Avaruz' (rahvahaline projekt)
| "Avaruz'"-rahvahaline projekt | |
|---|---|
 | |
| Sü | Venäman prezidentan Vladimir Putinan käsk |
| Rahapido | 4,4 trln rub |
"Avaruz'"-rahvahaline projekt (ven.: Космос (национальный проект)) om zavot't'ud Venäman prezidentan Vladimir Putinan käskön mödhe vodel 2025[1]. Märičeb pit'kaigaižed Venäman metad sputnikgruppoiden da rahvahaližen orbitaližen stancijan tegemižen mödhe, avaruden sidoservisoiden, avaruden atomsüdäimen energetikan kehitoitusen mödhe, edahaižen avaruden suriden tedištelusiden mödhe da radnikoiden vaimičendan mödhe[2].
Istorii
Ištundal avaruden alovehen kehitoitusen küzundoiden mödhe, mitte mäni Moskvan valdkundaližes tehnižes universitetas N. E. Baumanan nimel 16. sulakud vodel 2025, Vladimir Putin sanui, miše tariž kehitoitta "Avaruz'"-rahvahališt projektad:
…pidab, miše meiden planad neciš tärktas alovehes vastaižiba Venäman istoriližele statusale, miše meiden ma om avaruden ezmäine deržav[2].
Venäman prezident homaiči, miše pidab panda rahvahaližehe projektaha kut läheližed, muga pit'kaigaižed kehitoitusen planad:
- ičeze äisputnikoiden gruppoiden tegemine erazvuiččele kävutamižele;
- rahvahaližen orbitstancijan tegemine;
- avaruden atomsüdäimen energetikan kehitoitamine;
- "Avaruden buksiran" tegemine;
- edahaižen avaruden levedoiden tedištelusiden tegemine;
- Mail'man kartan tegemine "Spektr-RG"-orbitan observatorijan pohjal[2].
Oli homaitud, miše pidab tehta rahvahaližen projektan tehnologižid satusid pävägeks ekonomikan udištamižen täht da eläjiden elokorktuden täht[2].
3. kezakud vodel 2025 Roskosmosan pämez' Dmitrii Bakanov sanui, miše rahvahaline projektan aigan planiruitas pästta eloho 886 "Rassvet"-internetsputnikad da 114 distancionižen mantarkištelusen apparatad[3].
Rahvahaližen projektan rahoitamine om federaližes b'udžetaspäi vodeks 2026 da edeližikš vozikš[2].
Rahoitamižen arvosteluz
17. kezakud vodel 2025 rahvahaline projekt oli vahvištadud Venäman prezidental Vladimir Putinal[4]. Azjbumagan mödhe üleine rahoituz vodhesai 2036 om 4,4 trln rubl'ad[5].
Federaližed projektad
"Avaruz'"-rahvahaližes projektas oma federaližed programmad:
- "Avaruden tedotehnologijoiden komplekskehitoitamine";
- "Perspektivižed avaruden sistemad da servisad";
- "Venäman avaruden atomsüdäimen energetikan kehitoitamine"[6].
Lugud
Rahvahaližen projektan paginan aigan oli pättud:
- surenzoitta orbitgruppoiden sputnikoiden lugumärad 1,2 tuhaze sputnikaha vodeks 2030;
- tehta ühthižiden pästandoiden lugumärad venälaižišpäi kosmodromoišpäi 113 kerdahasai vodes;
- avaita kodimašt orbitstancijad vodeks 2027;
- surenzoitta radnikoiden lugumärad 40 tuhaze ristituhu vodeks 2030;
- surenzoitta radontulod alovehes 1,5 kerdaha[6].
Homaičendad
- ↑ Путин анонсировал скорое утверждение нового нацпроекта по космосу - Газета.Ru | Новости, Газета.Ru (16.04.2025). Дата обращения: 17 sulakud 2025.
- ↑ 1 2 3 4 5 Совещание по вопросам развития космической деятельности, Президент России (16.04.2025). Дата обращения: 17 sulakud 2025.
- ↑ "Роскосмос" раскрыл содержание нацпроекта по космосу, РИА Новости (3 kezakud 2025). Дата обращения: 10 tal'vkud 2025.
- ↑ "Роскосмос" рассказал подробности космического нацпроекта, РИА Новости (17.06.2025). Дата обращения: 10 tal'vkud 2025.
- ↑ Путин утвердил нацпроект «Космос» с бюджетом 4,4 трлн рублей до 2036 года, Коммерсантъ (18 kezakud 2025). Дата обращения: 10 tal'vkud 2025.
- ↑ 1 2 Михаил Мишустин провёл стратегическую сессию по национальному проекту «Развитие космической деятельности Российской Федерации на период до 2030 года и перспективу до 2036 года». government.ru (13 elokud 2024). Дата обращения: 17 sulakud 2025.
Venäman rahvahaližed projektad 2025—2030 | |
|---|---|
| Rahvahan kapital |
|
| Kodikaz il'mišt |
|
| Ekonomine kazvatuz |
|
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ». |