Mullina El'vina Zufarovna

Рувики-späi
Mullina El'vina Zufarovna
Муллина Эльвина Зуфаровна.jpg
Üleižed tedod
Täuz' nimi
Sündundpäiv 27. kül'mkud 1985(1985-11-27) (40 лет)
Sündundsija
Ma Sovetskii SojuzSovetskii Sojuz SSSR→VenämaVenäma Venäma
Professijad operpajanik
Radon aig 2008 — n. a.
Pajoän' soprano
Žanrad oper
Pauklahjad Karjalan arvostadud radnik (2017)
Karjalan rahvahaline artist (2025)

El'vina Zufarovna Mullina (ven.: Эльвина Зуфаровна Муллина, om sündunu 27. kül'mkud 1985, Aznakajevo, Tatarskan avtonomine sovetskii socialistine valdkund[d]) om venälaine operan pajanik (soprano), Karjalan arvostadud artistk, Karjalan muzikteatran päpajatai.

Elostarin

El'vina Mullina om sündunu Tatarstanan Aznakajevo-lidnas 27. kül'mkud vodel 1985.

Vodel 2008 lopi Kazanin valdkundaližen Nazib Žiganonan nimel konservatorijan (ven.) (vep., Tatarstanan da Marii Elan Valdkundan rahvahaližen artistkan, Venäman arvostadud artistkan, professoran Galina Trofimovna Lastovkan klassan.

Opendusen aigan vodel 2005 ühtni operpajatajan Aleksandra Mil'čevan da Sofiiskan operteatran Dragomir Nenovan nimel dirižoran mastar'-klassoihe. Vodel 2006 pajati Konstancan-partijan V. A. Mocartan ven.: "Похищение из сераля"-operas, miččen ozuti Kazanin konservatorijan operstudii germanialaižen dirižoran Leo Krameran ohjandusel. Vodel 2007 sidä studijal pajati N.A. Rimskii-Korsakovan operan Lumineičukaine-partijad.

Vodelpäi 2008 om Karjalan muzikteatran päpajatai[1].

Om VII Regionaližen vokalistoiden konkursan Saliha Saidaševan nimel ezmäižiden premijoiden laureat (Tatarstan, 2004) da Х Rahvahidenkeskeižen norišton muzikan ven.: "Надежды, таланты, мастера"-festival'-konkursan laureat (Bolgarii, 2005), Ühthižvenälaižen ven.: "Студенческая весна"-konkursan koumanden premijan laureat (Perm', 2005).

Vodel 2010 artistka sai Karjalan kul'turministertvan arvkirjaižen. Karjalan valdmehišton (2012) da Venäman teatrsebran nevondišton (2014) stependiat.

Vodel 2016 sai Venäman muzikteatroiden associacijan erilahjan da tegihe VI Rahvahidenkeskeižen operettan da m'uziklan V. A. Kuročkinan nimel noriden artistoiden konkursan diplomant (Jekaterinburg).

Vodel 2017 El'vina Mullina V. A. Mocartan "Čudokaz fleit"-operan Ön kunigaz-roliš om sirttud "Onežskaja maska"-premijale nominacijas "Parahim akoiden rol'" 2014/2015 da 2015/2016 aigoiden mödhe.

Vodel 2017 El'vina Mullina sai Karjalan arvostadud artist-arvnimen[2].

Kül'mkus vodel 2018 El'vina Mullinad kucttihe "Gelikon-opera"-teatraha (Moskva), miše ühtneda V. A. Mocartan "Čudokaz fleit"-operan Ön kunigaz-partijas[3][4].

Uhokus vodel 2019 El'vina Mullina il'mestui V. A. Mocartan "Čudokaz fleit"-operan Ökunigahan roliš Primorskan agjan Mariinskan teatran laval (Vladivostok).

Vodel 2021 professionaližes mastarudes da sures panendas teatrtaidehe El'vina Mullina sai "Panendas Karjalan kehitoitusehe"-arvznaman[5].

El'vina Mullina om kahtišti nominiruidud Venäman "Zolotaja maska"-teatrpremijale[6]. Vodel 2012 R. L'vovičan "Černaja kurica"-opermüziklan Al'oša-roliš om nominiruidud "Zolotaja maska""-premijale[7]. Vodel 2020 om sirttud "Opera/Akoiden rol'" nominacijaha Gelikon-operan "Čudokaz fleit"-teatrozutelusen ökunigaz-partijas (kut kucttud päpajatai).

Repertuar

Pajatajan repertuaras oma mugomad partijad kut: Marfa (N. Rimskii-Korsakov ven.: "Царская невеста"); Lumineičukaine (N. Rimskii-Korsakov "Lumineičukaine"-oper); Džil'da (Dž. Verdi "Rigoletto"); Violetta (Dž. Verdi "Traviata"); Ön kunigaz (V.-А. Mocart "Čudokaz fleit"); Konstanca (V.-А. Mocart ven.: "Похищение из сераля"); Adina (G. Donicetti ven.: "Любовный напиток"); Serafina (G. Donicetti ven.: Il Campanello, или Ночь наваждений"); Rozina (Dž. Rossini "Sevil'skii cer'ul'nik"-opera); Fraskita (Ž. Bize "Karmen"-opera); Prilepa (P. Čaikovskii, "Pikovaja dama"-opera); Mari (I. Kuznecov ven.: "Карельский пленник"); Ženovjeffa (Dž. Puččini "Anželika-sizar'"); Nella (Dž. Puččini "Džanni Skikki"); Stassi(I. Kal'man "Sil'va"); Adel' (I. Štraus "Letučaja miš"); Aleša (R. L'vovič "Černaja kurica"); Nasto (А. Salo ven.: "Красавица Насто"); Dan'a Kutuzov (А.Pantikin ven.: Вперед, в Квестландию!"); K. Orfan ven.: "Кармина Бурана"-kantatas soprano-partii; M. Tariverdijevan (ven.) (vep. ven.: "Ожидание"-monooper; Koncert orkestranke änen täht kirj. 82, R. Glier; venälaižiden, tataran da verazmaižiden kompozitoroiden romansad.

Arvostelend

Vodel 2020 Lapsiden muzikteatran Natalia Sacan nimel laval "Videt' muziku"-festivalil Karjalan muzikteatran operpajanik El'vina Mullina ühtes koncertmeisteran Aleksandr On'kinanke ezitiba Mikael Tariverdijevan "Ožidanii" monooperan. Aleksandr Matusevičan sanoiden mödhe, kaik teatrozuteluz pidäse pajatai-aktrisan El'vina Mullinan da hänen koncertmeisteran Aleksandr On'kinan mastarudel. Mullinan än' om ei vaiše tehnine koloratur, no läm' da bohat tembran mödhe, pajanikal om lopmatoi erazvuiččil intonacijoil än', mitte nägub Tariverdijevan monooperas[8].

Taidehtedon kandidat, operan arvostelii Jelena Tretjakova sanub El'vina Mullinan vändon polhe G. Donicettin "L'ucia di Lammermur" operas muga: "Ei sa ei jagada ihastust L'ucian meletomudespäi, miččen pajatai E'vina Mullina ozutab muga, kuti nece pänpunotusine arii ei ole jügeduz, a om hüvä mel', mitte voib jatkatas hätken[9]."

Kanz

El'vina Mullina om mehel, kanzas om kaks' last[10].

Homaičendad

  1. ↑ Эльвина Муллина заслуженная артистка Карелии, лауреат Международного и Всероссийского конкурсов. Дата обращения: 10 keväz'kud 2026.
  2. ↑ О награждении государственными наградами Республики Карелия. Электронный фонд нормативно-технической и нормативно-правовой информации Консорциума «Кодекс» (26 sulakud 2017). Дата обращения: 10 keväz'kud 2026. Архивировано 20 semendkud 2021 года.
  3. ↑ Анастасия Попова. Тернистый путь любви. «Независимая газета» (22 kül'mkud 2018). Дата обращения: 10 keväz'kud 2026. Архивировано 20 semendkud 2021 года.
  4. ↑ Екатерина Кретова. Две «Волшебные флейты» в «Геликоне»: надули Моцарта. «Московский Комсомолец» (13 kül'mkud 2018). Дата обращения: 10 keväz'kud 2026. Архивировано 20 semendkud 2021 года.
  5. ↑ Знак «За вклад в развитие Республики Карелия» вручат жителям региона. Официальный интернет-портал Республики Карелия (24 keväz'kud 2021). Дата обращения: 10 keväz'kud 2026. Архивировано 20 semendkud 2021 года.
  6. ↑ Царица ночи Эльвина Муллина. Дата обращения: 10 keväz'kud 2026.
  7. ↑ На лучшую женскую роль номинировали за роль мужскую. «Губернiя Daily» (18 kül'mkud 2011). Дата обращения: 10 keväz'kud 2026. Архивировано 20 semendkud 2021 года.
  8. ↑ И один в поле воин. 2020-11-24. Дата обращения: 31 keväz'kud 2026.
  9. ↑ Любовь и смерть в старинном театре. 2025-04-06. Дата обращения: 31 keväz'kud 2026.
  10. ↑ Примадонны Музыкального театра Карелии рассказали правду о коллективе. 2025-10-20. Дата обращения: 31 keväz'kud 2026.

Lähtked

Om sadud "https://vep.ruwiki.ru/w/index.php?title=Mullina_El%27vina_Zufarovna&oldid=521504"