Čehonin Pavel Mihailovič

Pavel Mihailovič Čehonin
Pavel Mihailovič Čehonin
Sündundpäiv	10. sügüz'kud 1914
Sündundsija	Petroskoi, Venäman imperii[d];
Kolendpäiv	2. keväz'kud 1996 (81 год)
Kolendsija	Petroskoi, Venäma;
Rahvahuz'	Venäman imperii→; SSSR→; Venäma
Rad	frezerovščik

Pavel Mihailovič Čehonin (ven.: Павел Михайлович Чехо́нин, 10. sügüz'kud 1914, Petroskoi — 2. keväz'kud 1996, Petroskoi) — Socialistižen radon Geroi, Petroskoin arvokaz eläi (1973). Karjalan ASSRan rahvahan elomišton arvostadud radnik (1984). Sovetskijan Sojuzan Ülembaižen nevondišton 7. i 8. kucundoiden deputat.

Elostarin

Pavel Mihailovič Čehonin om Änižen traktorzavodan (ven.) (vep.raddinastijan ühtnik. Ezmäižed johtutesed Čehoninoiden polhe mülüba vodehe1776, konz Lipeckаspäi zavodale tuli mastar' F'odor Čehonin^[1].

Pavel Mihailovič Čehonin sündui Oloncan gubernijan Petroskoiš. Lopi kuz' klassad.

Vodelpäi 1929 Pavel Mihailovič Čehonin tuli radole Änižen metallurgižele da mehanižele zavodale, ezmäi oli openikan, möhemba radoi tulotandcehan frezerovščikan. Hän openzihe radmaha kaikil stankoil i tegihe 6. radmahtonjagon tundijaks.

Pavel Mihailovič Čehonin ühtni Sovetskijan-Suomaližehe voinaha (1939—1940). Frontal oli 18. ambunddivizijan 208. ambundjoukun medradnikan, oli ranitud. Vodel 1941 ühtes Änižen zavodanke oli evakoitud Krasnojarskaha, sigä jatksi rata zavodal. Zavodal pästtihe ambusid frontan täht.

Vodel 1944, konz voin lopihe, Pavel Mihailovič Čehonin pördihe Petroskoihe, hän ühtni Änižen zavodan udištamižehe. Vodel 1956 zavodal zavottihe tehta traktoroid mecan tegeližuden täht. Zavod sai Änižen traktorzavod-nimen. Pavel Mihailovič Čehonin aktivižesti tedišti traktortulotandad i openzi toižid radnikoid.

22. uhokud vodel 1966 Sovetskijan Sojuzan Ülembaižen nevondišton käskön mödhe Pavel Mihailovič Čehoninale arvtegoiš Karjalan ASSRan rahvahan elomišton kehitoituses anttihe Socialistižen radon Gerojan arvnimi, Leninan orden da kuldaine "Sirp da pal'l'"-medal'.

Pavel Mihailovič Čehonin ühtni Karjalan sporteloho, sporttoran voibuihe. Oli Karjalan čempion, valdkundaližen kategorijan sudja^[2].

Koli 2. keväz'kud vodel 1966 Petroskoiš.

Homaičendad

↑ А. Ф. Титов. Карелия: энциклопедия: в 3 т. — Петрозаводск: ИД «ПетроПресс», 2011. — С. 269—384. — ISBN 978-5-8430-0127-8.
↑ Павел Михайлович Чехонин (рус.). library.karelia.ru. Дата обращения: 24 redukud 2025.

Literatur

Бацер, И. М. Волшебная фреза. — Петрозаводск: Карел. кн. изд-во, 1966. — 88 с.
Демидова Т. Молодость ветерана // Онежец. — 1985. — 24 мая.
Памяти П. М. Чехонина. — 1996. — 8 марта. — С. 3.
В. Савельев. Волшебная фреза Павла Чехонина: [беседа с Героем Социалист. Труда Павлом Михайловичем Чехониным] // Сев. курьер. — 1994. — 9 сентября.
А. И. Бутвило. Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник. — Петрозаводск, 2006. — 320 с.

Lähtked

[1] А. Ф. Титов. Карелия: энциклопедия: в 3 т. — Петрозаводск: ИД «ПетроПресс», 2011. — С. 269—384. — ISBN 978-5-8430-0127-8.

[2] Павел Михайлович Чехонин (рус.). library.karelia.ru. Дата обращения: 24 redukud 2025.

[1]

[2]