Aleksejevk

Aleksejevk
Флаг Герб[d]
50°38′00″ с. ш. 38°41′00″ в. д.
Valdkund	Venäma
Istorii da geografii
Tegemižen päiv	1685
Pind	34
Высота	120
Aigvö	UTC+3[d]
Eläjad
Eläjad	▼36 578 чел. (2021)
Lugud
Telefonan kod	47234
Počtan indeksad	309850
Mediafailad RUWIKI-tedoiš

Aleksejevk (ven.: Алексе́евка) om Venäman lidn Belgorodan agjan päivnouzmas. Se om Aleksejevkan lidnümbrikon administrativine keskuz (edel vn 2018 sulakud Aleksejevkan rajonan).

Istorii

Eländpunktan aluz om pandud vl 1685 kuti kozakoiden Aleksejevskai-slabad (ven.: слобода Алексеевская) kaičemha Venäman röunad. Ühtennimine stancii om saudud vl 1895 «Har'kov — Balašov»-keskustal. Vspäi 1918 oli makundan keskuseks. Kätihe slabadad radnikžiloks vl 1939. Suren sodan aigan žilo oli okkupiruidud (5. heinku 1942 — 19. viluku 1943), sen jäl'ghe Aleksejevkan ukrainine ristitišt poleni lujas. Radnikžilo sai lidnan statusad vn 1954 19. päiväl elokud.

Aleksejevk šingotase sömtegimišton edheotandoil (pühävoin, argvoin da razvoiden järed «EFKO»-tegim, maidkonservtegim, leibtegim, kombisötken tegim), himižel tegimel i katilmašiništon tegimel. Ende ladimensauvomižem «Deviz»-tegim, magaduzsijiden tegim, sahartegim i lihakombinat radoiba mugažo.

Geografijan andmused

Lidn sijadase Tün' Sosn-jogen randoil (ven.: Тихая Сосна 161 km pitte, Donan oiged ližajogi), 120 m ü.m.t. keskmäižel korktusel. Matkad Belgorodhasai om 148 km päivlaskmha orhal vai 172 km avtol. Lähembaižed lidnad avtoteidme oma Birüč 20 km päivlaskmha i Ostrogožsk (Voronežan agj) 50 km pohjoižpäivnouzmha.

Aleksejevk oli lidnankundaks vll 2004−2019, sen üks'jäižeks eländpunktaks. Lidnankundan pind oli 124,52 km².

Eläjad

Vn 2010 Venäman rahvahanlugemižen mödhe eläjiden lugu oli 39 026 ristitud, rajonan koume videndest. Vll 1996−2019 lidnan ristitišton lugu oli 38..39 tuhad eläjid (39 400 rist. vl 2008).

Ortodoksižen hristanuskondan nell' jumalanpertid oma olmas lidnas: ph. Aleksandr Nevalaižen, ph. Dimitrii Rostovalaižen, Eläban Eziauguižen Stroican, ph. Jurgii-vägestusenkandajan.

Aleksejevkan kolledž (ende pedagogine i maižandusen kolledžad eriži) i agrotehnine tehnikum oma lidnan professionaližen opendusen aluzkundoikš.

Lidnankundan jäl'gmäine pämez' oli Pavel Hvorostän vn 2017 keväz'kuspäi vn 2019 elokuhusai.

Galerei

• Купеческий клуб семьи Бокаревых.jpg

  Enččen lidnankundan administracijan sauvuz (2012)

• 

  Eläban Eziauguižen Stroican jumalanpert', vn 2014 nägu

• 

  «EFKO»-voitegimen ohjanduzkompanijan sauvuz vl 2014

• Музей (бывший купеческий особняк Любивых) (1).jpg

  Kodirandantedištandmuzei (2011, ende Lübivijad-torgovanoiden erižpert')

• Дом крупного торговца Мирошникова( сейчас Военкомат), построен в 1865 году. Улица Ст. Большевиков д.6 (2).JPG

  Sodakomissariat (2013, ende Mirošnikov-torgovanan pert')

Homaičendad

Irdkosketused

• Lidnan da lidnümbrikon tobmuden sait (adm-alekseevka.ru). (ven.)
• Lidnan tobmuden enzne sait (gorod-alekseevka.ru). (ven.)