Koroč
| Koroč | |||||
|---|---|---|---|---|---|
 | |||||
|
|||||
| 50°49′00″ с. ш. 37°12′00″ в. д.GЯO | |||||
| Valdkund | |||||
| Istorii da geografii | |||||
| Tegemižen päiv | 1637 | ||||
| Pind |
|
||||
| Высота | 150 | ||||
| Aigvö | UTC+3[d] | ||||
| Eläjad | |||||
| Eläjad |
|
||||
| Lugud | |||||
| Telefonan kod | 47231 | ||||
| Počtan indeksad | 309210 | ||||
 Mediafailad RUWIKI-tedoiš | |||||
![Герб[d]](/wiki/Fail:Coat_of_Arms_of_Korocha_(Belgorod_oblast).svg)
Koroč (ven.: Коро́ча) om Venäman lidn da lidnankund Belgorodan agjan keskuses. Se om Koročan rajonan administrativine keskuz da üks'jäine lidn.
Istorii
Eländpunktan aluz om pandud vl 1637 kuti röunlidnuz i Čoma lidn Koročal (ven.: Красный город на Короче), aigan mändes nimituz lüheni. Koroč sai makundan lidnan statusad vl 1708.
Koroč om maižanduzrajonan keskuseks, šingotase sömtegimišton edheotandoil (järed sigalihakombinat, maidtegim, sömänkombinat pästab olut i mineralvet).
Geografijan andmused
Lidn sijadase ühtennimižen jogen (91 km pitte, Severskii Doncan bassein) oiktal kukhikahal randal, 150 m ü.m.t. keskmäižel korktusel. Matkad Belgorodan röunhasai om 45 km suvipäivlaskmha avtotedme, keskushesai — 54 km. Lähembaižed lidnad oma Uz' Oskol 52 km päivnouzmha avtol, Šebekino 63 km suvhe avtotedme, Belgorod i Gubkin 68 km pohjoižhe avtotedme.
Puškarnoje- (528 rist. vl 2010) i Belogor'je- (159 rist. vl 2010) žilod mülüdas lidnankundha Koročan ližaks. Lidnankundan pind — 7,93 km². Koroč-lidn röunatab küläeländpunktoidenke: Pogorelovk-žilo (2 218 rist. vl 2010) i Behteevk-žilo (hural randal, 3290 rist. vl 2010).
Eläjad
Vn 2010 Venäman rahvahanlugemižen mödhe lidnan eläjiden lugu oli 5 877 ristitud, lidnankundan — 6 564 ristitud, rajonan kudendez. Kaikiš suremb lidnan ristitišt oli 15 200 eläjad vl 1931, sid' poleni kollektivizacijan, näl'gen i Suren sodan tagut. Vl 2017 kaik 5 888 ristitud elihe lidnas, 6 621 ristitud — lidnankundas.
Ortodoksižen hristanuskondan koume jumalanpertid[3] oma kaičenus lidnas, niišpäi vaiše Jumalanmaman Raštvoiden jumalanpert' (letihe vl 1873) om avaitud.
Koročan maižanduztehnikum[4] om lidnan professionaližen opendusen aluzkundaks.
Lidnankundan pämez' om Lidnan Suiman ezimez'. Lidnankundan Administracijan pämez' om Mihail Serih (Михаил Серых) vn 2021 tal'vkuspäi. Administracijan edeližed pämehed oma Aleksandr Korotkih (heinku 2019 — tal'vku 2021) i Vasilii Kurganskii (tal'vku 2015 — heinku 2019).
Galerei
Vn 1780 lidnanznam
Jumalanmaman Raštvoiden jumalanpert', vn 2011 nägu
- Пищевой комбинат Короча.jpg
Sömänkombinat vl 2010
- Корочанский Дом культуры.JPG
Kul'turkeskuz (2011)
- Кинотеатр Короча.JPG
Kinoteatr vl 2011
Homaičendad
Irdkosketused
- «Koroč-lidn»-lidnankundan lehtpoled Koročan rajonan tobmuden aluzkundoiden oficialižel korocha.ru-saital. (ven.)
- Koročan rajonan istorijan kodirandantedištandmuzejan sait (kormuseum.ru). (ven.)
| Belgorodan agjan lidnad | ||
| Aleksejevk | Belgorod | Birüč | Graivoron | Gubkin | Koroč | Stroitel' | Šebekino | Uz' Oskol | Valuikad | Vanh Oskol | ||