Kvadrober

Рувики-späi
Kvadrober
Квадробер.jpg
Sündumine

2020

Levitoitamine

Kaik mail'm

This box: diskussii • redaktiruida

Kvadrober ((ven.: Квадро́бер) latinan kelespäi quattuor — "nel'l'" da anglijan kelespäi aerobics — "aerobik") — ristit, kudamb harjoiteleb kvadrobikad, oficialitoman sportan, lapsiden da 7-14 - voččen norišton subkul'turan ezitai. Kvadroberad paneba modho živatoiden maskad da vedäba ičtaze kut nene živatad[1].

Kvadroberad sündutiba teravid paginoid rahvahan keskes, paginaha tartuiba filosofad, professionaližed psihologad da psihiatrad, politikad[2].

Melentartuz' kvadroberoihe Venämal sündui biznesmehil, kudambad zavodiba tehta tavaroid heiden täht. Möndsijoiš om parf'umerii kvadroberoiden täht da heiden vasthapäi, atributik väras nahkaspäi, sönd da toižed tavarad. Tavaroiden keskes subkul'turan täht zavottihe reklamiruida mugoižid tehmusid, miččed ei koskkoi necidä nikutПерейти к разделу «#Реакция рынка»[3].

Irdnägo da ičtazevedänd

Kvadroberad valičeba miččen-se živatan, miččen päle hö tahtoiba nahodida, da tegeba ičeleze necen živatan modon maskoiden abul, tartutaba sädoihe käbäläd, korvad, händan. Kvadroberad paksus iče tegeba sädoiden elementad, erased heišpäi paneba päle živatoiden sädod kogonalaze[4], vedäba ičtaze muga, kut vedäižiba ičtaze nene živatad, vastasoiš toižiden kvadroberoidenke, saba ičeleze sijan živatoiden kogos. Oma erazvuiččed elementad, miččid tegeba da harjoiteleba kvadroberad, ozutesikš, kut oikti joksta, hüppida väta heinäl. Kvadroberoiden navedijad kirjutaba starinoid ičeze gerojoile, keradaba oflain- da onlain-gruppoid, vastasoiš, snimiba videorolikoid socialižiden verkoiden täht[5] da jagasoiš mahtištol toine toiženke[6].

Квадробика.jpg

Sport da subkul'tur

Kvadroberad tegeba aerobikan likundad: joksmuz sijal, hüppändad tugeduses päliči da m.e. Sen ližaks kvadroberoiden irdnägon mödhe voib sanuda, miše hän om subkul'turan ezitai. Necen segoitusen taguiči ei sa oikti sanuda, oma-ik kvadroberad sportmehed libo hö oma formalitoman oigendusen ezitai. No om tedoid, konz subkul'tur kazvab kogonaižeks sportdisciplinaks, ozutesikš, hobbihorsing[7].

Квадробикаs.jpg
Квадробер кошка.jpg

Kvadroberad, terianad, furrid

Kvadroberoiden irdnägo nahodib toižehe subkul'turaha, miččen nimi om furri. No om äi todesižid eroid: kvadroberad lujas toštaba živatoiden likundoid, furrid-žo ozutaba antropomorfnijoid živatoid (kudambad nahodiba ristituhu). Kvadroberad äjan harjoiteleba aerobikad, furrid enamba kävutoitaba ozutadud gerojad sädairados[8]. Kvadroberoiden keskes vastasoiš terianad libo teriabtropad, ristitud, kudambad ei vaiše ozutaba živatoiden vedändad, a meletaba, miše hö oma živatad[9].

Tetabuden fenomen

Ezmäine kvadroberoiden sebr "VKontakte"-verkos oli tehtud keväz'kus vodel 2022. Redukuks vodel 2024 tegihe jo 46 mugošt sebrad üleižen lugumäranke 17 503 ristitud. Ku kacta levitoitusen surudehe Runetas kvadrobing — vähän znamasine alahaine azj[10]. Jäl'ghe necidä incidentad Mia Boiko - pajanikan koncertal Nadimas 31. elokud vodel 2024, konz neičukaine-kvadrober läksi scenale[11], necen teman polhe lehtištos da socialižiš verkoiš johtutadihe äjihe kerdoihe paksumba (5,1 tuhas kerdaspäi 30 tuhaze kerdahasai johtutest sutkas). Rahvahan keskes zavottihe pagišta mugažo Federacijan Nevondišton senatorad da Valdkundaližen Duman ezitajad, mugažo media- da polittehnologijoiden azjantedajad[10].

«Nügüd' necen teman polhe pagištas lujas aktivižesti, siš lugus necen idejan pidäjidenke da politikoidenke, i konz sündub uz' rolik libo uz' pagin, nece tem lähteb udele pordhaižele», — Igor' Laščevskii, AGT kommunikativižen agenstvan pämez'[10].

Rahvahan kaceg

Kvadrober

Rahvahan kaceg kvadroberoihe om erazvuitte. Toižed lugeba, miše laps'menetartuz' tob vaiše hüvüt tervhudele, igän taguiči se voib olda keskaigaine menetartuz'[8]. No om tedoid, konz kvadroberad tactihe lapsiden da aigvoččiden päle, da eskai purihe[12]. Erased psihologad oma sidä mel't, miše lapsen melentartuz' kvadrobikaha voib pagišta lapsen psihižes läžundas[13]. Norišton keskes kvadroberoid erašti travitadas (tehtas bulling)[14].

8. redukud vodel 2024 Sergei Lavrov küzui Ararat Mirzojanal, oma-ik heil kvadroberad[15]. Mirzojan vahvištoiti, miše tedab niiš. A Armenijan manedustai (posol) Venämal Gurgen Arsen'an sanui, miše Jevropan valdkundoiš kvadroberad lugeba ičtaze jo "genderoikš"[16].

Venäman prezidentan press-sekretar' Dmitrii Peskov RIA Uzištoiš, konz hänel küzutihe, tedab-ik Vladimir Putin kvadroberoiš, sanui[17]:

"Toivon, miše [ei teda]. Ei pida ülenzoitta [niiden] tetabut». Aigemba Peskov sanui, miše kvadroberoiden sebr om "tühj azj"»[18].

XVI BRIKS sammitan aigan Kazaniš Belorussijan prezidental Aleksandr Lukašenkol küzutihe, oma-ik kvadroberad hänen valdkundas, hän sanui, miše "ei ole necidä problemad", no kävutoiti paginas "kvadrociklad"-sanan[2]:

«Nu käveltas. Nene oma ved' maskad? Meil ei ole necidä problemad. I eskai tö vahvištoitit ei amu zakonan… Kut nece pagansana? Čaildfri. Meil eskai se ei ole aktualine, hot' minä jo sanuin necen polhe, en tahtoiži necidä. A nene kvadrociklad, meil ei ole völ niid, tozi sanud»[19].

Redukus vodel 2024 Voronežan erasiden sömsijoiden verajil om pandud mugoižed znamad, miččed kel'däba kvadroberoiden tulendad. Kut sel'genzoiti sömsijoiden pämez', mugoižed znamad pandihe jäl'ghe sidä, konz üks' fastfudoiden kompanijoišpäi, mitte om kohtha, laski kvadroberoile tulda südäimehe: «Nece vaiše vahvištoitab, miše norišton paha melentartuz' om hüvä azj»[20].

Квадроберам вход запрещен.jpg

Zakonoiden tegemine

Redukus vodel 2024 Valdkundaližen Duman deputat Sergei Kolunov tariči tehta muga, miše vanhembad pidäižiba vastust ičeze lapsiš-kvadroberoiš. Ozutesikš, pidab heitta vanhembilpäi oiktusid, antta heile administrativišt libo kriminališt ustavzoitandad. Deputat oigenzi ičeze idejad Venäman prezidentan lapsen oiktusiden valdakahan apparataha[21].

Redukus 2024 Valdkundaližen Duman deputatoiden grupp zavodi vaumita vajehtusid Administrativižehe kodeksaha alaigäižiden oficialižiden ezitajiden da neniden kvadroberoiden täht, kelle om 16 vot. Tacmuz ristituihe da kodiživatoihe om paha azj, miččes planiruitas antta vigamaks 5 tuhad rubl'ad. Ku kvadrober om noremba 16 vot, hänen vanhembad voiba sada ližavigamaksud 500 rubl'ad hondos lapsen kazvatamižes[22].

Uzbekistanan Sijaližiden azjoiden ministerstvan tedoiden mödhe ku lapsed mel'düba kvadrobikaha, nece znamoičeb, miše vanhembad hondoin kazvataba ičeze lapsid. Heile anttas vigamaksun 1,875 millionad sumad — läz 14 tuhad rubl'ad[23].

Möndtovarad

Vodel 2024 tavarad kvadroberoiden täht osttas keskmäras Venämal 12 kerdaha, Piteriš — 37 kerdaha, Moskvas - läz 45 kerdaha enamba. Möndsijoiš voib löuta erazvuiččid maskoid, "käbälid", korvid da händoid, pert'-kodad da vevundsijad, openduzkursad, stilistoiden abu[24][25]. Redukus vodel 2024 möndsijoiš voib ostta söm ristituiden täht, kudambad harjoiteleba kvadrobingad. Sömän südäimuses om: sahar, kakaovoin vajehtuz — pal'mansüdäimen voi, jorotud kakao, kuiv rahtmaid, kuiv rasvatoi maid, kokosan voi, kakao-jauh, ekstrudiruitud suriman jänduz (risan surin, nižujauh, sahar, kakao-jauh, sol)[26].

Fontanka.ru - lehtez kirjuti tavaroiš kvadroberoiden täht. Kaikid tetabaks tuliba tehtud käzil tavarad: händad tegonahkaspäi möndsijoiš voiba maksta 200 rubl'aspäi 300 rubl'ahasai, vaiše 1,5 metrad tegonahkad händoiden da korviden täht jo maksoiba 6000—7000 rubl'ad. Parf'umerad zavodiba tehta čomad hajud "todesižen kvadroberan täht", mugažo hajud, miččed pöl'gästoitaba kvadroberoid (sanutas, miše nece om grušan, arbuzan libo jablokan haju). Mödihe tugedused plastmassaspäi hajoitelusiden täht (900—4000 rubl'ad), tavarad professionaližiš modeljeroišpäi — hö oliba vaumhed ombelta sädod 20 000—30 000 rubl'as. Abuhu sid'-žo tuliba jogapäiväižiden tavaroiden möjad: "vel'vetštanad tigrprintanke" marketingan abul vajehtasoiš "štanoikš kvadrobikan täht"[3].

Homaičendad

  1. ↑ Квадроберы: кому на самом деле они подражают и почему этого не нужно бояться // Новости НТВ, НТВ (29 kezakud 2024). Дата обращения: 15 elokud 2024.
  2. ↑ 1 2 Лукашенко не выявил в Белоруссии проблем с квадроберами, РБК (23 redukud 2024). Дата обращения: 24 redukud 2024.
  3. ↑ 1 2 Барьеры, духи и корм для квадроберов. Как из скандального детского хобби пытаются делать бизнес, Фонтанка.ру (4 redukud 2024). Дата обращения: 24 redukud 2024.
  4. ↑ Квадробика: что это и как заниматься, опасность тренда, почему хотят запретить в России, Lenta.RU (5 heinkud 2024). Дата обращения: 15 elokud 2024.
  5. ↑ Сходка квадроберов (неопр.) (20 sulakud 2024). Дата обращения: 15 elokud 2024.
  6. ↑ Что такое квадробика: спорт это или нет, РБК Life (23 semendkud 2024). Дата обращения: 15 elokud 2024.
  7. ↑ Скачки на деревянных лошадках стали видом спорта. Олимпиада ждет, sport-express.ru (9 elokud 2023). Дата обращения: 15 elokud 2024.
  8. ↑ 1 2 «Я — рысь, моя подружка — пантера»: чем опасно новое помешательство подростков — они надевают маски и прыгают на четвереньках, НГС.ру (30 semendkud 2024). Дата обращения: 15 elokud 2024.
  9. ↑ Териантропы: кто это, чем занимаются, как выглядят, отличия от фурри и квадроберов, Lenta.RU (12 heinkud 2024). Дата обращения: 15 elokud 2024.
  10. ↑ 1 2 3 Как, почему и зачем квадроберы стали «политтехнологическим случаем», РБК (19 redukud 2024). Дата обращения: 1 kül'mkud 2024.
  11. ↑ Mia Boyka осудила квадроберов и их родителей - Газета.Ru | Новости, Газета.Ru (2 sügüz'kud 2024). Дата обращения: 1 kül'mkud 2024.
  12. ↑ В Кандалакше девочка-«зверёк» укусила ребёнка (18 kezakud 2024). Дата обращения: 15 elokud 2024.
  13. ↑ Психолог об увлечении детей квадробикой и терианством: «Уходят в вымышленный мир» | Ямало-Ненецкий автономный округ | ФедералПресс, ФедералПресс (27 semendkud 2024). Дата обращения: 15 elokud 2024.
  14. ↑ Олеся Ларина. Фурри и квадроберы: в чем опасность сомнительных субкультур? (неопр.). https://mir24.tv (28 kezakud 2024).
  15. ↑ Лавров объяснил, почему затронул тему квадроберов перед переговорами стран СНГ, ОТР (8 redukud 2024). Дата обращения: 9 redukud 2024.
  16. ↑ Лавров на встрече в Кремле рассказал коллеге из Армении про квадроберов, РБК (8 redukud 2024). Дата обращения: 8 redukud 2024.
  17. ↑ Песков ответил на вопрос о Путине и квадроберах, Lenta.RU (9 redukud 2024). Дата обращения: 24 redukud 2024.
  18. ↑ Песков назвал квадробику полной ерундой, Ведомости (9 redukud 2024). Дата обращения: 24 redukud 2024.
  19. ↑ Лукашенко о квадроберах: в Белоруссии нет «квадроциклов», Коммерсантъ (23 redukud 2024). Дата обращения: 24 redukud 2024.
  20. ↑ «Квадроберам вход запрещён». Воронежский ресторатор обезопасил заведения специальными наклейками, Без формата (25 redukud 2024). Дата обращения: 30 redukud 2024.
  21. ↑ Депутат Колунов предложил ввести ответственность для родителей детей-квадроберов. ren.tv (3 redukud 2024). Дата обращения: 3 redukud 2024.
  22. ↑ "Приведут в чувство мам": названы будущие штрафы для квадроберов. mk.ru (10 redukud 2024). Дата обращения: 11 redukud 2024.
  23. ↑ В Узбекистане пригрозили штрафами родителям квадроберов. РБК (13 redukud 2024). Дата обращения: 15 redukud 2024.
  24. ↑ Квадроберы атакуют: дети в масках наводняют российские города, Росбалт (11 redukud 2024). Дата обращения: 11 redukud 2024.
  25. ↑ Спрос стал массовым: в России зафиксирован 50-кратный рост продаж товаров для квадроберов | RB.RU, rb.ru (11 redukud 2024). Дата обращения: 11 redukud 2024.
  26. ↑ На маркетплейсах появился корм для квадроберов. vm.ru (3 redukud 2024). Дата обращения: 3 redukud 2024.
Om sadud "https://vep.ruwiki.ru/w/index.php?title=Kvadrober&oldid=244382"