Terentjev F'odor Mihailovič

F'odor Terentjev
F'odor Terentjev
Personaližed tedod
Pol	mužik[d]
Ma	SSSR
Specializacii	suks'voibištelendad
Sündundpäiv	4. redukud 1925
Sündundsija	Padanad-külä, Medvežjegorskan rajon; Avtonomine Karjalan SSR]]
Kolendpäiv	20. vilukud 1963 (37 vot)
Kolendsija	Piter
Sportkarjera	1944—1963
Pauklahjad da medalid
Valdkundaližed pauklahjad
suks'voibištelendad (mužikad)
Olimpiadvändod
Mail'man čempionatad
Sportarvnimed

F'odor Mihailovič Terentjev (Фёдор Миха́йлович Тере́нтьев) (1925—1963) — sovetskii hihtäi, tal'veližiden Olimpiadvändoiden čempion (1956), SSSRan arvostadud sportmastar' (1956)^[1].

Elostarin

Om sündunu maorjan kanzas, karjalaine.

Tat — Mihail Mihailovič Terojev (sovetskijan aigan vajehti familijan Terentjevaks), mam — Jevdokija F'odorovna (neiččen familii — Potapova). Oli seičemenden lapsen äilapsižes kanzas (kaiked oli ühesa last). Školas mel'dui sportaha. Vodel 1941 Terentjevoiden kanz putui okkupiruidud territorijale^[2].

Kurgan-sportkompleks F'odor Terentjevan muštoks Petroskoi-lidnas

Konz Padanad-külä oli pästtud okkupacijaspäi vodel 1944 F'odor oli kuctud Rusttaha armijaha. Služi Karjalan frontal, r'adovoi, 279. ambundpolkan ambui.

Vodel 1946 F'odor Terentjev eziti Belomorskan voinkundan joukun V rahvahaližel suks'praznikal Petroskoiš, vägesti suks'voibištelendad 20, 30 da 50 km. Sidä aigan hän tegihe Murmanskan agjan suks'voibištelendan čempionaks da oli ezmäižen hihtändas Pohjoiž-praznikal. Vozil 1947 da 1948 tegihe Karjalaiž-Suomalaižen SSRan VI da VII rahvahaližiden suks'praznikoiden absol'utižeks čempionaks, VIII suks'praznikal vodel 1949 tegihe voibištelendan 10 da 18 kilometraha čempionaks.

Vodel 1949 F'odor Terentjev oli oigetud Moskvaha da zavodi ezitada CSKA-sportjoukud. Vodel 1950 tal'vaigan, eziti armijan joukud, sai hobedaižen medalin Sovetskijan Sojuzan estafetan 4×10 km voibištelendas. Vodel 1951 tal'vaigan hän sai koumanden sijan voibištelendoiš 18 da 30 kilometraha, da ezmäižen sijan «Moskva-1» joukus estafetas 4×10 km. Vodel 1954 ezmäižen kerdan istorijas vägesti Sovetskijan Sojuzan čempionatan koumes personaližes voibištelendas, sidä voden sovetskijan sportjoukus sai hobedaižen medalin mail'man susk'voibištelendan čempionatal suks'estafetas 4x10 km^[3].

Terentjev F'odor Mihailovič, suks'voibištelendan Olimpikčempion

Tal'veližel olimpiadvändoil vodel 1956 sovetskijan sportjoukun ühtnikan sai kuldaižen medalin hihtändestafetas 4×10 km, sen ližaks hän sai bronzmedalin voibištelendas 50 km. Vodel 1958 sovetskijan sportjoukun ühtnikan sai hobedaižen medalin mail'man susk'voibištelendan čempionatal hihtändestafetas 4×10 km. Vodel 1959 man personaližel voibištelendal sai hobedaižen medalin suks'voibištelendas 50 kikometraha. Vodel 1960 valičusen voibištelendoil sai voimusen ühtneda tal'veližehe Olimpiadaha vodel 1960, no händast ei ottud sportjoukuhu igän täht (hänele oli 34 vot). Keväz'kus vodel 1960 Sovetskijan Sojuzan čempionatal F'odor sai kuldaižen medalin estafetas 4×10 km da hobedaižen medalin voibištelendas 30 km.

Vodel 1957 ühtni ezmäižehe Sovetskijan Sojuzan hihtändambundan čempionataha, mitte oli mänetadud kut «voinhihtändvoibištelend» 30 km ripputadud šaruiden ambundanke. Voibištelendoil sai hobedaižen medalin.

Vodel 1962 tegihe Sovetskijan Sojuzan čempionaks voibištelendas 50 km. Vodel 1962 päzui opendamha Piterin likundan institutaha P. F. Lesgafta nimel.

Vodel 1963 armijan voiboštelendoil läz Piterid vägesti voibištelendas 30 kikometraha.

Tragedišti koli 20. vilukud vodel 1963 Piteriš. Om pandud maha Karjalan Padanad-kodikülän kaumištol^[4].

Sportrad (karjera)

Olimpikčempion vodel 1956 hihtändestafetas 4×10 km, 13-kerdaine Sovetskijan Sojuzan čempion: 10 km (1953), 18 кkm (1954, 1955), 30 km (1954), 50 km (1954, 1962), estafet 4×10 km (1951, 1952, 1953, 1954, 1955, 1956, 1960).

Mušt

10. redukud vodel 2005 F'odor Terentjevan kodimal oli avaitud muštpacaz hänen muštoks^[5]
28. kezakud vodel 2011 oli avaitud muštpacaz Petroskoiš valdkundaližen Kurgan-sportkompleksan territirijal.
16. tal'vkud vodel 2012 Petroskoiš oficiališti oli avaitud Valdkundaline Kurgan-sportkompleks olimpikčempionan F'odor Terentjevan nimel^[6]

Homaičendad

↑ Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД «ПетроПресс», 2011. — С. 168—384 с.: ил., карт. ISBN 978-5-8430-0127-8 (т. 3)
↑ Терентьев Фёдор Михайлович (неопр.). cska.ru. Дата обращения: 6 keväz'kud 2025.
↑ «Я даже в 40 лет порву всех на Олимпиаде». Драматичная история лыжника Федора Терентьева, «Ведомости. Спорт». Дата обращения: 6 keväz'kud 2025.
↑ Чесалин, Михаил. Победить и умереть. Почему в СССР скрывали смерть олимпийского чемпиона. Дата обращения: 6 keväz'kud 2025.
↑ В селе Паданы установлен памятник Олимпийскому чемпиону Фёдору Терентьеву (неопр.). Дата обращения: 15 kezakud 2012. Архивировано 20 uhokud 2010 года.
↑ Карелия официальная (неопр.). Дата обращения: 17 tal'vkud 2012. Архивировано 30 tal'vkud 2012 года.

Literatur

Ветераны карельского спорта — фронтовики. — Петрозаводск, 2017

Tarkendused

[1] Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД «ПетроПресс», 2011. — С. 168—384 с.: ил., карт. ISBN 978-5-8430-0127-8 (т. 3)

[2] Терентьев Фёдор Михайлович (неопр.). cska.ru. Дата обращения: 6 keväz'kud 2025.

[3] «Я даже в 40 лет порву всех на Олимпиаде». Драматичная история лыжника Федора Терентьева, «Ведомости. Спорт». Дата обращения: 6 keväz'kud 2025.

[4] Чесалин, Михаил. Победить и умереть. Почему в СССР скрывали смерть олимпийского чемпиона. Дата обращения: 6 keväz'kud 2025.

[5] В селе Паданы установлен памятник Олимпийскому чемпиону Фёдору Терентьеву (неопр.). Дата обращения: 15 kezakud 2012. Архивировано 20 uhokud 2010 года.

[6] Карелия официальная (неопр.). Дата обращения: 17 tal'vkud 2012. Архивировано 30 tal'vkud 2012 года.

[1]

[2]

[3]

[4]

[5]

[6]

Ссылки на внешние ресурсы
Tematižed saitad	FIS (лыжные гонки) Olympedia МОК
Vajehnikad da tedokirjad	Большая российская (старая версия)