Kovda-jogi
| Kovda-jogi | |
|---|---|
 Läz Zarečenskii-küläd | |
| Üleižed tedod | |
| Piduz' | 233 km |
| Bassein | 26 100 km² |
| Veden pidänd | 276 m³/s (Kn'azegubskian vezivägišt) |
| Vezijoksend | |
| Jogen augotiž | Topozero |
| • Korktuz' | 109,5 м |
| • Geografižed koordinatad | 65°47′52″ с. ш. 31°26′09″ в. д.GЯO |
| Jogensu | Kandalakškii laht |
| • Olendtaho | Kn'ažaja Guba-külä |
| • Korktuz' | 0 м |
| • Geografižed koordinatad | 66°41′42″ с. ш. 32°52′10″ в. д.GЯO |
| Olendtaho | |
| Vezisistem | Vauged meri |
|
|
|
| Ma | |
| Valdkundы | Karjalan Valdkund, Murmanskan agj |
|
|
|
 Mediafailad RUWIKI-tedoiš | |
Kovda (Sofjanga, Kundozerka, Kuma, Rugozerka, Kovdočka, Iova) (ven.: Ковда (река))) — jogi Murmanskan agjas da Karjalas. Jogen piduz' om 233 km, kudambišpäi tobmad om järviden da vezikaičuzsijoiden čap. Basseinan pind om 26 100 km²[1]. Lankteb Vauktan meren Kandalakšskan lahten Кovda-lahtehe.
Nimi
Jogen nimi «Kovda» sündui saamelaižen kuovddo-sanaspäi — (ven.: центр)[2].
Geografii
Jogel om tehtud 3 vezivägištod, miččed mülüdas Kovdinskian vezivägištoiden Kaskadaha (Kumskan vezivägišt, Iovskan vezivägišt, Kn'ažegubskian vezivägišt), miččed tehtas 3 vezikaičuzsijad (Kumskan vezikaičuzsija, Iovskan vezikaičuzsija, Kn'ažegubskian vezikaičuzsija)[1].
Jogen augotiž om Topozero-järvespäi korktudel 109,5 m[3], mitte mülüb Kumskan vezikaičuzsijaha, läz Sofporog-külad[3]. Jogen pala, mitte ühtenzoitab Topozero P'aozeranke, nimitase Sofjanga da sen piduz' om 4 km[3]. Mugažo P'aozero mülüb Kumskan vezikaičuzsijaha da ühtenzoitase Kundozero-järvenke Kundozerka-ližajogel (sen piduz' om 2 km)[4][5]. Lähtes Kundozero-järvespäi Kumaporog-küläs jogel om tehtud Kumskan vezivägišt[5]. Sen jäl'ghe jogi nimitase Kuma i sen piduz' om 12 kilometrad, Sokolozero-järvehesai (mülüb Iovskan vezikaičuzsijaha)[5]. Kuma-jogehe lankteba Nevga-jogi (oiktas polespäi) da Porasjogi (huras polespäi)[5]. Sokolozero-järvespäi jokseb Rugozerka-ližajogi, miččen piduz' om 1,5 km[4][5]. Rugozerka valase Rugozero-järven Kangaslakša-lahtehe (Ruvozero[5])[4]. Rugozero-järvespäi jokseb Kovdočka-ližajogi, mitte uhtenzoitab Rugozero Sušozero-järvenke (mugažo mülüb Iovskan vezikaičuzsijaha)[4][5]. Jogen tahol, kus se lähteb Sušozero-järvespäi jogel om tehtud Iovskan vezivägišt[5]. Jäl'ges sidä jogi nimitase Iovka (Ülembaine Kovda[4]) da sen piduz' om 3,5 km, Tungozero-järvehesai, mitte uhtenzoitase penel ližajogel Kondozero-järvenke[6].
Kovdozero da Tutozero mülüdas Kn'ažegubskan vezikaičuzsijaha[6]. Kovdozeran vezikaičuzsijan veded tactas Vauktan meren Kn'ažijan lahtehe (66°52′12″ с. ш. 32°23′56″ в. д.GЯO) 4 kilometrižen tegovezikanalan päliči,[7], mitte om tehtud vodel 1955 Kn'ažegubskan vezivägišton täht[1]. Kanalan randal om Zelenoborskii-poselk[7]. Kulu Kovdozeran vezitacind — Kovda-jogi oli saubatud raudbetonan vedensaubal (66°46′35″ с. ш. 32°16′34″ в. д.GЯO)[1][7]. Jäl'ges vedensaubad jogi jokseb Ser'ak-järves, Orlovo-järves da Verhovskoje-järves päliči i lankteb Kovda-lahtehe[8] läz Kovda-küläd[7]. Jogen tahol, kus se lähteb Ser'ak-järvespäi om tehtud Kovda-stancii[7].
Mugažo Kovda-jogen basseinaha mülüba järved:
- Gangos
- Kemis'järv
- Polujärv
- Ülembaine Mečozero-järv
- Beličje-järv
- Pažma-järv
Gidrologii
Keskmäraine veden pidänd läz Sofporog-poselkad om 33,71 m³/s[9], Kumskan vezivägišton rajonas — 136,74 m³/s[10], Iovskan vezivägišton rajonas — 231,27 m³/s[11], Kn'ažegubskan vezivägišton rajonas 1,2 kolometrad jogensuspäi — 276,15 m³/s[12].
Homaičendad
- ↑ 1 2 3 4 Ковда (река) // Большая советская энциклопедия#Третье издание : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ Минкин А. А. Топонимы Мурмана. — Мурманск: Мурманское книжное издательство, 1976. Архивировано 5 sügüz'kud 2012 года.
- ↑ 1 2 3 Лист карты Q-36-75,76 Пяозерский. Масштаб: 1 : 100 000. Состояние местности на 1977 год. Издание 1984 г.
- ↑ 1 2 3 4 5 Каскад Нивских ГЭС. www.tgc1.ru. Дата обращения: 11 kül'mkud 2021. Архивировано 11 kül'mkud 2021 года.
- ↑ 1 2 3 4 5 6 7 8 Лист карты Q-36-13,14 Ковдор. Масштаб: 1 : 100 000. Состояние местности на 1979 год. Издание 1982 г.
- ↑ 1 2 Лист карты Q-36-7,8 Имандра. Масштаб: 1 : 100 000. Издание 1974 г.
- ↑ 1 2 3 4 5 Лист карты Q-36-9,10. Масштаб: 1 : 100 000. Указать дату выпуска/состояния местности.
- ↑ Ковда // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ Kovda (Sophyanga) At Sophporog на сайте R-Arcticnet. www.r-arcticnet.sr.unh.edu. Дата обращения: 11 kül'mkud 2021. Архивировано 11 kül'mkud 2021 года.
- ↑ Kovda (Kuma) At Kumskaya GES на сайте R-Arcticnet. www.r-arcticnet.sr.unh.edu. Дата обращения: 11 kül'mkud 2021. Архивировано 11 kül'mkud 2021 года.
- ↑ Kovda (Yova) At Yovskaya GES на сайте R-Arcticnet. www.r-arcticnet.sr.unh.edu. Дата обращения: 11 kül'mkud 2021. Архивировано 11 kül'mkud 2021 года.
- ↑ Kovda At Knyazhegubskaya GES на сайте R-Arcticnet. www.r-arcticnet.sr.unh.edu. Дата обращения: 11 kül'mkud 2021. Архивировано 11 kül'mkud 2021 года.
Tarkendused
- Рогачев С. В. Энергия тундр: Гидроэлектростанции Кольского полуострова // Часть 2: Этажерка озёр в карельскокольском пограничье. geo.1september.ru. Дата обращения: 11 kül'mkud 2021. Архивировано 4 keväz'kud 2016 года.