дата обращения: 27 sulakud 2025.
- ↑ «Ночь музеев» пройдет по всей России 17 мая. Публикации СМИ. Первый канал, 1tv.ru (5 uhokud 2025). Дата обращения: 27 sulakud 2025.
- ↑ Ольга Любимова: Всероссийская акция «Ночь музеев» в 2025 году будет посвящена теме «Герои». Министерство культуры РФ (17 vilukud 2025). Дата обращения: 14 semendkud 2025.
- ↑ Ночь музеев — 2025. Официальный сайт акции. museumnight.culture.ru. Дата обращения: 14 semendkud 2025.
Literatur
- Казакова, О., Кошелева, С. Ночь музеев во Франции как пример современной международной кооперации и общественно-государственного партнёрства // Вестник Кемеровского государственного университета культуры и искусств. — 2023. — № 63.
- Малафий, А. Туризм впечатлений : ресурсы и перспективы развития в Тульской области // Современные проблемы сервиса и туризма. — 2019. — № 2.
- Петрунина, Л. Два лица одного музея. "Ночь музеев" в Третьяковской галерее // Телескоп: журнал социологических и маркетинговых исследований. — 2012. — № 6.
- Черткова, М. А., Аксенова, Л. В., Каримова, Э. Т. Международная акция «Ночь музеев» в Учебном ботаническом саду им А.Г. Генкеля ПГНИУ // Ботанические сады в современном мире. — 2024. — № 6.