Pustošk
| Pustošk | |||
|---|---|---|---|
 | |||
|
|||
| 56°20′00″ с. ш. 29°22′00″ в. д.GЯO | |||
| Valdkund | |||
| Istorii da geografii | |||
| Tegemižen päiv | 1901 | ||
| Pind |
|
||
| Высота | 160 | ||
| Aigvö | UTC+3[d] | ||
| Eläjad | |||
| Eläjad |
|
||
| Lugud | |||
| Telefonan kod | 81142 | ||
| Počtan indeksad | 182300 | ||
 Mediafailad RUWIKI-tedoiš | |||
Pustošk (ven.: Пусто́шка) om Venäman lidn da lidnankund Pskovan agjan suves. Se om Pustoškan rajonan administrativine keskuz (vspäi 1927).
Istorii
Om severz'-se neolitan kaivandusid, löutihe käpid da lidneihuziden jändusid lidnan ümbrištos (1. voz'tuha edel m.e. — 1. voz'tuha meiden erad). Eländpunktan aluz om pandud žiloks ühtennimiženno raudtestancijanno (om avaitud vn 1900 sügüz'kul) «Moskv — Rig»-keskustal vl 1901. Ende pustolän oli žilon sijas, nimitihe äjiden agjan küliden kartte. Edel revolücijad puine jumalanpert' oli olmas žilos. Pustošk sai lidnan statusad vl 1925.
Vozil 1941 (16. heinku) — 1944 (27. uhoku) lidn oli bombardiruidud da okkupiruidud Germanijan imperijan sodavägil, sen aigan muretihe kaikid lidnan sauvusid täuzin i amptihe tuhid eläjid. Toižen mail'man sodan jäl'ghe udessündutihe lidnad.
Pustoškan ižandusen sarakod oma sauvondmaterialiden pästand (mecan ümbriradai tegimištkombinat) da sömtegimišt (leibkombinat).
Geografijan andmused
Lidn sijadase Krupejan järven da Krupei-jogen randoil (ven.: Крупея, mž. Крупянка alajoksmuses, Sur'-jogen i Peipusjärven bassein), 160 m ü.m.t. keskmäižel korktusel. Matkad Pskovhasai om 177 km pohjoižhe orhal vai 190 km avtotedme. Lähembaižed lidnad oma Nevel' 50 km suvipäivnouzmha avtotedme i Sebež 60 km päivlaskmha avtotedme vai raudtedme.
Pustošk om lidnankundan üks'jäine eländpunkt.
Eläjad
Vn 2010 Venäman rahvahanlugemižen mödhe eläjiden lugu oli 4 619 ristitud, rajonan ristitišton pol'. Kaik 4 083 eläjad oli lidnas vl 2017. Kaikiš suremb ristitišt oli 6 305 eläjad vl 1989.
Ortodoksižen hristanuskondan ph. Sergii Radonežalaižen jumalanpert'[2] om saudud vll 1997−2000.
Kursoiden openduzkombinat[3] om lidnas. Professionaližen opendusen aluzkundad ratas lähembaižiš lidnoiš.
Galerei
Pustoškan rajonan käskuzkund vl 2011
Ph. Sergii Radonežalaižen jumalanpert', vn 2010 nägu
Tegimišton tavaroiden lauk (2011)
- 000 Krupea.jpg
Avtotesild Krupejas päliči (2013)
Pustošk-raudtestancijan sauvuz vl 2011
Homaičendad
Irdkosketused
- Lidnan lehtpoled Pustoškan rajonan tobmuden saital (pustoshka.reg60.ru). (ven.)
- Lidnan informacine sait (pustoshka.ru). (ven.)
| Pskovan agjan lidnad | ||
| Dno | Gdov | Nevel' | Novoržev | Novosokol'niki | Opočk | Ostrov | Petseri | Pitalovo | Porhov | Pskov | Pustošk | Sebež | Velikije Luki | ||