Beslan

	Beslan
	oset.: Беслæн
	Герб
	43°11′00″ с. ш. 44°32′00″ в. д.GЯO
Valdkund	Venäma;
Istorii da geografii
Tegemižen päiv	1847
Pind	24;
Высота	484
Aigvö	UTC+3:00[d]
Ekonomik
Eläjad
Eläjad	▼35 929 чел. (2021);
Lugud
Telefonan kod	86737
Počtan indeksad	363020, 363021 и 363023–363029
-
	Официальный сайт(ven.)
	lugeda • diskussii • redaktiruida

Fail:MapGeoBeslan.png

Lidnan kart (2020)

Beslan (oset.: Беслæн) om Pohjoižosetijan — Alanijan Tazovaldkundan päivnouzmas. Se om tazovaldkundan koumanz' lidn eläjiden lugun mödhe, Oigedrandaližen rajonan administrativine keskuz.

Istorii

Eländpunktan aluz om pandud vl 1847 kuti Tulatovo-žilo (oset.: Бесланыкау) sijaližen Beslan Tulatov-manpidajan mödhe. Vl 1941 udesnimitihe Iriston-žiloks. Žilo sai lidnan statusad vl 1950 nügüdläiženke nimenke. Vn 2004 1. päiväl sügüz'kud lidn eli läbi teraktas ühtes lidnan keskškoloišpäi.

Beslan šingotase spirttegimišton koumel tegimel, vodkan koumel tegimel i šampanjvinan tegimel, söndtavaroiden pästandal (leibtegim), sauvondan materialiden (šebin', mecanümbriradai tegim) i tegesiden (savič, raudbetontegesed) edheotandoil, mugažo elektromehanine tegim (transformatorad) i omblendfabrik ratas.

Geografijan andmused

Lidn sijadase Terekan oiktal randal, 484 m keskmäižel korktusel valdmeren pindan päl. Matkad Vladikavkazhasai om 16 km suvhe-suvipäivnouzmha. Toine lähembaine lidn om Nazran' (Ingušetii) 10 km päivnouzmha.

Beslan om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 36 728 ristitud, rajonan kaks' koumandest. Vspäi 2013 lidnan ristitišt om kaikiš suremb — läz 37 tuh. eläjid (37 400 rist. vl 2021). Vl 2017 lidnan ristitišt oli 37 025 eläjad.

Hristanuskondan seičeme jumalanpertid (viž — vižkümnenden päivän jumalankodikund) oma olmas lidnas. Islaman 20. voz'sadan augotišen mečet' om restavriruidud i avaitud tošti vspäi 2011.

Rahvahad (enamba 1% vl 2010, ozutadud rahvahudenke): osetinalaižed — 83,4%, venälaižed — 11,9%, armenijalaižed — 1,3%, toižed rahvahad — 3,4%.

Pohjoižosetijan valdkundaližen torguimiž-ekonomižen kolledžan palakund^[3] (edel 2021. vot profškol nomer 8) om lidnan professionaližen opendusen aluzkundaks.

Lidnan Ezitajiden suiman edeline ezimez' (municipaližen ühtnikan pämez') om German Hautov (reduku 2017 — viluku 2020). Edeline lidnan Administracijan pämez' om Stanislav Dzeboev (tal'vku 2017 — kül'mku 2019), nügüdläine om Boris Margiev vn 2020 vilukuspäi.

Transport

Beslan om raudtesol'meks «Rostov — Baku»-jonol.

Rahvahidenkeskeine civiline Vladikavkaz (Beslan)-lendimport^{oset.: Дзæуджыхъæуы аэропорт, 705 tuh. passažiroid vl 2021) sijadase kahtes kilometras päivnouzmha lidnaspäi i 26 km pohjoižhe Vladikavkazaspäi avtoteidme. Sišpäi tehtas reisid Moskvha, Piterihe i Stambulha.}

Galerei

Beslanan Memorial sauvomižes (2011)
Rist Beslanan školan nomer 1 zalas (2008)
Город ангелов2.jpg

Memorialine «Andeloiden lidn»-kaumžom vl 2009
Kul'turkeskuz i memorial pölištunuziden muštoks Suren sodan aigan (2008 vai sen aigemba)
Владикавказский аэропорт (ноябрь 2020).jpg

Vladikavkaz-lendimportan terminal vl 2020
Beslan-päraudtestancijan sauvuz vl 2014