Verhovažje
| Verhovažje | |
| Valdkund | |
|---|---|
| Istorii da geografii | |
| Ekonomik | |
| Eläjad | |
| Eläjad |
|
| Lugud | |
| Telefonan kod |
81759 |
| Počtan indeksad |
162300 |
| - | |
Verhovažje (ven.: Верхова́жье) om Venäman žilo da küläkund Vologdan agjan pohjoižes. Se om Verhovažjen rajonan administrativine keskuz da kaikiš suremb eländpunkt.
Istorii
Eländpunkt mainitase ezmäižen kerdan Verhovažjen Pagastaks vl 1471. Žilo om nimitadud sijadusen mödhe Vag-jogen (ven.: Вага) üläjoksmuses. Jogen nimituz korreliruib vepsän vago-sananke («jogen vago», kaidon alangišton randad oma korktad) i suomen vaka, vakava-vaihidenke «seižui», «varmed», «tün'», se kuviteleb laivjogen joksmusen tabad pit'kas keskustas.
Šingotihe «Moskv — Arhangel'sk»-počttraktanno, oiged vezite Vagan makundha, vspäi 1780 — Vel'skan makundha. Aleksejevskai-jarmank oleskeli žilos 19. voz'sadan keskes i oli makundan kaikiš znamasižemb. Vag-jogi vedi sur'vezidennoks kaikuččel kevädel edel padoseinän vaumičendad. Posadan tobj pala paloi lophu vn 1879 elokun lopus, i se azj poleni žilon torguindznamoičendad. Vspäi 2001 jarmank om udessündutadud.
Rajonkeskuz vs 1929 heinkun 15. päiväspäi. Verhovažjen küläkund om olmas vspäi 2006.
Verhovažje šingotase valdkundaližil holitišil, mecan pilindal, pelletoiden tegimel i maidon edheotandal. Kaik olnuded 20. voz'sadal augotišes tehmižedheotandad (virifabrik, bumagfabrik, purumellic, mecpilindad i nahktegim) tuliba sauptandale transportrajadusiden tagut — raudtestancii sijazihe Vel'skas.
Geografijan andmused
Žilo sijadase rajonan lodehes, Vag-jogen hural randal tobjimalaz, 90 m ü.m.t. keskmäižel korktusel. Avtotesild ühtenzoitab jogen randoid žilos vspäi 1982. Matkad M8-trass). Trass mäneb koumes kilometras lodeheze žilospäi i ühtenzoitase senke sarakol. Lähembaine lidn om Vel'sk (Arhangel'skan agj, raudtestancii) 36 km pohjoižhe orhal vai 42 km sil-žo avtotel.
Klimat om ven kontinentaline. Heinkun lämuz om +18 C°, vilukun — −12 C°, voden keskmäine lämuz om +2,2 C°.
Läm' Oja-žilo (ven.: Тёплый Ручей) i koume küläd mülüdas küläkundha Verhovažjen ližaks. Küläkundan pind om 91,23 km².
Eläjad
Vl 1959 žilon ristitišt oli 2 417 eläjad. Vn 2002 Venäman rahvahanlugemižen mödhe eläjiden lugu oli 5 206 ristitud (kaikiš suremb ristitišt), vl 2010 — 5 025 ristitud. Küläkundan ristitišt oli 5 567 eläjad vl 2010, rajonan ristitišton kaks' videndest.
Ortodoksižen hristanuskondan Jumalanmaman Emäganpäivän päjumalanpert' (1785) i ph. Maksim Tot'malaižen časoun' (2010−2014)[3] oma avaitud žilos.
Nened büdžetižed aluzkundad oma Verhovažjes: kul'turkeskuz (vspäi 1984), rajonan istorine muzei (vspäi 1988), keskškol i čomamahtoiden lapsidenškol.
Avtobusad oma kundaližeks transportaks rajonadme, om reisid Vel'sk- i Vologd-lidnoihe, uz' avtobusstancii radab vspäi 2003. Lendimport radoi žilos 1970−1980-nzil vozil, lopi radod «Moskv — Arhangel'sk»-manten töhöpästandanke vl 1986.