Novoržev

Novoržev
Герб
57°02′00″ с. ш. 29°20′00″ в. д.
Valdkund	Venäma
Istorii da geografii
Tegemižen päiv	1777
Pind	8
Высота	75
Ekonomik
Eläjad
Eläjad	▲3222 чел. (2021)
Lugud
Telefonan kod	81143
Počtan indeksad	182440
-
lugeda • diskussii • redaktiruida

Novoržev (Novorževan rajonan administrativine keskuz.

Istorii

18. voz'sadal amuine eländpunkt nimitihe Aršo-pagast:aks (ven.: погост Аршо). Sirdihe sihe makundan keskust Tarabošsijantaguine-lidnusespäi, kudamb sijazihe 90 km suvhe järven sarel, 12 km nüg. Pustošk-lidnaspäi. Anttihe makundan lidnan statusad vl 1777 i panihe Novoržev:aks vanhan muretud Rževan Pall'az-lidnusen (ven.: Ржева Пустая) nimen mödhe, vanhan lidnusen jändused sijadasoiš mecas 50 km suvhe Podorževk-külänno.

Lidn oli okkupiruidud nacistižen Toižen mail'man sodan aigan, vozil 1941 (17. heinku) — 1944 (29. uhoku). Vspäi 2002 avaitihe monumentad lidnas alusenpanijale Jekaterina II-imperatornaižele.

Novorževan ižandusen päedheotandad oma elektroveimiden pästandan «Elprom»-edheotand (ende «Objektiv»-tegim), leibtegim limonadan pästandanke. Ende argvoitegim radoi mugažo. Turizm šingotase, om äi istorijan mel'heižtahoid i muzejid lidnas da rajonas: pühäpertid, usadibad puištoidenke, jäl'gmäižen sodan muštnikad.

Geografijan andmused

Lidn sijadase peniden Oršo- (Sur'-jogen oigedpol'ne bassein), Bežanican ülüden pohjoižen pautkenno, 75 m ü.m.t. keskmäižel korktusel. Järved ühtenzoitasoiš kanalal, se jägab lidnad poleti. «Pskov — Velikije Luki»-avtoten üks' variantoišpäi läbitab lidnad. Matkad Pskovhasai om 105 km lodeheze orhal vai 140 km avtotedme. Lähembaine Opočk-lidn om 54 km suvipäivlaskmha orhal vai 62 km avtotedme.

Novoržev om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 3 695 ristitud, rajonan ristitišton kaks' videndest. Kaikiš suremb lidnan ristitišt oli 5 100 eläjad vl 1992. Kaik 3 296 eläjad oli lidnas vl 2017.

Ortodoksižen hristanuskondan kaks' jumalanpertid oma avaitud lidnas: puine Raštvoiden pühäpert' kaumžomal vspäi 1999 i ph. Mikulai-čudonsädajan jumalanpert' (uz') vspäi 2016.

Professionaližen opendusen aluzkundad ratas lähembaižiš lidnoiš.

Lidnankundan pämez' om sen Deputatoiden Nevondkundan ezimez'. Lidnankundan Administracijan pämez' om Eduard Volkov vn 2019 tal'vkuspäi.

Galerei

• Novorzhev asv2018-07 img2.jpg

  Lidnan da sen rajonan administracijan sauvuz (2018)

• Novorzhev asv2018-07 img3.jpg

  Valdkundaližiden aluzkundoiden pert' vl 2018 (valdkundmaksoiden inspekcii, penziifond, socialižen holitusen keskuz)

• 

  Venäman počtan ofis (2018)

• Novorzhev asv2018-07 img8.jpg

  Avtotesild kanalas päliči, vn 2018 nägu

Homaičendad

Irkosketused

• Lidnan tobmuden aluzkundoiden oficialine sait (gorodnovorzhev.ru). (ven.)
• Lidnankundan lehtpoled Novorževan rajonan tobmuden saital (novorzhev.reg60.ru). (ven.)