Kanz (rahvahaline projekt)
| “Kanz”-rahvahaline projekt | |
 | |
| Augotišen päiv | |
|---|---|
| Sü |
Prezidentan Vladimir Putinan käsk |
| Sait | |
« Kanz» (ven.: Семья́) — rahvahaline projekt, mitte oli zavott’ud Prezidentan Vladimir Putinan käskön mödhe[1]. Ezmäižen kerdan oli ezitadud paginan aigan Venäman parlamentale vodel 2024[2].
Rahvahaližen projektan päoigendused om tehtud Venäman socialižen varjoičendan da radon ministran Anton Kot’akovan sanoiden mödhe vanhembiden tahtoiden abul, mugažo sihe oli pandud vahvištadud aigemba tugi kanzoile lapsidenke[3].
Kanz kut valdkundaline strategii
vep. Venäman president Vladimir Putin pakiči vodeks 2030 sada kaikenaigašt demografišt kazvatust:
Kanzan tugi lapsidenke — meiden arvostusiden pävaličend. Pidab, miše sur’ äilapsine kanz oliži norm, filosofii meiden rahvahan täht, kaiken valdkundaližen strategijan täht[1].
Vahvištadud valdkundaližen strategijan mödhe oli sanutud “Kanz”-rahvahaližen projektan polhe, mugažo om vajehtadud sidotud sihe rahvahaližed projektad («Radnikad», «Tedoiden ekonomik»)[4].
Rahatulon kazvatamine
Rahvahaližen perojektan prioritetan oli nimitadud äilapsiden kanzoiden rahatulon kazvatamine, sikš ku vaiše nece rahvahan pala om socialižes varus. Muga, tedoiden mödhe uhokuks vodeks 2024, gol’l’uz äilapsiden kanzoiden keskes oli 30 %, planoiš om vähenzoitta necidä lugud kahtišti vodeks 2030. Necidä voib tehta mugoižiden azjtegoiden abul:
- üks’kerdaine aburaha kanzoile, kus ei korged rahatulo, se anttas ezmäižiš päivišpäi, konz mam tegihe kohtukahaks da sihesai, kuni lapsele ei täudnus 17 vot (uhokun voden 2024 tedoiden mödhe se saskeli 11 mln ristitud)[1];
- kebnenzoittud socialižen kontraktan samine (valdmehišt andoi sen maksamižele vodel 2024 ližaks 100 mlrd rubl’ad)[1];
- Radon minimaližen maksun surenzoitamine vodeks 2030 35 tuhaze rubl’ahasai, se avtomatižesti korgenzoitab socialižiden maksuiden maksumižid, paukoid b’udžeterištos[5];
- nalogoiden maksundoiden vähenzoitamine kanzoiden täht lapsidenke[6];
- nalogoiden otand 2800 rubl’ahasai toižele lapsele da 6000 rubl’ahasai koumandele da edeližele lapsele; voden rahatulo, miččespäi ottas nalog, om surenzoittud 350 tuhas rubl’aspäi 450 tuhaze rubl’ahasai;
- mamoiden rahoitusen programman jatktamine vodhesai 2030.
Eländoloiden parembzoitamine
Rahvahaližen projektan aigan om pättud kaikuččen voden parembzoitta eländoloid 350 tuhale kanzale lapsidenke[7]. Necen täht om tehtud mugoine abu:
- kanzan ipotekan programman jatkamine vodhesai 2030, procentoiden lugumär kanzoile, kus oma lapsed noremba kut vot kaičese 6 % (vodel 2024 om anttud 260 mlrd rubl’ad, vodhesai 2030 — 1,5 trln rubl’ad)[8];
- kanzan ipotekan programman levitoitamine penihe lidnoihe da regionoihe, kus vähän sauvdas uded pertid;
- ipotekan pit’kaigaižen velgan palan maksamine jatktase vodhesai 2030 (450 tuhad rubl’ad), vodel 2024 nenile azjoile om varatud 50 mlrd rubl’ad[8];
- sirdämine avariinijas eländtahospäi programman jatkamine;
- socialižen gazifikacijan programman levotoitamine sadunkazvatamižen sebroiden abul;
- rahaabu lämbituzsisteman ostamižen täht gollile kanzoile (om anttud ližaks 32 mlrd rubl’ad).
Sündumine da opendamine
Vodel 2022 Venäman 39 agjas oli homaitud pen’ sündumižen lugumär vähemba keskmäšt lugumärad Venämal. Valdkundaližen tugen programmoiden levoitoitusen täht valdmehišt andoi ližarahoid regionoihe 75 mlrd rubl’ad vodhesai 2030.
“Kanz”-rahvahaline project om kingtas sidotud toižen “Radnikad”-projektanke, mitte oli zavott’ud vodel 2024, se om kirjutadud sen täht, miše korgenzoitta demografišt kazvatandad[9]. Muga endustusiden mödhe Venämal vodeks 2030 linneb 8,3 millionad mest igäs 20-24 vot, vodel 2035 — 9,7 millionad (2,4 millionaks enamba, mi vodel 2024)[1]. Vodhesai 2028 aigaližen školan openikoiden proforijentacijan federaližen programman abul, mugažo “Professionalitet”-projektan abul om planoiš vaumita läz millionad radprofessijoiden azjantundijad avia- da laivištsauvomižen, farmacevtikan, elektronikan, varjoičendan tegeližuden täht. Neniden planoiden pästamižen täht om märitadud ližaabu:
- keskmäižen professionaližen openduzorganizacijoiden kohendamine da parembzoitamine (om varatud 120 mlrd vodhesai 2030);
- 800 universitetoiden ühthižkodiden kapitaline kohendamine (om varatud 124 mlrd vodhesai 2030);
- 25 universitetan kampusoiden sauvomine vodeks 2030 (om varatud 400 mlrd);
- universitetoiden tugen “Prioritet-2030”-valdkundaližen programman ližarahoitamine (190 mlrd ližarahad vodhesai 2030).
Rahvahaližen projektan rahoitamine
“Kanz”-rahvahaline projekt om Venäman kehitoitusen kuz’voččen kompleksplanan päprojekt (vodhesai 2030). Se om tehtud ekonomižiden lugumäroiden mödhe, miččid Venäma ozuti vozil 2023—2024. Muga VVPn kazvatamine vodel 2023 üliti Venäman valdmehišton da mugažo MVFan azjantundijoiden endustust, da tegihe 3,6 %. Investicijoiden kazvatuz ühesas kus vodel 2023 oli 26,6 % planiruitud 15,1 % sijas. Kut homaiči Venäman prezident Vladimir Putin, pidab, miše kanzoil lapsidenke rahatulod kazvaižiba:
…jo läheližes aigas mö voim tehta völ ühten haškun edehepäi: mülüškandem nelläha surehe ekonomižehe mirun valdkundaha. Pidab, miše mugoine kehitoituz vajehtihe meiden kanzoiden rahatulon kazvatamižeks[1].
Tegemine
24. uhokud vodel 2025 Venäman valdmehišt vahvišti rahvahaližen projektan pälugumärad vodeks 2030:
- sündumižen lugumäran ühthižen summan surenzoitamine;
- goll’uden vähenzoitamine;
- koumanden da edahaižen lapsen sündumižen ühthine lugumär — 0,475 last;
- rouhiden da invalidoiden lugumär, kenes holttas pit’kän aigan, mugoižiden ristituiden üleižes lugumäraspäi — 30,3 %;
- valdkundaližiden da municipaližiden kul’turan, taidehen da rahvahaližen käziradon organizacijoiden radon satused rahvahan melen mödhe — 63 %;
- kinoteatroiden lugumär peniš eländtahoiš, kus rahvast ei ole enamba 50 tuhad mest — 900 kinoteatrad[10].
Paiči necidä projektas oli kirjutadud rahvahaližen projektan päazjtegod, ned koskeba mamoin da lapsen honusiden ližadust, gruppoiden lühüdaigašt oleskendad openduzorganizacijoiš, mamoin rahoitusen, kanzaližen ipotekan, üks’kerdaižen raha-abun, jogavoččen kanzmaksun andamišt[10]. Azjbumagan mödhe planiruitas sauvda 100 päivkodid edahaižiš eländtahoiš, parembzoitta 2,2 tuhad päivkodid, kaikuččen voden antta socialižid kontraktoid ei vähemba mi 220 tuhale kanzale, tehta 336 akoiden tervhuz’kacundpertid, parembzoitta 133 perinatališt keskust, 180 lapsiden läžundkodid, tehta 485 tuhad EKOd, sauvda 1011 lapsiden taidehškolad[10].
Homaičendad
- ↑ 1 2 3 4 5 6 Послание Президента Федеральному Собранию. http://kremlin.ru (29 uhokud 2024). Дата обращения: 4 keväz'kud 2024.
- ↑ С заботой о главном. Как государство поддерживает семьи с детьми. https://национальныепроекты.рф (29 uhokud 2024). Дата обращения: 4 keväz'kud 2024.
- ↑ В России запустят пять новых нацпроектов - Российская газета, Российская газета (3 keväz'kud 2024). Дата обращения: 4 keväz'kud 2024.
- ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Дата обращения: 4 keväz'kud 2024.
- ↑ Путин поручил увеличить МРОТ до 35 тысяч рублей к 2030 году, РИА Новости (29 uhokud 2024). Дата обращения: 4 keväz'kud 2024.
- ↑ Путин поручил отработать новую модель оплаты труда бюджетников, РИА Новости (29 uhokud 2024). Дата обращения: 4 keväz'kud 2024.
- ↑ Сбербанк приветствует продление семейной ипотеки до 2030 года, Недвижимость РИА Новости (29 uhokud 2024). Дата обращения: 4 keväz'kud 2024.
- ↑ 1 2 В России семейную ипотеку продлят до 2030 года, TACC. Дата обращения: 4 keväz'kud 2024.
- ↑ Рабочие в порядке: в чем суть нового нацпроекта «Кадры», Известия (29 uhokud 2024). Дата обращения: 4 keväz'kud 2024.
- ↑ 1 2 3 Основные показатели и мероприятия национального проекта «Семья». government.ru (24 uhokud 2025). Дата обращения: 25 uhokud 2025.
Venäman rahvahaližed projektad | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||
