Lisicin Aleksandr Nikolajevič

Рувики-späi
В Рувики есть статьи о других людях с фамилией Lisicin.
Aleksandr Nikolajevič Lisicin
Александр Лисицын.jpg
Sündund päiv 29. vilukud 1955(1955-01-29)
Sündund sija
Surman päiv 29. semendkud 2025(2025-05-29) (70 лет)
Surman taho
Rahvahuz'
Professii teatrinäitleja, kinoaktrisa, akt'or

Aleksandr Nikolajevič Lisicin (ven.: Алекса́ндр Никола́евич Лиси́цын, 29. vilukud 1955, Moskvan agj — 29. semendkud 2025, Petroskoi) — sovetskii da venälaine teatran da kinon akt'or. Om üks' Karjalan «Tvorčeskaja masterskaja» dramateatran augonpanijoišpäi. Karjalan arvostadud artist (2015). Karjalan rahvahaline artist (2018)[1].

Elostarin

Om sündunu 29. vilukud vodel 1955 Мoskvan agjas (RSFSR, SSSR)[1].

Sädandradoho mel'düi laps'aigaspäi. Openzihe školan samodejatel'nostiš[2].

Openduz

Openzihe Teatraližes radmahttehnikumas Boris Ščukinan nimel akt'ortedokundal (om udes nimitadud Teatraližeks institutaks Boris Ščukinan nimel (ven.) (vep.) Kabardino-Balkarskan ASSRan arvostadud taidehradnikan Leonid Kalinovskovan töpajas. Ühtes Lisicinanke openzihe televedäi, videobloger, prod'usser Mihail Širvindt, ohjandai, Karjalan arvostadud artist Andrei Tupikov da toižed[3].

Vodel 1981 Aleksandr Lisicin hüvin lopi Ščukinan radmahttehnikuman[4].

Radmatk

Lisicinad kucui rata ühtes teatraline ohjandai, a jäl'ges Moskvan «Petr Fomenkon masterskaja» teatran taidehohjandai P'otr Fomenko, konz hän zavodi rata Piterin komedijan teatras (udes nimitadud Piterin komedijan teatr N. P. Akimovan nimel). No sidä vodel Fomenko läksi teatraspäi, sikš Lisicin ei ehtind sigä rata[3].

Pigai Ščukinan radmahttehnikumaha, kus openzihe akt'or, tuli Karjalan venälaižen dramateatran päohjandai (ven.) (vep. Valerii Čeburkanov. Hän kucui Lisicinad da völ kuverz'-se lahjakast pästnikad tulda radole Petroskoihe. Lisicin muga i tegi: konz vodel 1981 hän lopi institutan, ka ajoi Moskvaspäi Karjalaha da zavodi rata Karjalan venälaižes dramateatras. Radoi sigä kuverz'-se vot[1].

Voziden 1980 toižes poles Lisicin tegihe Valdkundaližen norišton Tvorceskaja masterskaja-teatran augonpanijaks (vodelpäi 2010 — Karjalan Tvorčeskaja masterskaja-dramateatr). Völ teatran tegemižehe ühtniba SSSRan rahvahaline artist Mihail Uljanov, Venäman arvostadud taidehradnik Vladimir Urin, Karjalan rahvahaline artist Oleg Belonučkin, Venäman arvostadud artistka Jelena Bičkova, Karjalan rahvahaline artist Georgii Sitko, Venäman arvostadud artist Gennadii Zalogin, RSFSRan rahvahaline artistka L'udmila Živih, Grigorii Strugač, kudamb tegihe teatran pämeks da toižed teatran radnikad[5].

Aleksandran Lisicinan ezmäine rad Tvorčeskaja masterskaja-teatras om pärol' teatrozuteluses Viktor Astafjevan ven.: Печальный детектив-kirjutesen mödhe. Teatrozutelusen ohjandai Jelena Bičkova johtutab[1]:

«Opalahine detektiv»-teatrozutelusen sabutuz tetpas oli Aleksandr Lisicinan satuz. Hän čudutoiti kaikid tozištusel, putui ani südäimehe Leonid Sošninan obrazan tegemižehe, prostan miliciimehen Venäman jogavuiččes lidnaspäi. Muštan, miše minä, kut teatrozutelusen ohjandai, en tedand severdad necen hengen polhe severdad, kuverdan voi starinoita hänes A. N. Lisicin. Ses rados hän ozuti ičtäze tozižeks, tarkaks akt'oraks; voi ozutada mugoman obrazan, miččen taga ozaižihe kaik Venäma, ühthine rahvahine taba. Tobjimalaz, Aleksandr Lisicin om harvonaine person, «üksjaine tavar». Eläb irdnägo, sur' taba, todesine dramatizm. Todesine azjtundii ühtes polespäi da todesine, uskoline ristit toižespäi — ei paksus vasttase mugoine kožund. Vändeskeluz, ambicioznost', miččed paksus vastasoiš teatrmehiden keskes, ei olend A. N. Lisicinal. Ka, hän voib kovas pidäda ičeze pozicijad, no se nikonz ei olend oigetud paginikan vasthapäi — nece om vahvmeližen mehen kovuz' ičeze oiktudes. Saša oli mugoine. No minä ei teda hüväsüdäimeližembad da laskvembad sebranikad. Nece om avoinsüdäimeline ristit, hänele voib uskta.'

Kaiken ičein jäl'geližen teatraližen elon Lisicin omišti Tvorčeskaja masterskaja-teatrale. 30 vodes hän vändi läz 40 rolid. Vozil 1986—2006 aktivišti radoi ühtes teatran päohjandajanke (1988—2006) Venäman rahvahaližen artistanke Ivan Petrovanke. Iče ohjandai saneli Lisicinan potencialas[1]:

Tvorčeskaja masterskaja-artistjoukus jogahine om lahjakaz akt'or, jogahine om person. Sidä aigan joga rados minei om melentartuine vastuz akt'oran Lisicinanke. Nece om kaiken ičeladuine, standartatoi el'genduz erazvuiččen ozutelusen palan pätandas. Repeticijad Lisicinanke — nece om kesknäine bohatoituzprocess … Minä meletan, miše А. N. Lisicinale pidab panda teatrozutelusen, sikš miše parodoksal'nost', hänen personaline meletandan, taht löuta uzid ozutelusen paloiden pätandoid, hänen sädaimaksimalizm — kaik nece — om ohjandajan eloradon tarbhaižed palad, ohjandajan idejoiden todenzoitusen sabutuz. En teda, mikš minä en voi pagištoitta Aleksandrad ezmäižen teatrozutelusen tegemižehe. Händast ei sa panda lugeda meheks, kudambal om «tegese — ei tehte»-kompleks; nece ei voi olda laškusen täht, sikš ku Lisicin — radonnavedii. Meletan, miše sid' om meiden venälaine maner alenzoitta lahjad, mitte sinei andoi Jumal. Olen kovad mel't, miše hänen akt'oran lahjavuz' — kacmata sihe midä hän jo tegi da sai — völ ei ole todenzoitud. Uskon, miše Aleksandr Lisicinad edel varastadas völ sured radod. Minä kut ohjandai tahtoižin ühtes hänenke tehta äjad sures dramaturgijas.

Völ Lisicin äjan radoi L'udmila Živih, Jelena Bičkovanke da toižiden ohjandajidenke.

Völ akt'or ühtni kinosjemjihe. Hänen ezmäine kinorol' oli Donal'd Donovan Igor' Nikolajevan komedijas ven.: «Не ссорьтесь, девочки!» vodel 2003. Jäl'ges hän vändi ven.: «Ментовские войны», «Улицы разбитых фонарей», «Чужой», «Внутреннее расследование»-projektoiš da toižiš. Lisicinan kinoroliden enambišt om oiktuzjärgendusen služban radnikad[6].

Rados akt'or ei üht kerdad sai pauklahjoid, sen lugus Karjalan arvostadud artist-arvnimi da Karjalan rahvahaline artist-arvnimi. Karjalas händast arvosteliba da nimitiba «Karjalan teatrlavan generalaks», «Karjalan teatrlavan venänaižeks bogatirikš» da muga edemba [7]. Hänen tipažin polhe kirjutadihe[7]:

Aleksandr Nikolajevič Lisicin om hüvä mastar', professional, kudambal om personaline akt'oran erigoičuz. Londuz vahvas lahjoiči akt'orad: sur' kazv, paks än', vestatusen modpirdad. Ku ližata sihe vahvan taban, akt'oran süvüden da harvan südäin, ka tedese sel'ged: akt'or Aleksandr Lisicin om todesine rahvahaline geroi, venälaine rahvahaline geroi. Mahtištol ozutada ühthišt rahvahališt tabad om znamoitud parahimad taidehobrazad, miččid ozuti Lisicin teatrlaval.

29. semendkud vodel 2025 pit'kän läžundan jäl'ghe Lisicin koli[8]. Ему было 70 лет[9]. Prostindceremonii akt'oranke oli 2. kezakud vodel 2025 prostinzalas Vol'naja-irdal Petroskoiš[10].

Pauklahjad da premijad

  • 2012 — ven.: «Подмосковные вечера»-festivalin laureat «Toižen planan parahim rol'»-nominacijas Nikolai Klimontovičan teatrozuteluses Aleksandr Kuprinan «Granatbraslet»-kirjutesen mödhe generalan Anosovan roliš;
  • 2015 — «Karjalan arvostadud artist»-arvnimi;
  • 2018 — «Karjalan rahvahaline artist»-arvnimi da toižed.

Тeatraline repertuar

  • 1986 — Leonid Sošnin (Viktor Astafjev, ven.: «Печальный детектив»);
  • 1989 — Tim (Maikl Frein, ven.: «Привидения на старой мельнице»);
  • 1989 — Jan (Ireniuš Iredin'skii, ven.: «Прощай, Иуда»);
  • 1991 — Pitu (Džon Marell, ven.: «Игра о Саре Бернар»);
  • 1991 — Ral'f Ostin (Leonard Gerš, ven.: «Эти свободные бабочки»);
  • 1992 — Ljermo (Huan Hose Alonso Miljan, ven.: «Цианистый калий… с молоком или без?»);
  • 1992 — Bernar (Kollin Higgins da Žan-Klod Karrjer, ven.: «Гарольд и Мод»);
  • 1993 — Neudačnik (ven.: «Я пошёл гулять с ума» М. Pavlovan, D. Prigovan da toižid kirjutesiden mödhe);
  • 1994 — Gosudar' (ven.: «Дураково поле» Boris Šerginan kirjutesiden mödhe);
  • 1994 — Akim Akimovič Jusov (Aleksandr Ostrovskii, ven.: «Доходное место»);
  • 1994 — Ricar' Hans (Žan Žirodu, ven.: «Ундина»);
  • 1995 — Cipuine (Tennessi Uiljams, ven.: «Царствие земное»);
  • 1996 — Ugo (Fransuaza Sagan, ven.: «Замок в Швеции»);
  • 1997 — Ževakin (Nikolai Gogol', ven.: «Женитьба»);
  • 1998 — Alliluja (Mihail Bulgakov, ven.: «Зойкина квартира»);
  • 1998 — Čebutikin (Anton Čehov, ven.: «Три сестры»);
  • 1999 — Gromov (Arkadii Averčenko, ven.: «Странные игры для взрослых детей»);
  • 1999 — Al'bert (Mark Kamoletti, ven.: «Пижама для шестерых»);
  • 2000 — F'odor (Irina Grekova, Pavel Lungin ven.: «Вдовий пароход»);
  • 2001 — Polkovnik Fetisov (Hristo Boičev, ven.: «Полковник Птица»);
  • 2001 — Šatov (F'odor Dostojevskii, ven.: «Бесы»);
  • 2002 — Jepihodov (Anton Čehov, ven.: «Вишнёвый сад»);
  • 2004 (om ezitud — vodel 2006) — Ižand (Maria Lado, ven.: «Очень простая история»);
  • 2004 — Adivpertin ohjandai (Rei Kuni, ven.: «№ 13»);
  • 2005 — Murov (Aleksandr Ostrovskii, ven.: «Без вины виноватые»);
  • 2006 — D'ulak (Žan Anui, ven.: «Эвридика»);
  • 2007 — Don Žuanan tat (Žan-Batist Moljer, ven.: «Дон Жуан»);
  • 2007 — Ermil Zotič Ahov (Александр Островский, ven.: «Не всё коту масленица»);
  • 2008 — Saša (Oleg Bogajev, ven.: «Марьино поле»);
  • 2009 — General Anosov (Nikolai Klimontovič Aleksandr Kuprinan kirjutesiden mödhe ven.: «Гранатовый браслет»);
  • 2012 — Al'donsan tat (Aleksandr Volodin, ven.: «Та самая Дульсинея»);
  • 2014 — General (Nikolai Klimontovič, ven.: «Настасья Филипповна»);
  • Vanhemb bogatir' (Aleksandr Puškin, ven.: «Сказка о мёртвой царевне и о семи богатырях»);
  • Rodion Nikolajevič (Aleksei Arbuzov, ven.: «Старомодная комедия»);
  • Sudja Verge (ven.: «Слуги Фемиды») da toižed.

Rolid kinos

Voz' Rol' Fil'm
2003 Donal'd Donovan ven.: «Не ссорьтесь, девочки!»
2004 Nikolai Ivanovič Arnautov, polkovnik, UBOPan ohjandai ven.: «Ментовские войны-1»
2005 Nikolai Ivanovič Arnautov ven.: «Ментовские войны-2»
2006 Nikolai Ivanovič Arnautov ven.: «Ментовские войны-3»
Mihail Antonov, vanhan tacindoružjan keradai ven.: «Улицы разбитых фонарей-7»
2007 epizod ven.: «Закон мышеловки»
2008 Nikolai Ivanovič Arnautov, Veteranoiden fondan ecinderišton ohjandai ven.: «Ментовские войны-4»
Nikolai Ivanovič Arnautov ven.: «Ментовские войны: Эпилог»
2010-2011 Nikolai Ivanovič Arnautov, milicijan polkovnik voinvaras ven.: «Ментовские войны-5»
2011 ven.: «Ментовские войны-6»
2012-2013 ven.: «Ментовские войны-7»
2013 Tugajev, policiimez' ven.: «Улицы разбитых фонарей-13»
2014 Kostrov ven.: «Внутреннее расследование»
Nikolai Ivanovič Arnautov, milicijan polkovnik voinvaras ven.: «Ментовские войны-8»
Valerii Ivanovič Pr'anikov, agjaližen RUBD-ohjandusen pämez' ven.: «Чужой»
2016 Nikolai Ivanovič Arnautov, milicijan polkovnik voinvaras ven.: «Ментовские войны-10»
2017 ven.: «Ментовские войны-11»

Homaičendad

  1. ↑ 1 2 3 4 5 Александр Лисицын. Кино-Театр.Ру. Дата обращения: 24 kezakud 2025.
  2. ↑ О кино и звёздах. Оборвалась жизнь актера, сыгравшего в сериале «Ментовские войны» Николая Арнаутова. Земной путь завершил Александр Лисицын (2025). Дата обращения: 24 kezakud 2025.
  3. ↑ 1 2 "Ментовские войны" актера Лисицына (20 vilukud 2005). Дата обращения: 24 kezakud 2025.
  4. ↑ Карельский актёр, известный по всей России, отмечает юбилей. Дата обращения: 24 kezakud 2025.
  5. ↑ Театр драмы Республики Карелия «Творческая мастерская». Кино-Театр.Ру. Дата обращения: 24 kezakud 2025.
  6. ↑ Сыгравший в "Ментовских войнах" актер Лисицын скончался в возрасте 70 лет. /smotrim.ru (2025). Дата обращения: 24 kezakud 2025.
  7. ↑ 1 2 Крауклит, Мария. Русский богатырь карельской сцены — Интернет-журнал «Лицей», Интернет-журнал «Лицей» (29 vilukud 2015). Дата обращения: 24 kezakud 2025.
  8. ↑ Скончался актер и народный артист Карелии Александр Лисицын, Известия (29 semendkud 2025). Дата обращения: 24 kezakud 2025.
  9. ↑ На 71-м году ушёл из жизни актёр Александр Лисицын. https://ritual.ru/. Дата обращения: 24 kezakud 2025.
  10. ↑ С актёром Лисицыным простятся в Петрозаводске 2 июня, AiF. Дата обращения: 24 kezakud 2025.

Literatur

Lähtked

Om sadud "https://vep.ruwiki.ru/w/index.php?title=Lisicin_Aleksandr_Nikolajevič&oldid=511919"