Vožeg

	Vožeg
	60°28′00″ с. ш. 40°12′00″ в. д.GЯO
Valdkund	Venäma;
Istorii da geografii
Tegemižen päiv	1895
Aigvö	UTC+3:00[d]
Ekonomik
Eläjad
Eläjad	▲6804 чел. (2021);
Lugud
Telefonan kod	81744
Počtan indeksad	162160
-
	lugeda • diskussii • redaktiruida

Vožeg (ven.: Вожега) om Venäman lidnanvuitte žilo Vologdan agjan pohjoižes. Se om Vožegan rajonan administrativine keskuz (vspäi 1929) da kaikiš suremb eländpunkt.

Istorii

Eländpunktan aluz om pandud vl 1895 kuti raudtestancii sauvomha «VCIK:an käskön mödhe.

Vožegan lidnankund om olmas vspäi 2006.

Geografijan andmused

Žilo sijadase rajonan keskuses, kukhikahas tahondas, ühtennimižen jogen oiktal randpolel, kahtes kilometras sen randaspäi. Matkad Vologdhasai om 141 kilometrad suvhe orhal, 177 km avtotedme. Lähembaine lidn om Harovsk, 58 kilometrad suvhe orhal, 72 km avtotedme.

Lidnankundan pind om 554,6 km²^[3], 606 ristitud elädas 48 küläs Vožeg-žilon ližaks.

Tobmuz

Lidnankundan päkäskuz om vahvištadud vl 2005 elokun 8. päiväl^[4], se om väges vajehtusidenke da ližadusidenke.

Nikolai Olenev om valitud i radab Vožeg-lidnkundan pämehen vs 2013 sügüz'kuspäi, mugažo radab rajonan suiman ezitajaks. Administracijan varapämez' om hänele abhu.

Koume valičemižümbrikod om lidnankundas (1 — 4 mandatad, 2 — koumin mandatoin). Kaik 10 ezitajad mülüdas lidnankundan Nevondkundha (ven.: Совет поселения). Valitihe heid järgenduseližen kerdan vl 2013 sügüz'kun 8. päiväl (koumanz' kucund)^[5]. Heiden valdatusiden strok om nell' vot. Anatolii Kekišev radab sen ezimehen vspäi 2005 koumanden strokun jäl'geten^[6]. Varapämez' om hänele abhu.

Lidnankundan administracii kogoneb 11 radnikaspäi vl 2015.

Eläjad

Kaikiš suremb ristitišt oli 7 552 eläjad vl 1959 i 7 370 eläjad vl 1989. Vn 2002 Venäman rahvahanlugemižen mödhe eläjiden lugu oli 6 835 ristitud, vl 2010 — 6 725 ristitud.

Ortodoksižen hristanuskondan ph. Illöi-endustajan jumalanpert' om saudud žilho vl 1995.

Ižanduz da transport

Ižandusen sarakod oma:

mecan varhapanend;
mecan ümbriradmine pumaterialaks, pened edheotandad ratas senke;
sauvond;
leibtegim da adivpert' mugažo oma olmas.

Avtote ühtištoitab žilod Vologdanke. Ühtennimine Vožeg-raudtestancii sijadase žilon keskuses.

Kodirandantedištandmuzei, rajonan kul'turpert', sädamižen lapsidenkeskuz, sportškol, čomamahtoiden lapsidenškol, škol jumalankodinno, muzikškol, fizkul'turiž-tervehtamižkompleks da keskuzkirjištsistem oma žilos. Opendusen aluzkund om keskškol, edel 2010 vot oli kaks' keskškolad.

Galerei

Vozhega, Vologda Oblast, Russia, 162160 - panoramio - Сергей Зубов (2).jpg

Žilon torg vn 2008 semendkus
Vozhega, Vologda Oblast, Russia, 162160 - panoramio - Сергей Зубов (3).jpg

Tegimištol'ne zon
Vozhega, Vologda Oblast, Russia, 162160 - panoramio - Сергей Зубов (6).jpg

Puine pertišt (2009)
Raudtestancijan sauvuz vl 2009

Homaičendad

Irdkosketused

Lidnankundan oficialine sait (gp-vozhega.ru). (ven.)

Vožeg Vikiaitas

[_46056e228bbd5108-1] 1,0 ^1,1 http://www.gks.ru/free_doc/2016/oktmo/tom2_oktmo.rar

[_a52c0e625b0def47-2] 2,0 ^2,1 https://rosstat.gov.ru/storage/mediabank/Tom1_tab-5_VPN-2020.xlsx

[3] Общая площадь земель по муниципальным образованиям на 2015 год: Вологодская область (Maiden ühthine pind municipaližiden ühtnikoiden mödhe vl 2015: Vologdan agj). — Rosstat (gks.ru). (ven.)

[4] Устав Вожегодского городского поселения Вожегодского муниципального района (Vožegan lidnankundan päkäskuz, Vožegan municipaline rajon). — Base.garant.ru. (ven.)

[5] Выборы депутатов Совета Вожегодского городского поселения Вожегодского муниципального района (Vožeg-lidnankundan Nevondkundan ezitajiden valičendad, Vožegan municipaline rajon). — Tedod mänijoiš valičendoiš da referendumiš (vybory.izbirkom.ru) // Venälaižen Federacijan keskuzline valičemižlaudkund. (ven.)

[6] Городское поселение: о доходах, расходах и многом другом (Lidnkund: sal'hiš da mänetusiš i äjan toižen polhe) //Aktualižikš - 20.02.2016. — Bor'ba-rajonlehtez (borba35.ru). (ven.)

[1]

[2]

[3]

[4]

[5]

[6]