Petroskoin prezidentan kadetoiden opišt
| Petroskoin prezidentan kadetoiden opišt (Petroskoin PKU) | |
|---|---|
| (PPKU) | |
 | |
| Augonpanendan voz' | 2017 voz' |
| Tip | ФГКОУ |
| Opišton pämez' | polkovnik varas Makarevič Andrei Vladimirovič |
| Üläopenikad | 840 (vodel 2017 – 360) |
| Olendsija |
 Venäma |
| Juridine adres |
185000, Venäma, Karjala, Petroskoi, Komsomol'skii prospekt, pert' 11 |
| Sait | petrpku.mil.ru |
 Mediafailad RUWIKI-tedoiš | |
FGКОU Petroskoin prezidentan kadetoiden opišt (ven.: Петрозаводское президентское кадетское училище) om federaline valdkundaline openduzorganizacii ližaopenduzprogrammoidenke, miččed abutadas sada voinvaumičust alaigäižile rahvahanikoile, mitte om Venäman polestuzministerstvan ohjandusel[1]. Sijadase Petroskoiš.
Istorii
Pätand Prezidentan kadetoiden opišton avaidamižes Petroskoiš oli vahvištoitud tulijan Karjalan 100-voččen jubilejan praznuičemižen vodel 2020 valdkundaližen laudkundan taričendan mödhe Venäman polestuzministerstval vodel 2014, om pättud Venäman prezidentan Vladimir Putinan käsk tehta federaližiš ümbruzkundoiš kadetoiden opištoiden verkodх[2][3].
3. sügüz'kud vodel 2016 oli pandud muštkivi kadetoiden opišton sauvondan augotišes. Openduzorganizacii om sauvotud Venäman polestuzministerstvan vägel enččen voinlidnan tahol.
26. semendkud vodel 2017 Venäman premjer-ministr Dmitrii Medvedev allekirjuti käskon N 1059-р[4], а 20. kezakud vodel 2017 Venäman polestusen ministr Sergei Šoigu kirjuti käskon № 394 opišton tegemižes. Maksimaline opišton štatan lugumär om 350 mest, opištoho tahtoitud mülütada 840 openikad, kudambiden openduzaig om seičeme vot — 5—11 klassahasai[5].
Opišton pämeheks om pandud polkovnik voinvaras Makarevič Andrei Vladimirovič[6].
Vodel 2017 ottand opištoho opendamhas oli 5, 6 da 7 klassaha. 1. sügüz'kud partoiden taga ištuihe 360 kadetad. 46 % openikad — Karjalaspäi, sen lugus 28 % — petroskolaižed, 54 % — man toižiš regionoišpäi. Kadetad eliba koumes korpusas jogahižes 120 mest, kahten kesken honuses[7][8].
1. sügüz'kud vodel 2017 opišton praznikavaidusel oli Venäman varjoičuznevondišton sekretar' armijan general Nikolai Patrušev, kudamb andoi opišton pämehele Petroskoin prezidentan kadetoiden opišton znaman[9].
Vodelpäi 2018 otand opištoho om vaiše 5 klassaha (120 openikad)[5].
25. kezakud vodel 2022 oli ezmäine kadetoiden praznikpästand opištospäi. Openduztodištusiden andandal oliba Karjalan pämez' Artur Parfenčikov, Venäman polestuzministerstvan varapämez' general-polkovnik Aleksandr Fomin, general-leitenant Aleksandr Rakitin[10].
Vodel 2025 Petroskoin prezidentan kadetoiden opištospäi läksi 94 kadetad. Sen lugus 12 kadetad kuldaižen medalinke da 9 hobedaiženke[11].
Jäl'genduz
Petroskoin prezidentan kadetoiden opišton jäl'gendushe mülüba openduzkorpusad — openduz-administrativine korpus (läžundkodinke, kirjištvaranke, miččes om 35 tuhad tomad, elektronižen lugendzalanke, zalanke videovastusiden täht, openduzhonusidenke da laboratorijoidenke, opendajiden honusidenke, psihologian lebaidusen honusenke, paindištonke, praznikzalanke mülündmäranke 600 mest) da korpus, miččes oma honused ližaopendusen täht (video- da fotostudijad, kargaiduzzal, orkestran honuz, sömsija mülündmäranke 900 mest da keričimišt), seičeme ühthižkodid (jogahižes 120 magaduzsijad), sportkogomuz (miččehe mülüba kattud sportkogomuz, likund-tervehtoituzkeskuz da avoin sporttandreh), kazvatuzradon erišt[1]. Opišton keskes om Vointetabuden käveluzkujo, kus om ozutadud Venäman voinistorijan päazjad da sijatud tetabiden venälaižiden polkovodcoiden rindkuvad. Kesktahol om Petroskoin prezidentan kadetoiden opišton augonpanendan muštoks muštpacaz[5].
.jpg)
Jäl'gendusen alaerištod
- Opendusen erišt;
- Metodine honuz;
- Erilaižed openduzpredmetad;
- Kirjišt;
- Kazvatuzradon erišt;
- Openduzkursad;
- Raha-ekonomine erišt;
- Radnikoiden da strojan erišt;
- Materialižen varhapanendan erišt;
- Tervhuz'taho izol'atoranke, miččes om magaduzsijad;
- Uziden openduztehnologijoiden laboratorii;
- Tehnižiden openduzkaluiden laboratorii[1].
Erilaižed openduzpredmetad
- Venän kel' da literatura;
- Istorii, ühthižkundantedo da mantedo;
- Мatematik, informatik da tedo-kommunikacionižed tehnologijad;
- Fizik, himii da biologii;
- Veraz kel';
- Taideh, mail'man taidehkul'tur da tehnologii;
- Kodiman kaičendan da varumatomuden alandused, voinvaumičusen alandused;
- Ližaopenduzprogrammad;
- Likund[1].
Ližaopendusen tedoted
- Londuztedoine;
- Social'no-gumanitarine;
- Tehnine;
- Turist-kodirandan (voin-mahtoine tedote);
- Likund-sportine;
- Taidehen[1].
Kadetoiden elo
Päzund opendamhas opištoho
Opendusele opištoho ottas vaiše prihaižid hüvän tervhudenke da sätuiopendusenke. Otand opištoho opendumhas om joga voden konkursan pohjal[12].
Eländan olod
Eländan täht om sauvorud seičeme uhthižkodid, kaikuččes om 120 sijad. Jogahižes pertiš om 60 honust eländan täht da völ varništ, ubornii da kül'bendhonuz, miččed oma tehtud kahten honusen eläjiden täht. Honuses elädas kahten keskes. Joga žirul oma sured tahod lebaidusen täht da honused sobiden pezendan da silitandan täht, personaližiden kaluiden kaičendan täht.
Azjtegod
Kadetoiden kul'turan da hengeližen kehitoitusen täht vedädas azjtegod Venäman istorijas, leksijad da semminarad, tedo-mahtoižed konferencijad da praznikastundad, praznikprogrammad, kadetoiden balkargaidused, sportan azjtegod, muzikan da literaturan ehtad erazvuiččiden temoiden mödhe.
Sport
Opišton tahol oma saubatud sportkogomuz erazvuiččiden vändsportroduiden täht, trenažor- da likundzaloidenke, stoltennisan zal, kattud ujumišt, avoin sporttandreh jaugmäčvändon, puzumäčvändon da verkmäčvändon täht da toižed. Hüvin kehitoidud opišton infrastruktur abutab opišton openikoile kehitoita sportmahtištod[13]. Om kattud sportkompleks tegojänke, miččes mänetadas opišton Jämäčvändon mäčunkečempionatad[14]. Opišton tahol oma magaduzkorpusad suriden tahoidenke lebaidusen täht, saubatud sportkompleks erazvuiččiden vändsportroduiden täht, trenažor- da likundzaloidenke, stoltennisan zal, kattud ujumišt, avoin sporttandreh jaugmäčvändon, puzumäčvändon da verkmäčvändon täht da toižed.
Painused
Opištos paindištos paindas[15]:
- ven.: «Чтобы помнили…»-lugendlehtez, lähteb semendkuspäi vodelpäi 2023[16];
- ven.: «Бирюзовые погоны»-kulehtez, lähtev vodelpäi 2018;
- Metodine lugendlehtez;
- Sädaiprojektad;
- Kogomused.
Ohjanduzkund
Vodel 2025 opišton ohjandajad oma:
- opišton pämez' — polkovnik Makarevič Andrei Vladimirovič;
- opišton varapämez' (openduzradodme) — R'ann'al' Larisa Aleksejevna;
- opišton varapämez' (uziden openduztehnologijoidme) — Gerasimova Jelena Nikolajevna;
- opišton varapämez' (tagamadme) — polkovnik Voldirev Roman Sergejevič;
- opišton varapämez' (kazvatuzradodme) — polkovnik Strelkov Vladimir Ivanovič.
Ühthižed tedod
Opendusele opištoho ottas vaiše prihaižid hüvän tervhudenke da sätuiopendusenke. Otand opištoho opendumhas om joga voden konkursan pohjal[17].
Nügüd' opištos jo oli koume üks'toštkünnenden klassan openikoiden pästandad. Opištospäi läksi 293 pästnikad, sen lugus om 59 parahim openikad — medalistad. Vodel 2025 Petroskoin prezidentan kadetoiden opištospäi läksi 94 kadetad. Sen lugus 12 kadetad kuldaižen medalinke da 9 hobedaiženke[18].
Homaičendad
- ↑ 1 2 3 4 5 Петрозаводское президентское кадетское училище (официальный сайт). petrpku.mil.ru. Дата обращения: 29 sügüz'kud 2025.
- ↑ В Карелии будет создано Президентское кадетское училище. Дата обращения: 29 sügüz'kud 2025. Архивировано 6 sügüz'kud 2017 года.
- ↑ Президентские кадетские училища. ТАСС (31 elokud 2017). Дата обращения: 29 sügüz'kud 2025. Архивировано 3 sügüz'kud 2017 года.
- ↑ Распоряжение Правительства Российской Федерации от 26 мая 2017 года «О создании Петрозаводского президентского кадетского училища». Дата обращения: 29 sügüz'kud 2025. Архивировано 30 kül'mkud 2018 года.
- ↑ 1 2 3 Президентское училище в Петрозаводске примет первых кадетов в конце августа. Интерфакс (15 elokud 2017). Дата обращения: 29 sügüz'kud 2025. Архивировано 24 elokud 2017 года.
- ↑ Руководство училища. Дата обращения: 29 sügüz'kud 2025. Архивировано 2 sügüz'kud 2017 года.
- ↑ Юрий Гаврилов. Президентское кадетское училище в Петрозаводске приняло уже 200 воспитанников // Российская газета. — 2017. — 28 elokud.
- ↑ Петрозаводское президентское кадетское училище 1 сентября примет первых воспитанников // Телеканал «Звезда». — 2017. — 29 elokud.
- ↑ Патрушев: Петрозаводское кадетское училище воспитает настоящих патриотов. РИА Новости (1 sügüz'kud 2017). Дата обращения: 29 sügüz'kud 2025.
- ↑ 101 кадет: Петрозаводское президентское училище покинули первые выпускники. rk.karelia.ru (27 kezakud 2022). Дата обращения: 29 sügüz'kud 2025.
- ↑ В Петрозаводском Президентском кадетском училище прошёл выпускной. sampotv360.ru (23 kezakud 2025). Дата обращения: 29 sügüz'kud 2025.
- ↑ Порядок приема и конкурсные вступительные испытания. petrpku.mil.ru. Дата обращения: 29 sügüz'kud 2025.
- ↑ Успешное выступление кадет в соревнованиях по легкой атлетике. Дата обращения: 29 sügüz'kud 2025.
- ↑ Кадеты 5 курса открыли счет чемпионатов Петрозаводского ПКУ по хоккею с мячом на льду. Дата обращения: 29 sügüz'kud 2025.
- ↑ Печатные издания. Дата обращения: 29 sügüz'kud 2025.
- ↑ Выпуск № 1 май 2023. Дата обращения: 29 sügüz'kud 2025.
- ↑ Порядок приема и конкурсные вступительные испытания. petrpku.mil.ru. Дата обращения: 29 sügüz'kud 2025.
- ↑ В Петрозаводском Президентском кадетском училище прошёл выпускной. sampotv360.ru (23 kezakud 2025). Дата обращения: 29 sügüz'kud 2025.