Venäman päiv
| Venäman päiv | |
 | |
| Oficialižesti |
Venäman päiv |
|---|---|
| Toižin |
1. uhokuhusai vodhesai 2002 — "Deklaracijan vahvištoitusen päiv Venäman ripmatomuden polhe" |
| Znamoičend |
Necil päiväl vodel 1990 oli vahvištoittud Deklaracii RSFSRan ripmatomuden polhe |
| Om tehtud |
11. kezakud vodel 1992 |
| Praznuitas | |
| Päiv | |
| Praznoičemine |
koncertad, akcijad, fejerverkad |
| Tradicijad |
Valdkundaližiden premijoiden da pauklahjoiden lahjoičemine |
| lugeda • diskussii • redaktiruida | |
Venäman päiv (ven.: Де́нь Росси́и, enzne nimi — Ripmatomuden päiv, Deklaracijan vahvištoitusen päiv Venäman ripmatomuden polhe) — Venäman praznik, praznuitas kaikuččen voden 12. kezakud. Om vahvištoittud Venäman Üleimbaižen Nevondišton käsköl 11. kezakud vodel 1992[1] Deklaracijan vahvištoitusen päiv RSFSRan ripmatomuden polhe[2]. 12. kezakud om lebupäiv. Ku putub sobataks libo pühäpäiväks, ka lebupäiv sirdäse udeks radpäiväks.
Istorii
vep. polhe, mitte tuli pohjaks vep., siloi, konz valdkundad toine toižen jäl'ges läksiba Sovetskijas Sojuzaspäi. Nacein sikš prezident Boris Jel'cin valiči mugoižen praznikan nimen necen püivän täht, kut Ripmatomuden päiv[4]. Sanutes Venäman eläjile kezakul vodel 1993, prezident homaiči:
Venäma vastab ičeze valdkundališt praznikad - Ripmatomuden päiväd. Se om völ nor', se tuli meiden eloho koume vot tagaze ühtes vahvištadud Deklaracijanke valdkundaližen ripmatomuden polhe[5].
Vodel 1994 Boris Jel'cin ičeze käsköl tegi 12. kezakud Deklaracijan vahvištoitusen päiväks RSFSRan valdkundaližen ripmatomuden polhe. Venäman päiv tuli meiden eloho vaiše vodel 2002[6].
Sel'genzoituz da kontekst
Praznikan päiv vajehtihe istoriližiden azjtegoiden taguiči. Ezmäks se oli omištadud Deklaracijale ripmatomuden polhe[7]. Jäl'ghe 1991 vot vajehtihe praznikan znamoičend, kus päidei oli pätta sündnuded küzundad, kacta tulebaha aigaha[8]. Kut sanui Venäman prezident 12. kezakud vodel 2001:
Kaik, midä om tehnus nenil vozil pagižeb vaiše siš, miše reformad pidab tehta siloi, konz ned toba rahvahale hüvüt. Ku ned ei togoi nimidä hüväd, ned kadoba. Nece om Venäman demokratian päurok. Siš mö pagižem tämbei-ki, Venäman päiväl[9].
Geopolitižen olendan taguiči ümbri Venämas, sankcijoiden da gibridižen voinan jäl'ges Venämad vasthapäi, Venäman päivän znamoičend vahvištoitihe ripmatomuden, ekonomikan vägen da varjoišendan udessündutamižen simvolaks. Nece om aktuališt sociologižiden küzundoiden mödhe, miččid tegi Venäman rahvahan mel'pidon oppindkeskuz vodel 2022, 58 % ristitud žal'l'oičiba Sovetskijan Sojuzan kadomižen polhe[10].
Tradicijad da simvolad
Venäman päiväl Kremliš mäneb Venäman valdkundaližiden premijoiden pauklahjoičemine tedo-, taideh-, kul'turradnikoile, anttas mugažo «Venäman radon geroi»-medalid.
Praznikan simvol - koumemujuine flag, päavoinird om Rusked avoinird Moskvas. Irdad čomenzoittas flagoil da plakatoil. Tehtas festivalid, koncertad, ozutelused, sportazjad da kodimaižed akcijad.
Ozutesikš, vodel 2024 Sukko-küläs Krasnodaran agjas Venäman päivälozutiba Venäman flagan pindal enamba 4 tuh. m². Sur' flag läz Mustad mered pidi 1 tuh. 221 mest. Venäman rekordoiden kirjan azjantundijad paniba necidä muštho[11].
12. kezakud om üks' populärižiš päivišpäi sajoiden tegemižen täht. Ozutesikš, vodel 2024 Venäman päiväl sajad pidi 165 parad[12]. Moskvas avaitas ližasijad sajoiden tegemižen täht: jogitramvajoiš, metrostancijoil, istoriližiš lidnan pertiš.
Venämal pidetas praznikaližed koncertad, sport- da patriotižed akcijad; tehtas sal'utad. 12. kezakud om lebupäiv, ku se putub sobataks da pühäpäiväks, lebupäiv sirdäse radpäiväks[13].
Alahaine Novgorod, 12. kezakud vodel 2015.
Toziazjad
- 12. kezakud Venälaine ortodoksine pühäpert' praznuičeb Pühän Aleksandr Nevskijan, Vladimiran, Novgorodan da Kijevan Suren kn'az'an sündundpäiväd;
- 12. kezakud vodel 1991 mäniba RSFSRan Prezidentan valičused, kus vägesti Boris Jel'cin;
- Vodel 2014 Venäman päiv ezmäižen kerdan praznuitihe Krimas da Sevastopoliš.
Homaičendad
- ↑ Venäman päivän istorii - ТАСС, TACC. Дата обращения: 27 sulakud 2024.
- ↑ Venäman prezidentan käsk praznikas. https://docs.cntd.ru (2 kezakud 1994). Дата обращения: 2 semendkud 2024.
- ↑ День России 12 июня: как отмечают, история праздника, РБК Life. Дата обращения: 27 sulakud 2024.
- ↑ День принятия Декларации о государственном суверенитете России - День России.
- ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России. https://yeltsin.ru. Дата обращения: 2 semendkud 2024.
- ↑ День России в 2024 году: история и традиции праздника. РИА Новости (2 semendkud 2023). Дата обращения: 24 semendkud 2024.
- ↑ Deklaracii RSFSRan valdkundaližen ripmatomuden polhe. https://docs.cntd.ru. Дата обращения: 30 sulakud 2024.
- ↑ Putin SSSRan heitämižes, TACC. Дата обращения: 30 sulakud 2024.
- ↑ Putinan pagin praznikan aigan. http://www.kremlin.ru (12 kezakud 2001). Дата обращения: 2 semendkud 2024.
- ↑ Ровно тридцать лет и три года, Коммерсантъ (11 kezakud 2023). Дата обращения: 2 semendkud 2024.
- ↑ На Кубани в День России развернули самый большой триколор страны, TACC. Дата обращения: 4 kezakud 2025.
- ↑ 165 пар поженились в Москве в День России // Новости НТВ, НТВ. Дата обращения: 4 kezakud 2025.
- ↑ Праздник и выходные в июне 2025 года: как работаем и отдыхаем \ КонсультантПлюс. www.consultant.ru. Дата обращения: 4 kezakud 2025.