Minun ma - minun Venäma

Konkurs "Minun ma - minun Venäma"
Augotišen päiv	2004 voz'
Satuz	läz 1 mln ühtnikad 20 vodes
Sait	moyastrana.ru

"Minun ma — minun Venäma" (ven.: «Моя страна — моя Россия») on küliden, peniden da suriden lidnoiden social'no-ekonomižen kehitoitusen avtorprojektoiden konkurs. Ezmäižen kerdan oli vodel 2004. Vodelpäi 2019 konkurs mänetadas Avtonomižen kundaližen "Venäma - voimusiden ma" ohjanduzznaman al da Venäman tedon da üläopendusen ministerstvan, Venäman tedotelendan ministerstvan, Venäman Parlamentan tedon, opendusen da kul'turan komitetan, Intellektualižen elomišton federaližen služban, Federaližen valdkundaližen "Venäman openduzakademii"-b'udžetorganizacijan, Federaližen norišton azjoiden agenstvan tugele.

Konkursale ottas avtoroiden radod igäkategorijoidme: vodehesai 13, 14—17-voččed, 18—35-voččed, kelle om enamba 35 vot. Vodel 2025 om omištadud Suren Kodiman voinan 80-voččen Vägestuzpäivän jubilejan muštoks.

Istorii

Konkursan mel'vehes tedotihe vodel 2003 Ühthižvenälaižel norišton parlamentarizman kehitoitusen seminaral, mitte oli Räzaniš.

Ezmäižen kerdan konkurs pidettihe vodel 2004, azjtedajiden nevondišt arvosteli üläopenikoiden radod "Sinun voz'sadan XXI lidn"-teman mödhe, mitte oli omištadud lidnoiden ohjandusen paremboitusele, ekonomikan todesižiden erištoiden kehitoitusele da völ socialižen da tedo-pedagogižen erištole.

Voden 2023 "Minun ma — minun Venäma"-konkursan vägestajad

Vodel 2006 sai ühthižvenälaižen statusan, konkursan pätegendoiden keskhe mülüiba socialižen projektirovanijan openduz da man radnikoiden vägen vaumičend.

Vodel 2019 "Minun ma — minun Venäma"-konkurs mänetadas Avtonomižen kundaližen "Venäma - voimusiden ma" ohjanduzznaman al, sikš Venäman prezident Vladimir Putin znamoiči sidä kut "arvvaldaline, tarbhaine tandreh noren pol'ven kucundan täht venälaižiden regionoiden social'no-ekonomižen kehitoitusen päazjoiden tegendaha".

Konkursan ühtnikoiden lugumär kazvab joga voden: vodel 2018 oli 7 tuhad radod, vodel 2019 jo 5 tuhad, vodel 2023 — enamba 100 tuhad.

Ühtnikad

Konkursaha ühtneba nellän eri-igäižen gruppan avtorad:

Medalid konkursan vägestajiden täht (2025)

• vodhesai 13;
• 14—17-voččed lapsed;
• 18—35-voččed mehed;
• mehed, kudambile om enamba 35 vot.

Konkursan sändoiden mödhe azjtedajiden nevondišt kacub kaik radod, valičeb niišpäi 300 da kucub niiden avtoroid polestandan täht (distantformatas). Joga eri-igäižen gruppas valitas ühtnikoid, kudambad sadas ezmäižen, toižen da koumanden sijan. Arvostelusen aigan ottas homaičusehe radon sociališt znamoišendad da sen vastatest Venäman prezidentan "Rahvahaližis satusiš Venäman kehitoituses vodehesai 2030 da nägemusele vodehesai 2036"-käskoho, personaližid oppindoiden satusid, voimust praktikališt kävutandad.

Pauklahjoičemine om Piterin rahvahidenkeskeižen ekonomikforuman Norišton päivän aigan.

Konkursan vägestajad sadas rahalahjad, ližaballad, miše päzuda opendamhas korgedškolihe, projektoiden tedolišt satandad.

Nominacijad

Voden 2025 nominacijad
Lähte:

Nominacijad	Päaspektad
"Minun ma. Minun istorii. Minun Vägestuz"	kaičend, udištamine, tugeduz da popul'arizacii istorilišt muštod Venämal da toižiš maiš Sures Kodiman voinas; voinan da radon veteranoiden tugedusen täht pit'kaigaižiden azjtegoiden sädand; voinan muštpachiden da memorialoiden kaičend da völ tagaman radnikoiden muštpachiden da memorialoiden kaičend; Sovetskijan Armijan vointoroiden da voinmehiden kaumoiden ecindazjoiden tugeduz; azjtegoiden mänetand, miččed kehitoitas norišton keskes patriotizmad da sovetskijan rahvahan surt panendad vägestusehe fašizman vasthapäi; tundmatomiden Suren Kodiman voinan lehtesiden oppind.
"Minun kanz: polviden vajehtamine, kal'huded da elon jüvä"	istoriližen mušton da kanzan kožmusiden kaičend, projektoiden da pakičusiden istorian kaičendan täht vaumičend; norišton vaumičend tehta kanzad da pidäda hol't lapsiš kanzan pol'viden nevondoiden mödhe; social'no-ekonomižen azjtegoiden kehitoituz (ozutesikš, kanzaline biznes vai infrastrukturan kehitoituz); hžvän kanzaližen infrastrukturan tegend da kehitoituz venälaižiš lidnoiš da küliš; abu kanzoile, miččiš oma lapsed pahan tervhudenke da röunotadud voimusidenke.
"Minun äirahvahaline Venäma" sihe mugažo mülüba "Minun maman kel'", "Meiden maiden ühtištuz", "Minun radonmaht"	rahvahidenkeskeižiden, kul'turkeskeižiden da konfessiikeskeižiden kommunikacijoiden kehitoituz, sen lugus ekonomine, tedo-tehnine da gumanitarine ühthižtö Venäman ma-sebranikoidenke; keraduz, ühthevedo, sistematizacii, kaičend da tedokävutand istorilišt materialad Venäman rahvahiden elon azjoiden polhe; lapsiden da norišton arheologižes rados abu; istoriko-kul'turižiden andmusiden sirdänd turistradoho sijoil; tedoteluzradon kehitoituz norišton keskes, mitte oppib venälaižiden lidnoiden da küliden istorijad da kul'turad, niiden rahvahiden veroid; südäinturizman rolin ülenzoituz lapsiden da norišton kazvatuses, patriotizman da rahvahaližen vastusenpidändan kazvatuz.
"Minun ülenduz. Minun pen' kodima (minun lidn, minun külä)" sihe mugažo mülüba "Minun pen' kodima (minun lidn, minun külä)", "Minun Edahaine Päivnouzm. Minun Arktik"	popul'arizacii hüvid rahvahanikoiden ozutelusid vänälaižiden lidnoiden da küliden kehitoituses, meiden aigan geroijiden ülenzoituz; kucund sijaližid eläjid da sebroid territorijiden kehitoituzprocessoihe, sen lugus uziden ühtnendan formatoiden abul paginaha da änestamižehe, pätandoihe pertin, irdan da mikrorajonan korktudel; lidnoiden kul'turno-istoriližen jäl'gestusen kaičend, sen lugus penid lidnoid da istoriližid eländsijoid; oppind da popul'arizacii ičeze kodiröunan istorijad; ičetahtnikoiden radon (volont'orstvan) kehitoituz territorijoiden kehitoitusen, tomotusiden da projektoiden oblastiš, kuna ühtniba ičetahtnikad miše paremboita lidnališt elomišt; kehitoituz susedkožmusiden veroid da kul'turad (sused fateroiden, podjezdoiden da pertiden keskes kožmusid).
"Minun pedagogine tomotuz"	školedeližen da üleižen openduzsisteman kehitoituz; vaumičend da sirdänd eloho distancioništ opendust, elektronižid openduzmaterialoid, informacionižid da mul'timedižid tehnologijoid, onlain-openduzkursoid, elektronižid kirjištoid da tedokirjoid; intellektualižid openduzsistemoiden da ičeopendusen tegend; kehitoituz da painduz parahimid openduzpraktikoid da metodikoid lapsiden da norišton täht projektižen rados, sen lugus socialižen projektirovanijan oblastiš; tegend da kehotoituz projektradon modelid lapsidenke da norištonke regionaližel damunicipaližel korktudel.
"Minun tervhuz'"	oppind pahaazjoiden riskoid (pipkutand, humalduz, vär söm da likumatoi elo) da niiden painastuz mehen tervhudele; kehitoituz da sirdänd eloho korporativižid programmoid tervhuden vahvištoidandan täht radsijoil; Venäman rahvahiden rahvahaližen sömižen painastusen mehen tervhudele da elon pidusele oppind; sädai- da radmahtišton kehitoituz mehil invalidnostinke, social'no kaičetomil rahvahanikoil, lapsid-sirotoid da lapsid, kudambad jäiba vanhembita, sen lugus heiden rad- da biznesaktivnostid; socialižiden kommercitomiden organizacijoiden tegend invalidoiden da tervhuden röunotadud voimusidenke mehiden täht; proforijentacii da abu radon ecindas invalidoile, social'no kaičetomile rahvahanikoile, lapsile-sirotoile da lapsile, kudambad jäiba vanhembita.
"Minun man ekologii"	ekologižen turizman kehitoituz; sirdänd eloho tehnologijad kerata da toižen kerdan kävutada sorun, venälaižen jändusiden erišton tegend; vodorodan tehnologijoiden kehitoituz; gazmotorižen poltandainehen da gazmotorižiden stancijoiden verkon Venämal kehitoituz; tehnologijoiden kehitoituz bioproteinan saskel'mižen londusižen gazaspäi; tehnologijoiden kehitoituz da londusižen gazan kaičendan da vendan täht uziden materialoiden tegend.
"Minun adivoičetai Venäma"	man imidžan modernizacii; territorijan investicionižen paremboitusen tegend kut turistižen objektan, territorijan turizmbrendan kehitoituz; Turizman roduiden kehitoituz (kosmosan, tegeližuden, tedon, opendusen, sportižen, kul'tur-tedištusen, gastronimižen, etnografižen, azjoiden, lapsiden, küliden, agroturizman); vaumičend da pästand eloho pühäpäividen matkoid da matrkoid istoriliüiden tahoiden mödhe; vaumičend da pästand eloho turizmtavarad "koumanden igän mehile" da vähämobiližid matknikoiden täht; oppind da popul'arizacii Venäman rahvahiden sömišt.
"Minun man intellektualine elomišt" sihe mugažo mülüba "Regionoiden cifrovijoiden oloiden kehitoituz", "Openduzsisteman tegend da kehitoituz intellektualižen elomišton oblastiš Venäman regionoiš", "Regionaližen intellektualižen elomišton sisteman kehitoitusen da tegendan uden cifrovijoiden tehnologijoiden da platformoiden aigan", "Intellektualižen elomišton kaičend — erištoline specifik"	parahimid tehnologižiden pätandoiden valičend regionaližiden da municipaližiden Melekaz territorii-programmoiden täht intellektualižen patentanalitikan suriden voimusidenke da tegointellektan pohjal; regionaližen komplekssisteman intellektualižen elomišton uziden informacionižiden tehnologijoiden da platformoiden pätandoiden aigan kävutadud openduz-, regul'atorižid da investicionižid mehanizmoiden tegend; vaumičend da pästand eloho instrumentoid miččed abutadas endustada tedo-tehništ regionoiden kehitoitust; intellektualižen elomišton kommerrcialižacii da innovacionižn biznesan kehitoituz Venäman regionoiš; parahimid mehanizmoiden tegend, miše pästa eloho regionaližid brendoid da niiden kaičendad stratagijoid.
"Cifrovii elomišt regionoiden eläjiden elon parenboitusen täht"	lugutehnologijoiden kehitoituz kut hüvä azj röunatadud tervhuden voimusidenke mehiden täht; luguopendusen kazvand rahvahanikoiden keskes Venäman regionoiš; rahvahanikoiden, kudambad oppidas uzid tehnologijoid tugeduz; eriližiden resursoiden tegend, miččed avaitas uded voimused rahvahanikoile da radsijad regionoiš.
"Minun man sur' tehnologine ecind" (sihe mülüba mugažo "Innovacijad kosmosas da aviacijas", "Parahimad tegeližuden tehnologijad", "Informacionižed tehnologijad da robototehnik", "Tegeližuz' da energetik", "Himižed tehnologijad da ekologii", "Tehnologijad "melekahan lidnan" täht da kreativižed tehnologijad", "Tervhuz'-, bio- da küläelomišton tehnologijad")	ladehiden tegemine da pästamine tegeližuden internetan küvutamižen erištohosuriden tedoiden tarkištelend tegeližuden predprijatijoil; uziden materialoiden tegemine da kävutoitamine tegeližudes; tedo-oppindtegendoiden da konstruktoroiden tegendoiden tedištelemine, tegemine da pästamine tegeližuden robototehnikan da sensorikan erištoho; projektoiden tegemine da pästamine metalloiden erištos; pätusiden tegemine da pästamine tarbhaižiden mankaivatusiden löudamižen, saskelmižen da tegemižen erištos; pätusiden tegemine da pästamine energogeneracijan, personaližiden kaičuztahoiden kehitoitusen erištos; organižiden da organotomiden ainehiden, uziden himižiden materialoiden tegemine, tavaroiden tegemine uziden nügüd'aigaližiden himižiden materialoiden pohjal; man monitoringan tehnologijoiden da pätusiden tegemine da pästamine onlain-formatas; uziden materialoiden tegend, uden «sömižen tegend», nügüd'läižen selekcijan; uziden zel'joiden vaumičend; tedo-oppindtegendoiden da konstruktoroiden projektoiden tedištelemine, tegemine da pästamine diagnostiüiden sistemoiden, priloženijoiden erištos läžundoiden profilaktikan da personaližen tarkištusen täht.
"Minun biznestomotuz. Kreativižed industrijad regionoiden kehitoitusen täht"	socialižen biznesan kehitoituz; norišton bizneztomotusiden kehitoituz; udessündutamine radonmahtišton veroid da tehnologijoid, rahvahaližiden salištandan kehitoituz; udestegemine harvoid da pol'kadonuzid salištandoiden roduid da tehnologii, miččed oma melentartuižed Venäman rahvahiden istoriko-kul'turižen kaičendan polespäi da suvenirlahjoiden da tavaroiden tegendan täht.
"Ajamed. Minun man matkühtenzoitused"	avtoteiden sauvondtehnologijoiden kehitoituz da uziden vaumičendoiden kävutand ten- da inženerižes infrasrtrukturas; projektiruind da sauvond regionaližen da sijaližen znamoičendan teid todištusenke ekonomišt ližad; sauvond küläteid rahvahanikoiden ičepanendan rahoile; ajamiden alasistemoiden tegend, miččed kävutadas uded tehnižed da tehnologižed pätandad, sen lugus, miččed ottas homaičushe geografižed da londuz-il'mišton erigoičused vähäkävutadud Venäman Sibirin, Edahaižen Päivnouzman, Arktikan territorijoid; Venäman ühthižen ajamiden avaruden tegend balansiruidud ajamiden infrastrukturan kehitoitusen pohjal.
"Minun sugujuriden langad"	eriline nominacii lapsiden täht, mitte om tehtud Suren Kodiman voinan 80-voččen Vägestuzpäivän jubilejan muštoks

Ohjandaikund

• Dmitrii Turlakov om "Minun ma — minun Venäma"-konkursan ohjanduzkundan pämez';
• Larisa Pastuhova om tedoohjandai, "Minun ma — minun Venäma"-konkursan koncepcijan avtor;
• Galina Sorokina om "Minun ma — minun Venäma"-konkursan azjtedajiden kundan ohjandai;
• Vladimir Beresteckii om "Minun ma — minun Venäma"-konkursan pästnikoiden associacijan ohjandai.

Homaičendad