Gerojoiden alang (Karjala)
| Melentartuisija | |
| "Gerojoiden alang" muštkompleks | |
|---|---|
.jpg) | |
| 61°40′33″ с. ш. 31°27′05″ в. д.GЯO | |
| Valdkund | Venäma |
| Sija |
Karjalan Valdkund, Pitkärantan rajon |
| Sündundpäiv | 1940 |
| Status |
 ОКН № 1000000379 |
 Mediafailad RUWIKI-tedoiš | |
Gerojoiden alang (ven.: Долина Героев, ven.: Долина Смерти) — sovetsko-suomalaižiden voinoiden voziden 1939—1940 da 1941—1944 sovetskijoiden mahapandud soldatoiden muštpachišt. Sijadase Pitkäranta-lidnaspäi pohjoižehe enččiden Pohjoiž- da Suvi-Lemetti - hutoroiden rajonas sovetsko-suomalaižiden koviden vointoroiden sijal[1].
Kaks' ezmäšt sovetskijoiden soldatoiden velliden kaumad oli tehtud kezal vodel 1940, konz lopihe voziden 1939—1940 voin. Uded velliden kaumad oli tehtud, konz lopihe voziden 1941—1944 voin.
Voziden 1941—1944 voinan kaumoiden kompleksaha mülüb 4 velliden kaumad da 1 sovetskijan soldatan kaum, kaik hö koliba Karjalan frontan voiskiden Süvärilaiž-Petroskolaižen tulendoperacijan aigan. Nenihe kaumoihe om mahapandud enamba 2000 sovetskijoiden soldatoiden rungod.
27. kezakud vodel 2000 Pitkäkangahan sijal Gerojoiden alangal oli pandud Gor'an muštrist. Nece om kuz'metrine čugunrist, miččen kahtes polespäi ozutasoiš akan figurad, kuti mamoiden simvolad, kudambad voikiba koldud poigid.
Vozilpäi 2000 venälaižiden ecindotr'adoiden vägil Pitkärantan rajonas oli löutud da mahapandud muštpachišton sijal 1095 soldatoiden rungod.
Sügüz'kus vodel 2020 kompleksan territorijal oli avaitud da pühävalatud pühän suren kn'azin Aleksandr Nevskijan časoun'-muštpacaz[2] da "Tundmatoman soldatan"-muštpachišt soldatoiden muštoks, ked oli amptud vointoroiš, konz pästiba karjalašt mad Suren Kodiman voinan aigan[3].
Homaičendad
- ↑ Мемориальная зона "Долина Героев": комплекс захоронений советских воинов 18-й Краснознаменной стрелковой дивизии, погибших в годы советско-финляндской и Великой Отечественной войн "Южное Леметти". Дата обращения: 17 heinkud 2025.
- ↑ Память о подвиге: в Карелии построили часовню в честь героев Северного Приладожья. Дата обращения: 17 heinkud 2025.
- ↑ Новый мемориал в память о Великой Отечественной войне открылся в Карелии. 25.09.2020. Дата обращения: 17 heinkud 2025.