Čaikin Ivan Vasiljevič

Ivan Vasiljevič Čaikin
Ivan Vasiljevič Čaikin
Sündundpäiv	27. vilukud 1916
Sündundsija	Oloncan rajon, Karjalan ASSR[d], RSFSR[d];
Kolendpäiv	31. semendkud 1993 (77 лет)
Kolendsija	Oloncan rajon, Karjalan Valdkund, Venäma;
Rahvahuz'	Venäman imperii→; SSSR
Rad	man elomišton radnik
Lapsed	Svetlana-tütär

Ivan Vasiljevič Čaikin (ven.: Иван Васильевич Ча́йкин, 27. vilukud 1916, Oloncan rajon, Karjalan ASSR^[d] — 31. semendkud 1993, Oloncan rajon, Karjalan Valdkund) — man elomišton radnik, Socialistižen radon Geroi (1966)^[1].

Elostarin

Ivan Čaikin sündui man radnikan kanzas. Oli karjalaine. Vodel 1927 lopi školan Jurgelica-küläs. Laps'agaspäi zavodi rata, vedi regil mecad. Möhemba radoi Oloncan lespromhozas, kolhozas.

Vodel 1937 händast ottihe Rusttaha armijaha. Ühtni Surehe Kodiman voinaha. Vojui Karjalan frontal, 67. ambunddivizijas. Oli kaks' kerdad ranitud. Toižen čapatesen jäl'ghe jatksi službad Edahaižes Päivnozmas. Vodel 1946 pördihe kodimale.

Vozil 1946—1949 Ivan Čaikin radoi Oloncan lidnan nevondištos eloholitusen erišton pämehen.

Vozil 1949—1958 radoi Jurgelica-küläs V. M. Molotovan kolhozan pämehen.

Vodelpäi 1959 pensijahasai (1968) radoi "Oloneckii"-sovhozan brigadiran. Hänen radjouk oli kartohkoiden da jur'kzvmusiden, maidon da lihan pätoi sovhozas.

23. kezakud vodel 1966 Sovetskijan Sojuzan Ülembaižen nevondišton käskön mödhe Ivan Vasiljevič Čaikinale satusiš rados, nižun, rugihen, grečihan da risan tulotandan da varha panendan kazvatandas, a mugažo oiktan tehnikan kävutandas anttihe Socialistižen radon Gerojan arvnimi, Leninan orden da kuldaine "Sirp d pal'l'"-medal'.

Vodel 1968 hän läksi radole "Megregskii"-sovhozha i ohjanzi sigä Jurgelican radjoukud, mitte kazvati kazvmusid. Kümne vot hänen radjoukul oli "Kommunistižen radon kollektiv"-arvnimi.

Ivan Čaikinad valitihe Sovetskijan Sojuzan Ülembaižen nevondišton VII kucundan deputataks^[2].

Eli Jurgelicas. Koli 31. keväz'kud vodel 1993.

Homaičendad

↑ гл. ред. А. Ф. Титов. Карелия: энциклопедия: в 3 т. — Петрозаводск: ИД «ПетроПресс», 2011. — С. 255—384. — ISBN 978-5-8430-0127-8.
↑ Карелы — депутаты Верховного Совета СССР (неопр.). Дата обращения: 10 sügüz'kud 2014. Архивировано 11 sügüz'kud 2014 года.

Literatur

Карелия. Годы. Люди. — Петрозаводск: Карелия (издательство), 1967. — С. 278—284. — 420 с. — 4000 экз.
Призвание: Рассказы о Героях Социалистического Труда. — Петрозаводск, 1975.
А. И. Бутвило. Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник. — Петрозаводск, 2006. — 320 с.

Lähtked

Чайкин Иван Васильевич (рус.). Сайт «Герои страны».

[1] гл. ред. А. Ф. Титов. Карелия: энциклопедия: в 3 т. — Петрозаводск: ИД «ПетроПресс», 2011. — С. 255—384. — ISBN 978-5-8430-0127-8.

[2] Карелы — депутаты Верховного Совета СССР (неопр.). Дата обращения: 10 sügüz'kud 2014. Архивировано 11 sügüz'kud 2014 года.

[1]

[2]