Baster

Baster
17°17′54″ с. ш. 62°44′03″ з. д.
Valdkund	Sent Kits da Nevis
Istorii da geografii
Tegemižen päiv	1627
Pind	6 474 970
Высота	15 ± 1
Aigvö	ADT[d]
Eläjad
Eläjad	13 220 чел. (2001)
Fail:Basseterre Map 1.png
Mediafailad RUWIKI-tedoiš

Baster (angl.: Basseterre [bæsˈtɛər], «madal ma» francijan kelespäi, Sent Kitsan kreoline kel': Basterre) om Sent Kitsan da Nevisan pälidn da kaikiš suremb lidn. Zante-port sijadase sen keskuzpalas Kariban meren randal.

Istorii

Eländpunktan aluz om pandud francijalaižil vl 1627, i vspäi 1639 se om järedaks meriportaks. Lidn eli läbi sures lämoipalos vl 1867. Edel padoseiniden sauvust Baster alištui paksuile sur'vezile.

Baster šingotase turizmal, Päivnouzmaižen Kariban finansižeks keskuseks, Päivnouzmaižen Kariban Keskuzbankan päfater radab lidnas. Tehtas romad, sadas keitandsolad, pästtas muzikelektronikad, kaik se mäneb eksportaks.

Geografijan andmused

Lidn sijadase Sent Kits-saren suvirandal sättujanke merikaranke, randan 3,2 km pitte, 15 m ü.m.t. keskmäižel korktusel. Merikar om kaitud koviš tulleišpäi mägil.

Klimat om tropižiden vihmmecoiden. Kun keskmäine lämuz om +25..+28 C° vodes läbi. Paneb sadegid 1165 mm vodes, enamba heinkus-kül'mkus (113..141 mm kus), vähemba uhokus-sulakus (49..60 mm kus).

Eläjad

Vl 2010 kaikenaigaižiden eläjiden lugu oli 13 360 ristitud, valdkundan nelländez.

Lidnan eläjiden päreligii om hristanuskond. Päjumalanpert' om katoline, toižed pühäpertid oma protestantizman uskojiden: anglikanižiden i metodistoiden.

Kaks' mediciništ openduzaluzkundad oma avaitud lidnas: veterinarine škol i universitet babičijoiden täht.

Transport

Kundaline transport om avtobusad saredme i taksid.

Zante-valdmeriport om saudud merikaran pudotadud mal (6,1 ga pindal) vl 1995. Ehtatimed ühtenzoittas Basterad regionan znamasižidenke lidnoidenke lähižil saril.

Rahvahidenkeskeine lendimport Robert L. Bradšoun nimed (SKB / TKPK) radab lidnan pohjoižpäivnouzmas. Tehtas reisid AÜV:oiden i Kanadan järedoihe lidnoihe.

Homaičendad