Jefim Pimenov

Jefim Grogorjevič Pimenov
Jefim Grogorjevič Pimenov
Petroskoin lidnan pämez'
Sündundpäiv	4. keväz'kud 1827; Šokš, Petroskoin uezd, Oloncan gubernii
Kolendpäiv	2. elokud 1873 (46 vot); Ribinsk, Jaroslavli kubermang[d], Venäman imperii[d];
Mahapanendan sija	Q32860381?;
Lapsed	Q16686334?
Pauklahjad

Jefim Grogorjevič Pimenov (ven.: Ефи́м Григо́рьевич Пи́менов) (1827—1873) — venälaine aktivist, Petroskoin pämez', 1. gil'dijan kupec, meсenat, hüväntegii.

Elostarin

Oli sündunu vepsläižen maorjan kanzas. Tegihe armotomaks lapseks, hänen d'ad', 1. gil'dijan kupec Mark Pimenov oti händast poigaks. Hän sai d'ad'an rahoiden päpalad.

Möi leibäd, ohajnzi järv'laivoil, tegi sauvotuzradoid.

Vodel 1851 oli valitud Petroskoin Nikolajevskijan lapsiden prijutan nevondišton vanhembaks. Vodelpäi 1854 — üks' Oloncan gubernijan tür'mkomitetan pämehišpäi. Vodel 1865 oli vahvištadud Oloncan gubernijan lapsiden prijutoiden komitetan arvokahan ühtnikan, oli valitud Petroskoin Mariinskan akoiden gimnazijan nevondišton ühtnikaks.

Vodel 1867 oli valitud Olonсan gubernijan zemskijan keradusen pämeheks. Satoi suren kn'azin Aleksandran III hänen ajeluses Kivač-vezilanktusele.

Vozil 1871—1873 — Petroskoin lidnan pämez'.

Vozil 1869—1872 oli Oloncan hengeližen seminarijan päsauvojan.

Äi kerdoid andoi lujas äi rahoid Petroskoin Kresto-Vozdviženjan da Voznesenjan pühäpertiden sauvomižele.

Koli äkkid Ribinskas, kuna ajoi pätmaha küzundan leibvaran polhe. Oli pandud maha Petroskoin Zareckijal kaumištol.

Pauklahjad

Oli pauklahjoitud Pühän Stanislavan 3. stepenin ordenal (1869), Pühän Stanislavan 2. stepenin ordenal (1872), koumel kuldaižel medalil «Naprindas» (1853, 1862, 1865). Uhokus vodel 1856 oli pandud Petroskoin arvokahaks eläjaks^[1].

Kanz

Ak — Anna Nikolajevna (1834—1899), Nikolajevskijan lapsiden prijutan holes oli pauklahjoitud vodel 1897 hobedaižel medalil «Naprindas».

Pimenovoiden kanzas oli äi lapsid: poigad — Mark (1853—1897), Mihail (1857—1909), Sergei (1861—1881), Aleksandr (sünd. 1862), Jefim (sünd. 1864), Van'oi (sünd. 1865), Daniil (sünd. 1866), Georgii (1871—1919), tütred — Maria (1855—1900), Anna (sünd. 1869), Ol'ga (sünd. 1873).

Literatur

Кораблёв Н. А. Городские головы Петрозаводска (1778—1918). Биографический справочник / Н. А. Кораблёв, Т. А. Мошина. — Петрозаводск: Стандарт, 2008. — С. 39—42. — 82 с. — ISBN 5-87870-007-7.
Н. А. Кораблев, Т. А. Мошина Пименовы: династия предпринимателей, благотворителей, общественных деятелей. — Петрозаводск: КарНЦ РАН, 2013. — 109 с.: 45 ил.

Homaičendad

↑ Senatskie vedomosti (Сенатские ведомости) 1856.03.20 — Газеты Российской Империи (неопр.). gpa.eastview.com С. 11, 12. Дата обращения: 24 sulakud 2022. Архивировано 24 sulakud 2022 года.

Tarkendused

[1] Senatskie vedomosti (Сенатские ведомости) 1856.03.20 — Газеты Российской Империи (неопр.). gpa.eastview.com С. 11, 12. Дата обращения: 24 sulakud 2022. Архивировано 24 sulakud 2022 года.

[1]