Von'ga-jogi

Рувики-späi
Necil sanal oma toižed-ki znamoičendad, kacu Von'ga-jogi (znamoičendad).
Von'ga-jogi
Von'ga-jogут alang. Assu-kosk.Von'ga-jogут alang. Assu-kosk.
Üleižed tedod
Piduz' 106 km
Bassein 2580 km²
Veden pidänd 10 m³/s
Vezijoksend
Jogen augotiž Engjärv'
 • Korktuz' 71 м
 • Geografižed koordinatad 65°41′39″ с. ш. 33°12′58″ в. д.GЯO
Jogensu Vauged meri
 • Olendtaho Von'ga-laht
 • Korktuz' 0 м
 • Geografižed koordinatad 65°25′48″ с. ш. 34°27′30″ в. д.GЯO
Olendtaho
Vezisistem Vauged meri
Ma
Valdkund Karjalan Valdkund
Rajon Louhin rajon, Kemin rajon
Lugu Valdkundaližes geografižiden nimiden lugetišes 0108159
Von'ga-jogi (Karjalan Valdkund)
Голубая точка — исток
исток
Синяя точка
устье
Von'ga-jogi (Кемский район)
Голубая точка — исток
исток
Синяя точка
устье
Логотип РУВИКИ.Медиа Mediafailad RUWIKI-tedoiš

Von'ga-jogi (ven.: Во́ньга)[1] (Vonga)[2] — jogi, jokseb Karjalan pohjoižpalas (Venäma), Louhin da Kemin rajonoiš[1][3]. Jokseb Engjärvespäi[2] meren pindan päl 71 metrad[4], lankteb Vauktaha merehe[1]. Piduz' — 106 km, basseinan pind — 2580 km²[2].

Geografižed tedod

Pil'djärv'

Üleine lanktuz' — 71 m (päazjas koskil alahaižes joksendas), keskmäine lanktuz' — 1,10 m/km. Jokseb järviš päliči:

  • Paijärv' (ližajogenke Ülähäižes Šobojärvepsäi)
  • Čogjärv'
  • Pil'djärv' (Metčelambinan ližajogenke, da mugažo Ülähäižen Kuzemkan ližajogenke)
  • Sindamjärv'
  • Muramjärv' (Sennaja-ližajogenke Sennaja Lambina-, Moisejeva lambina-järvidenke da Vangjärvenke)
  • Gagarino-järv' (ližajogenke Pohjoiž-Dan'järvespäi da Suvi-Dan'järvespäi)
  • Kodaguba-järv'
  • Stolbovoje (ližajogenke Päivnouzman punangjärvespäi)
  • Čekjärv'
  • Medvežje-järv'
  • Sobačje-järv' (ližajogenke Suvi-Lagnojärvespäi da Pohjoiž-Lagnojärvespäi)
  • Umangjärv'
  • polovinnoje-järv' (Väkkerjärv')

Von'ga jogen leveduz' — 25—40 m, süvüz' koskiden irdpolel — 0,7—2,5 m. Jogi jagase Ülembaižehe Von'ga-jogehe (Muramjärvehesai) da Alahaižehe Von'ga-jogehe (sen taga).

Jogel oma Von'ga. Paiči necidä, vededme jogehesai voib tulda küläspäi Engjärv'-külähasai, miččed oma ühtnimižen järven randal.

Ülähäine Von'ga-jogi

Muramjärv'

Ülähäine Von'ga-jogel om järv'-jogine sistem surembidenke järvidenke. Tägä om äi čomid järvid, miččiš pagištihe aigemba - Pil'djärv', Sindamjärv', Muramjärv', mugažo penembad — Paijärv', Nogjärv', Kodagub-järv'.

Alahaine Von'ga-jogi

Alahaine Von'ga-jogel oma pened järved (Stolbovoje-järv', Čekjärv', Medvežje-järv', Sobačje-järv', Uman'gjärv', Polovinnoje-järv' (Väkker-järv')), miččiden keskes oma joksmused koskidenke.

Fizižed tedod

Keskvozine vedenpidänd 10 m³/s. Jogen sömine om lumi da vihm.

Živatoiden da kazvmusiden mir

Fauna Von'ga-jogen rajonas — tipine Karjalan täht: tägä oma mugoižed živatad kut kondi, il'bez, mägr da händikaz, mugažo harvembad živatad, kut mecsiga, enotanvuitte koir da toižed. Lindud — tipižed Karjalan täht — z'ablikad, püd, tedrid, hanhed, sorzad, kajagad da toižed. Maujujad: küdsadmadod da šihlikod. Gavedid: säs'ked, tihid, čopjaižed.

Von'ga-joges ujub erazvuitte kala: ahven, haug', krasnop'orkad, jazid da toižed.

Von'ga-jogen randoil oma kavag'pud (äi pedajid). Lehtezpud oma koivud. Tägä kazvaba bol, mustikaine, murašk, jonikaine, garbol.Mugažo tägä om äi erazvuiččid babukoid da senid.

Turizm

Engjärv' - Von'ga-jogi om pupul'arine sija turistoiden keskes, sikš ku om kebn' tulda da ajada, tägä om ühtenzoittud kaik pohjoižröunan kal'huded - vezi, mec da kal'l'ad. Jogel voib ajada baidarkoil (Kaks' jugedusen katerorijad) semendkuspäi sügüzehesai. Kaikiden melen mödhe Von'ga-jogel om 27 kosked (surembad niišpäi — Sobačii, Väkker da Assu), mugažo 2 muretud vedensaubad, kuverdad-se muretud küläd.

Tägä oma jugematomad kosked: Bistrii (2 jugedusen katerorijad), Koška (Sürpriz)(2 jugedusen katerorijad), Gagarinskii (Kr'učok) (2-3 jugedusen katerorijad), Pr'amoi (2 jugedusen katerorijad) da Krivoi (2 jugedusen katerorijad).Mugažo jugedembad kosked: Gorbatii (3 jugedusen katerorijad), Suhoi (Čeken') (2 jugedusen katerorijad), Sobačii (3 jugedusen katerorijad), Väkker (3 jugedusen katerorijad) da Assu (3 jugedusen katerorijad). Kaikid melentartuižemb turistoiden täht oma jäl'gmäižed kosked, kut jugedembad Von'ga-jogel.

Gorbatii-kosk

Karjalaks koken nimi om Garbalkorko, mi znamoičeb venäks «Клюквенный порог». Gorbatii-kosk — vanh šivera suriden kividenke da pitkän lanktusenke.

Sobačii-kosk

Sobačii-kosken pälanktuz'

Kosk om Sobačii-järven lähtendas. Keskpala om «mänetoi» baidarkoiden täht, sikš ku tägä om vezilanktuz 1,5 m kivile, no necidä kosked mändihe kogonalaz katamaranoil da baidarkoil. No kaiken-se surembas palas kosk voib mända keskpalas.

Väkker-kosk

Väkker-kosk

Väkker-kosk (karjalaks «Vertun») — kaikid pidemb kosk Von'ga-jogel. Se zavodiše sid'-žo Väkker-järven taga. Sen piduz' 1800 m, III jugedusen kategorii baidarkoiden täht. Nece kosk erased gruppad mäneba. Juged augotiž, juged keskmäine pala da bruncii vižsadametrine jäl'ghe keskpalad. Lopus om lujas äi kivid da pigeijoksmuz.

Assu-kosk (Raudte)

Assu-kosk

Zavodiše kahtes kilometras alemba Väkker-kosked. Piduz' om läz 1500 m, III jugedusen kategorii baidarkoiden täht. Tobjimalaz mäneba kaik gruppad, no oma mugoižed, ked mäneba siriči.

Kacu mugažo

Homaičendad

  1. ↑ 1 2 3 Во́ньга // Словарь названий гидрографических объектов России и других стран — членов СНГ / под ред. Г. И. Донидзе. — М.: Картгеоцентр — Геодезиздат, 1999. — С. 93. — ISBN 5-86066-017-0.
  2. ↑ 1 2 3 Воньга (Вонга) : [рус.] / verum.wiki // Государственный водный реестр : [арх. 15 октября 2013] / Министерство природных ресурсов и экологии Российской Федерации. — 2009. — 29 марта.
  3. ↑ Данные получены при помощи картографического сервиса Яндекс Карты.
  4. ↑ Лист карты Q-36-79-В,Г — ФГУП «ГОСГИСЦЕНТР»

Literatur

  • Воронов Ю. Б. 100 избранных маршрутов для путешествий на байдарке. — М.: Мир, 1993. — С. 98—100. — 223 с.
  • Руф Л. В. Путешествие по стране озер. — М., 1965.

Tarkendused

Emblem-important.svg {{{text}}}
Om sadud "https://vep.ruwiki.ru/w/index.php?title=Von%27ga-jogi&oldid=512984"