Zainsk

Zainsk
tot.: Зәй
Герб
55°18′00″ с. ш. 52°01′00″ в. д.
Valdkund	Venäma
Istorii da geografii
Tegemižen päiv	1656
Pind	59
Высота	90
Aigvö	UTC+3[d]
Eläjad
Eläjad	▼39 241 чел. (2023)
Lugud
Telefonan kod	85558
Počtan indeksad	423520–423524
Mediafailad RUWIKI-tedoiš

Zainsk (tot.: Зәй / Zәy, ven.: Заи́нск) om Venäman lidn da lidnankund Tatarstanan Tazovaldkundan keskuzpalan päivnouzmas. Se om Zainskan rajonan administrativine keskuz (vspäi 1935), mülüb Alakaman lidnaglomeracijha (1,1 mln rist.).

Istorii

Eländpunktan aluz om pandud vl 1656 kuti Zai-lidnuz. Vl 1978 ühtištuihe sidä Uz' Zai-radnikžilonke da anttihe lidnan statusad nügüdläiženke nimenke.

Zainskan ižandusen päsarakod oma elektroenergetik (Zainskan GRES) da sömtegimišt (sahar, maidproduktad, kreker), mugažo KAMAZ:an avtokezroiden tegim i savičtegim oma olmas.

Geografijan andmused

Lidn sijadase Zai-jogen randal (ven.: Зай, tot.: Зәй / Zәy 219 km pitte, Kaman hura ližajogi), Step'zai- da Meczai-jogiden ühtenzoitusen sijas, 90 m ü.m.t. keskmäižel korktusel. Matkad Kazanihesai om 246 km lodeheze orhal vai 287 km avtotedme. Lähembaine lidn om Nižnekamsk 35 km pohjoižhe orhal.

Ühtennimine Zainsk-raudtestancii sijadase «Jarčalli — Al'met'jevsk»-keskustal.

Pen' Karmalk-žilo (256 rist. vl 2017) mülüb lidnankundha Zainskan ližaks.

Eläjad

Vn 2010 kaiken Venäman rahvahanlugemižen mödhe eläjiden lugu oli 41 803 ristitud, rajonan koume nelländest. Kaikiš suremb lidnan ristitišt oli 42 900 eläjad vl 2001.

Rahvahad: totarlaižed — 51,4 %, venälaižed — 45,3 %, čuvašalaižed — 1,1 %, toižed rahvahad — 2,2 %.

Islaman kaks' mečetid oma avaitud: «Biläl'» i «Tiničlik». Ortodoksižen hristanuskondan nell' pühäpertid oma olmas lidnas: kaks' jumalanpertid i kaks' časounäd.

Zainskan politehnine kolledž om professionaližen opendusen aluzkundaks.

Galerei

• Дом бекетова.jpg

  Zainskan kodirandantedištandmuzei (2019, ende Beketov-torgovanan pert')

• Старый зай церковь53.jpg

  Ristan Zdviženjan jumalanpert', vn 2019 nägu

• Smoke - panoramio.jpg

  Zainskan GRES vl 2009

• Школа заинск старый.jpg

  Istorine makundan škol (2019)

Homaičendad

Irdkosketused

• Lidnan da Zainskan rajonan oficialine sait (zainsk.tatarstan.ru) Tatarstanan Tazovaldkundan tobmuden municipaližiden aluzkundoiden portalal. (ven.) (tot.)

Šablon:Tatarstanan Tazovaldkundan lidnad