Sebež
| Sebež | |||
|---|---|---|---|
 | |||
|
|||
| 56°17′00″ с. ш. 28°29′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1535 | ||
| Pind |
|
||
| Высота | 130 | ||
| Aigvö | UTC+3[d] | ||
| Eläjad | |||
| Eläjad |
|
||
| Lugud | |||
| Telefonan kod | 81140 | ||
| Počtan indeksad | 182250 | ||
|
|
|||
| Официальный сайт | |||
 Mediafailad RUWIKI-tedoiš | |||
Sebež (ven.: Се́беж) om Venäman lidn Pskovan agjan suvipäivlaskmas. Se om Sebežan rajonan, lidnankundan (mülüb sihe) da Sebežan küläkundan administrativine keskuz.
Istorii
Eländpunktan aluz om pandud Ivangorod Sebežal-pulidnuseks (ven.: Ивангород-на-Себеже) vl 1535 tehmaha londoid Litvanmaha, sen jändused oma kaičenus. Mainitase nügüdläiženke nimenke Ivan Grazijan zavetoičendas vl 1572. 16.-18. voz'sadoil Sebež oli se Reč Pospolitai-valdkundan palaks, se Venäman palaks. Sebež sai torguindlidnan oiktusid vl 1623, Venäman makundan lidnan statusad vl 1772.
Sebežan ižandusen päsarakod oma sauvondmaterialiden tehmine (raudbetontegesed[2], pulaudad, metalližed katused) i turizm. Ende oludentegim radoi mugažo.
Geografijan andmused
Lidn om röunanverine, sijadase Sebež- da Orono-järviden keskes (Päivlaskmaižen Dvinan bassein), 130 m ü.m.t. keskmäižel korktusel. Matkad Pskovhasai om 170 km pohjoižhe orhal vai 190 km avtotedme. Lähembaižed lidnad oma Opočk 60 km pohjoižhe avtotedme, Pustošk 60 km päivnouzmha avtotedme i Zilupe (Latvii) 28 km päivlaskmha avtotedme. Sebežan rahvahaline puišt levigandeb suvhe lidnaspäi Vaugedvenämahasai.
Ühthemänho 68 küläd mülüdas lidnankundha Sebežan ližaks. Lidnankundan pind om 275,13 km².
Eläjad
Vl 2010 lidnan eläjiden lugu oli 6 375 ristitud (rajonan ristitišton kaks' seičemendest), lidnankundan — 8 354 ristitud. Kaikiš suremb lidnan ristitišt oli 10 501 eläjad vl 1979. Vl 2017 kaik 5 452 ristitud elihe lidnas i 7 348 ristitud kaikes lidnankundas.
Ortodoksižen hristanuskondan koume pühäpertid[3] oma avaitud lidnas: Eläban Eziauguižen Stroican jumalapert' (kostöl enččes) i kaks' časounäd, mugažo enččen Raštvoiden päjumalanpertin kellčuhunduz. Om kaičenus vanhid erižpertid. Kaiken istorijan aigan lidn paloi, anastihe sidä, i udessündutihe vitkos joga kerdan. 19. voz'sadal judaizman uskojad da evrejalaižed tuliba enambushe. Toižen mail'man sodan jäl'ghe om kaikiš enamb ortodoksižid hristanuskojid da venälaižid.
Pskovan agrotehnižen kolledžan Sebežan filial[4] om lidnan professionaližen opendusen aluzkundaks.
Transport
Avtobusad oma kundaližeks transportaks lidnas. Sebež-raudtestancii sijadase lidnan pohjoižröunanno «Moskv — Rig»-keskustal vspäi 1901, raudten muit radab lidnas.
Koume avtotesarakod ühtenzoittas lidnad «Baltii»-trassanke (E22). Kaks' röunpäličmänendtahod om lidnan ümbrištos: «Buračkid — Terehovo» Lätänmanke 20 km päivlaskmha i «Doloscid — Juhovičid» Vaugedvenämanke 35 km suvipäivlaskmha.
Galerei
Lidnan simvol — enččen Raštvoiden päjumalanpertin kellčuhunduz, vn 2006 nägu
- Здание Костела (базилианский костел святой Троицы).jpg
Eläban Eziauguižen Stroican jumalapert', vn 2016 nägu
- Дом Селюгина, фасад.jpg
Lauk vl 2016, ende Selüginan pert'
Sebežan kodirandantedištandmuzei (2017)
- Sebezh bus station.JPG
Avtobusstancii vl 2013
Homaičendad
Irdkosketused
- Lidnankundan lehtpoled Sebežan rajonan tobmuden saital (sebezh.reg60.ru). (ven.)
- Lidnan informacine sait (sebezh.ru) (ven.)
- Lidnan da ümbrišton turizman sait (sebezh-gid.ru). (ven.)
| Pskovan agjan lidnad | ||
| Dno | Gdov | Nevel' | Novoržev | Novosokol'niki | Opočk | Ostrov | Petseri | Pitalovo | Porhov | Pskov | Pustošk | Sebež | Velikije Luki | ||