Koz'modem'jansk

Koz'modem'jansk
mägimar.: Цикмӓ
Флаг Герб
56°20′31″ с. ш. 46°33′49″ в. д.
Valdkund	Venäma
Istorii da geografii
Tegemižen päiv	1583
Pind	13,41
Высота	120
Aigvö	UTC+3[d]
Eläjad
Eläjad	▼19 731 чел. (2021)
Lugud
Telefonan kod	83632
Počtan indeksad	425350
Официальный сайт(ven.)
Mediafailad RUWIKI-tedoiš

Koz'modem'jansk (ven.: Козьмодемьянск, mägimar.: Цикмӓ, nitmar.: Чыкма) om Venäman lidn da lidnümbrik Marii Elan Tazovaldkundan suvipäivlaskmas. Se om Mägimarin rajonan administrativižeks keskuseks, ei mülü rajonha.

Lidn om mägimarilaižiden kul'turan päkeskuseks.

Istorii

Eländpunktan aluz om pandud lidnuseks vl 1583 Ivan Grazijan käskön mödhe kahten pühämehen päivän oiktastuseks: Koz'ma i Dem'jan. Mainitase lidnaks vspäi 1609. Koz'modem'jansk sai makundan lidnan statusad vl 1718, oficialine lidnan status om vspäi 1781.

Luja lämoipalo tegihe lidnas vn 1833 semendkus. Om kaičenus äi endevanhid istorižid pertid, severz'-se znamasižid muzejid ratas lidnas. Koz'modem'jansk šingotase jogiportal i elektroladimiden tegimil (katkaižimed, štepselid, avtotraktorine elektronik), mugažo pälembaižen soban omblendal i turizmal.

Geografijan andmused

Lidn sijadase Volgan oiktal randal (Čeboksaran vezivaradim), 110 m ü.m.t. keskmäižel korktusel. Matkad Joškar-Olhasai om 104 km pohjoižpäivnouzmha. Ehtatim ühtenzoitab jogen randoid. Lähembaižed lidnad oma Čuvašijan Čeboksarad 49 km suvipäivnouzmha orhal vai 73 km avtotedme i Jadrin 49 km suvipäivlaskmha vai 86 km avtol.

Koz'modem'jansk om lidnümbrikon üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 21 257 ristitud. Kaikiš suremb ristitišt oli 25 300 eläjad vl 1992.

Rahvahad (enamba 0,4% vl 2010): venälaižed — 61,5%, marilaižed — 30,9%, totarlaižed — 0,9%, čuvašalaižed — 0,7%, ukrainalaižed — 0,4%, toižed rahvahad — 0,6%, rahvahuden ozutandata — 5,0%.

Ortodoksižen hristanuskondan seičeme pühäpertid oma avaitud lidnas: Jumalanmaman Smolenskan jumalaižen päjumalanpert' (om letud vll 1866−1872), nell' jumalanpertid i kaks' časounäd.

Ühtištuihe sauvondindustriališt tehnikumad i elektrotehnikan kolledžad vn 2014 sügüz'kus, i Koz'modem'janskan industrijan da edheotaikundan kolledž om professionaližen opendusen üks'jäižeks aluzkundaks.

Lidnümbrikon mer (administracijan pämez') om Mihail Kozlov vn 2017 heinkuspäi. Edeline lidnümbrikon pämez' (deputatoiden nevondkundan ezimez') om Andrei Burmistrov (sulaku 2014 — reduku 2019).

Galerei

• Музей купеческого быта Козьмодемьянск.jpg

  Torgovanoiden kodielon muzei (2017, ende Šišokin-torgovanan usadiban päsauvuz)

• 

  Jumalanmaman Smolenskan jumalaižen päjumalanpert', vn 2018 nägu

• Ул Советская 33,Здание мужской гимназии.JPG

  «Darovanje»-škol-internat vl 2015 (Lahjakahuz)

• 

  Koz'modem'janskan kul'turiž-istorine muzeikompleks — A.M. Ponomarövan usadib (2015)

• Жилой дом купца Турецева. Козьмодемьянск.jpg

  Istorine Turecev-torgovanan eländkodi vl 2016

Homaičendad

Irdkosketused

• Lidnümbrikon lehtpoled tazovaldkundan tobmuden mari-el.gov.ru-saital. (ven.)