Pühä Stroican päiv

Рувики-späi
Pühä Stroican päiv
Stroic (Andrei Rubl'ovan jumalaine, voz'sadan XV augotiž)
Stroic (Andrei Rubl'ovan jumalaine, voz'sadan XV augotiž)
Tip Hristanuskondan, erasiš maiš om valdkundaline
Toižin Pühä Penkostijan nedel', P'atides'atnica, Stroican päiv, Srtroic
Om tehtud om omištadud Pühä Hengen tulend apostoloiden päle vižkümnendel päiväl Äipäivän mödhe
Praznuitas mail'man hristanuskondan enambišt
Päiv 50-nz' päiv (8-nz' pühäpäiv) Äipäivän mödhe, 10-nz' päiv Veznesenijan mödhe
Vodel 2025 8. kezakud (katolicizm)
26 semendkud (8. kezakud) (ortodoksine uskond)
Vodel 2026 24. semendkud (katolicizm)
18 semendkud (31. semendkud) (ortodoksine uskond)
Vodel 2027 16. semendkud (katolicizm)
7 kezakud (20. kezakud) (ortodoksine uskond)
Praznuičend jumalanloičendad, festivalid, rahvahaližed praznikad
Om sidotud Äipäivänke da Pühähengen päivänke
Логотип РУВИКИ.Медиа Mediafailad RUWIKI-tedoiš

P'atides'atnica (ven.: Пятидеся́тница, grek.: Πεντηκοστή), vai Pühä Stroican päiv, om hristanuskondan praznik, mitte om omištadud Pühä Hengen tulendale apostoloiden päle, miččen polhe om kirjutadud Pühä Apostoloiden azjtegoiden kirjas. Ortodoksižes tradicijas völ nimitase Pühä Stroican päiv. Nimitase P'atides'atnicaks sikš, ku Uden Zavetan mödhe praznikan päazjtego oli iudejoiden Šavuot-praznikan aigan (P'atides'atnican) Ijerusalimas. Praznuičese 50-ndel päiväl Äipäivän jäl'ghe. Ortodoksižes uskondas P'atides'atnica nimitase völ Pühä Stroican päiväks da sil om suren dvunades'atijan praznikan status. Katoližes tradicijas Pühä Stroican päiv om eriline praznik, mitte oleskeleb P'atides'atnica-praznikan nedalin päliči[1].

Biblijan starin da sen interpritacii

Pühä Apostoloiden tegod-kirjan mödhe, iudejoiden P'atides'atnica-praznikan aigan apostolad oliba ühtes Jerusalimas. Äkkid hö kulištiba "ühtnägoi kului taivhaspäi mitte-se juru, kuti tegihe kova tullei" da nägištiba "lämoin leskusid, kuti kelid, miččed jagoihe" (Apostoloiden tegod 2:1—13). Kirjan avtor sel'genzoitab necidä azjtegod kut Pühä Hengen tulendad apostoloiden päle da sanub, miše sidä jäl'ghe ned zavodiba pagišta erazvuiččil kelil (saiba harizmatižen lahjan loičeta erazvuiččil kelil), muga heid el'genziba kaik, ked tuliba praznikale erazvuiččiš maišpäi. Neciš azjtedos avtor kirjutab iudejoiden zavetkeskeižen apokaliptikan mahtol: hän sanub starinan teofanijas, miččen aigan oma avaruden il'mehed[1].

Kaikid aigembaine gomilii (jumalanloičend) P'atides'atnica-päiväks mülüb IV. voz'sadaha, sen kirjutai om Grigorii Bogoslov (Sana 41) da om omištadud Pühä Hengen tegole istorijas. Avtor pagižeb vastustajidenke, kudambad ei uskkoi Pühä Henghe tegoho da kucub hristanuskondan rahvast mänetada praznikad hengelišti[2]. Ani sidä aigaks — voz'sadan IV lopuks — mülüb Grigorii Nisskovan jumalansanan kandand, mitte om tetab "Pühä Henges"-nimel. Siš sel'genzoitase hristanuskondan P'atides'atnican azjtegod kut Biblijan istorijan pätego[3]:

"Naku, mi voib kaita meid, nece om eläb Vägi, mitte om Tatan da Poigan da Pühän Hengen-nimel uskond. No ken ei voi el'geta necidä tot heigeližen änen vällüden tagut, edel kaiked om keskustadud jumalansanan kandajil äiuskondaspäi, zakonal opendase kacta ühthižehe Jumalaha, da ühthižes Jumalas el'getas vaiše ühthižen Tatan vägen, oma lahjotomad, kut minä sanuin, paremboitud söndha. Sidä jäl'ghe niile, ken tegihe parembaks zakonan abul, avaidase Jevangelijan abul i üks'heimolaine Poig; sidä jäl'ghe meile anttas parembzoitud söndad — Pühä Heng', miččes om elo."

Pnevmatomahoidenke paginale da starinale Pühä Hengen tegos Pühä istorijas om omištadud pühäpagin praznikale, mitte om tetab Ioann Zlatoustan nimel. Siš avtor kirjutab, miše Pühä Henged tegod Jumalanpertin elos oma peittegod[4].

Latinan Paivlaskman endevanhoiš tatoišpäi pühäsanad praznikale jatiba Avgistin Blaženii, Maksim Turinskii, P'otr Ravennskii da pap' Sur' Lev[1].

Pühäsanad, kut Päivnouzmalкак, muga i Päivlaskmal, tehtas Vanhan Zavetan obrazoiš da proobrazoiš ümbri, da völ rahvahiden kucundad Jumalanpert'he, mitte om Pühä Hengen ohjanduses[1].

Völ Pühä Hengen tulendan da pnevmatologižen teman polhe om kirjutadud ekzegetižiš tedotöiš, sen lugus Origenal (Gomilijad Levit-kirjale), Kirill Aleksandriiskijal (ven.: О поклонении и служении в духе и истине) da Feodorit Kirskoval (Küzundad kahesakirjeižeks)[1].

Praznikan jumalanloičendad

Vizantijan vero

Vodehesai IV P'atides'atnica-nimi tobjimalaz ühtenzoittihe ei praznikanke, mitte lopi Äipäivän aigad, a kaiken Äipäivän aiganke. Voz'sadoiden II—III latinialaižed da pohjoiž-afrikanalaižed da voz'sadoiden III—IV sirialaižed lähtked johtutadas necidä praznikad necen ciklan lopus, no tedištada sen praznikan korktust da erigoitta Voznesenijan praznuičendad Pühä Hengen tulendan apostoloiden päle ei kaiken voib[5]. Voz'sadan IV lopuspäi, voib olda, Makedonijan jeresin sudindan II Mail'man soboral vodel 381 praznik, mitte om omištadud Pühä Hengele, levenzoitase hristanuskondan mirus[1].

Ijerusalimas voz'sadan IV, Egerijan Palomničestvo-tedoiden mödhe, öl oli praznikan öloičend Voskresenijan jumalanpertiš, a päiväl oli Liturgii Martiriumas, a päivän koumandel časul (läz 9 časud homendest) kaik astuiba Siom-mägele, kus lugetihe starinan Pühä Hengen tulendas da pidetihe Jevharistijan. Keskpäivän zavodihe služb Eleonovan mägel, miččen aigan oli liturgine johtutez Jumalan Voznesenijas. Muga, P'atides'atnica- da Voznesenii-praznikad ei olgoi erigoitud toine toižespäi[6].

Voz'sadan V Jerusalimas Voznesenii om eriline praznik, a päivän jär'gendusehe Eleonal mülüba kombkumardusen loičendad[7]. Se om kirjutadud i Ijerusalimskijan Lekcionarijan gruzialaižes kändmižes (voz'sadoiden VI—VII)[8].

Suren Jumalanpertin tipikon, mitte märičeb Konstantinopolin soboran loičendad voz'sadoil IX—XI, ozutab, miše P'atides'atnica praznikan aigal voib tehta Valatust, da völ äikerdašt pajatandad praznikan Vizantian troparin verod ven.: "Благословен еси, Христе Боже наш", mitte kaičihe i möhembaižiš jumalanloičendan kirjoiš. Homendez-loičendal lugetihe Grigorii Bogoslovan sanad P'atides'atnicale. Kombkumardusen loičendoid ei ole[9].

Pühä Hengen tulend apostoloiden päle. Jumalan čuhun Osios Lukasan mozaik Fokidas. Läz 1000 v.

Ikonoborčeskjäl'geližen aigkeskustan Vizantian monahoiden käskkirjad pidetas kuz'päiväižen suren praznikan jäl'ghe praznikloičendan, a sobatan pidetas kolnuziden muštandan (Stroican vanhembiden sobat (ven.) (vep.). Služban järgendusespäi om heittud pühäpäivän loičendan palad, a suren homendezloičendal praznikan päiväl lugedas kombkumardusen loičendad, miččed oma P'atides'atnican eripird. Sidä aigalpäi möst oma käsktud man kumardused da kombkumardused, miččed om kel'tud äipäivän aigkeskustal[1].

Ierusaliman (neosavvaitskijad) jumalanloičendoiden käskkirjan (tipikonan) mödhe, miččehe mülüb i radai Venän ortodoksižen jumalanpertin käskkirj, pidab vedäda öloičendan, miččes linneb täuz' gimnografijan kogomuz, mitte om ülämbaižiden praznikoiden aigan, mugomid kut Jumalan tulend Jerusalimaha vai Iisusan otand taivhaze (Voznesenii). Praznikan päiväl ehtloičendas ven.: "Сподоби Господи"-pajon jäl'ghe mänetadas 3. gruppan kombkumardusen loičendoiden lugend, miččed, kut i toižed praznikan tekstad, miččid voib vajehtada, paindasoiš Mujukahas Triodiš. Uskolijoiden ristituiden täht nece služb mäneb ei ehtal, a kerdalaz jäl'ghe Liturgijad. Penel povečerijal kanman ezmärgad pidab lugeda kanon Pühä Hengele[1].

Omskan uskoliijad P'atides'atnica pranikan aigan

Nügüd'aigaižen grekalaižen prihodan Violakisan Tipikonan mödhe mugažo pidab mänetada suren ehtslužban kombkumardusen loičendoidenke Liturgijan jäl'ghe. Öloičendad ei ole: kanman ehtalom praznikehtloičend litijata, a edel Liturgijad praznikan päiväl om homendezloičend[1]. Papišton sädoiden muju P'atides'atnica praznikan aigan om vihand. Venämal om vero čomitada jumalanpertin südäimišton nittud heinäl, änikoil da noril puil. Nece muju znamoičeb eläban da uden Pühä Hengen vägen.

Praznikan jäl'ghe om Pühä Hengen ezmärg (ven.) (vep. vai Hengen päiv.

Riman vero

Latinan jumalanloičendas P'atides'atnical (latin.: Dominica pentecostes) om praznikstatus. Praznikal om navečerii (kanman). Muga, necen päiväks om kaks' ehtloičendad da kaks' messad. Sobisoiš rusttoihe sädoihe. Ezmäine mess om P'atides'atnican etloičendad edel vai jäl'ghe sobatan ehtal. Necen messan aigan voib olda katehumenoiden valatamine. Ezmäine lugend — Vanhas Zavetaspäi. Toine — Rim. 8:22—27, Jevangelii — In. 7:37—39. Messal praznikpäiväl ezmäine lugendom Pühä apostoloiden tegod-kirjaspä 2:1—11, toine — 1Кор. 12:3b—7, 12—13 (voib olda vajehtadud Gal. 5:16—25 vai Rim 8:8—17), Jevangelii — In.]] 20:19—23[10][11].

Jevangelijad lugendad edel P'atides'atnican praznikal pajatadas kuldaine "Tule Pühä Heng" (ven.) (vep.-sekvencii (latin.: Veni, Sancte Spiritus)[10].

Pühä Hengen tulend apostoloiden päle. Miniat'ur Ravvulan Jevangelijaspäi (VI v.)
Latinican original Kändmine venän kel'he
Veni, Sancte Spiritus,

et emitte caelitus

lucis tuae radium.


Veni, pater pauperum,

veni, dator munerum,

veni, lumen cordium.

Consolator optime,

dulcis hospes animae,

dulce refrigerium

(…)

О, приди к нам, Дух Святой,

и небесный луч пошли

света незакатного.

О, приди, Отец сирот,

О, приди, Податель благ,

О, приди, сердечный свет.

Утешитель истинный,

Светлый Гость смиренных душ,

и прохлада нежная

(…)[12]

P'atides'atnican pühäpäiväl Riman veros lopiše Äipäivän aig da zavodiše Jogapäivaline aig (latin.: Tempus per annum). Äipäiväižen tohuden (Pashalan) sirdeltihe altarišpäi valatuzkupelinnoks, kus sišpäi süttutihe tohuzid ristitui, kudambad tuliba valatamhas[10].

Pühä Stroican päiv riman veros om eriline praznik da praznuičese nedalin päliči.

Gimnografii

P'atides'atnican lugemižed, miččid voib vajehta, da pajatandad oma Mujukahas Triodiš (ven.) (vep. (Pentikostarii). Praznikan pätekstoihe mülüba: tropar' ven.: "Благословен еси, Христе Боже наш", kondak ven.: "Егда снисшед языки слия", kuverz'-se stihiroid, sen lugus "Taivhan kunigahale", da völ kaks' homendezloičendan kanonad (kirjutiba Kosma Majumskov da Ioann Arkliiskii)[1].

P'atides'atnican eripird Vizantian tradicijas oma kombkumardusen loičendad, miččid lugedas papid surel ehtloičendal praznikpäiväl. Ühtes jogapäiväližidenke loičendoidenke endevanhan vizantijan ehtloičendad (Suren Jumalanpertin Tipikonadme) sihe mülüb cikl, miččes om kahesa loičendad, ühtenzoittud koumhe joukuhu. Ezmäižen gruppan ezmäižel loičendal om grähkiš päzundan znamoičend: uskolijad starinoitas Jumalan Tatan edes ičeze grähkad da pakitas prostida heid Hristan žetvan tagut. Toižen gruppan ezmäižes palas om pakičuz lahjoita uskolijoile Pühä Henged. Koumandes joukus ezmäine loičend starinoičeb vägestuses surman päl Hristan Eläbzoitusen abul da siš oma pakičused kolnuziš[13][14].

Cerkovno-slav'alaine teks Venäkeline teks
Tropar' Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся́ призва́,// и согла́сно сла́вим Всесвята́го Ду́ха ven.: Благословен Ты, Христе Боже наш, / явивший премудрыми рыбаков, / ниспослав им Духа Святого / и через них уловивший вселенную. / Человеколюбец, слава Тебе!
Kondak Егда снизшед языки слия, / разделяше языки Вышний, / егда же огненныя языки раздаяше, / в соединение вся призва, / и согласно славим Всесвятаго Духа ven.: Когда сошел Всевышний и языки смешал, / Он этим разделял народы; / когда же огненные языки раздал, / Он к единению всех призвал, / и мы согласно славим Всесвятого Духа
Stihira Царю Небесный, / Утешителю, Душе истины, / Иже везде сый / и вся исполняяй, / Сокровище благих / и жизни Подателю, / прииди и вселися в ны, / и очисти ны от всякия скверны, / и спаси, Блаже, души наша ven.: Царь Небесный, / Утешитель, Дух Истины, / везде пребывающий и всё наполняющий, / Сокровищница благ и жизни Податель, / приди и вселись в нас, / и очисти нас от всякой скверны, / и спаси, Благой, души наши[15]

Ikonografii

Biblijan s'užetan "Pühä Hengen tulendan apostoloiden päle"-kuviden pohjas oma lähtked Apostoloiden tegod-kirjaspäi Деян. 2:1—4. Ezmäižed mugomad kuvad oliba jo aigaližes hristianižes aigas. S'užetan tegemižele painasti ühtenzoituz Jumalan Eläbzoitusenke — Iisus Hristosan toivotusel oigeta Tüništojad[1].

Pühä Hengen tulend. Voz'sadan XVI keskaig, Sur' Novgorod. Jumalaie Novgorodan muzei-kaičuztahon keradamištospäi

Endevanh ozuteluz, mitte kaičihe om Rabbulan Jevangelijan miniat'ur (VI v.). Kuval om 12 apostolad Bogorodicanke keskuses om kuvatud seišti ladindkazvmusiden da arkan kuval, heiden nimboile päzudas lämoin keled. Azjtegon taho om ani kuti avoin sija vai Eleon-mägi — Voznesenijan taho[1].

Jäl'ghe aigad, konz jumalaižil ei olend pühä statusad, () apostoloid zavodiba pirtta ištti. Hludovskan Psaltirijan miniat'uroiš (IX v.) da Grigorii Nazianzinan Sanad-käzikirjutesiš Parižin keradamištospäi (879—882) eloho tuleb etimasii (ven.: Престол уготованный) kühkjaiženke da sädegidenke, a kuviden alahan ezinedas personificiruidud "rahvahiden" figurad (amuižgrek.: φυλαι) da "keliden" (amuižgrek.: γλωσσαι). Aigvoččes Vizantian taidehes apostolad išttas sintronal, da kompozicii tegese polukehkeraks, mitte johtutab altarin apsidad[1].

Keskvizantijan aigkeskustal kuva vahvištoitase jumalanpertin pirdandas. Jumalaižil harvemba pirdaškatihe etimasijad da rahvahiden figurad, no kirjan miniat'uras nece tradicii eläb pit'kemba. Paleologovskijan aigan kompozicijan palad tegesoiš bohatembikš: kuviteldas čuhundusid, kollonadoid, velumoid, apostoloiden käziš oma kirjad da svitkad. "Rahvahiden" sijas tuleb uz' simvoline figur — kunigaz venec päs da dalmatike platanke-sädo, miččel venub 12 svitkad, allekirjutesenke "Mir" (amuižgrek.: Ο Κόσμος). Venäendevanhan taidehes ikonografii Pühä Hengen tulend om vizantijan kanonoiden mödhe (Sofia Kijevskaja, Mirožskii monastir')[1].

Voz'sadan XVI toižes polespäi päivlaskmaižen painusen al levendase uz' vahvištoitud ikonografižen kuvan form: apostoloiden keskes om Bogorodica tronal, a apostolad (erašti Pavel-apostolata) išttas rivil vai oigedčogaižen honusen seinidme[1].

Homaičendad

  1. ↑ 1 2 3 4 5 6 7 8 9 10 11 12 13 14 15 Э.П.С.; Петров А. Е.; Лукашевич А. А.; Квливидзе Н. В. Пятидесятница // Православная энциклопедия. — Т. 59. — С. 145–158.
  2. ↑ Слово 41. На Святую Пятидесятницу, Слова (изд. 2007 г.) - святитель Григорий Богослов (Назианзин). Православный портал «Азбука веры». Дата обращения: 28 semendkud 2026.
  3. ↑ Слово о Святом Духе - святитель Григорий Нисский - читать, скачать. Православный портал «Азбука веры». Дата обращения: 28 semendkud 2026.
  4. ↑ Беседы на святую Пятидесятницу - святитель Иоанн Златоуст - читать, скачать. Православный портал «Азбука веры». Дата обращения: 28 semendkud 2026.
  5. ↑ 22 // Origenes: Contra Celsum Libri VIII (angl.). — Brill, 2001. — Bd. 54. — С. 539. — (Vigiliae Christianae Supplements).
  6. ↑ Паломничество по Святым местам конца IV века / Пер. И. В. Помяловского. — СПб., 1889. — (Православный палестинский сборник).
  7. ↑ Renoux. Lectionnaire arménien(fr.). — Т. 2. — С. 338—345.
  8. ↑ Tarchnischvili. Grand Lectionnaire(fr.). — Т. 1. — С. § 881-896.
  9. ↑ Mateos J. Le Typicon de la Grande Eglise. Ms. Sainte-Croix no. 40. Introduction, texte critique, traduction et notes(fr.). — Т. 2. — С. 136—140.
  10. ↑ 1 2 3 Римский миссал. — Москва, 2011. — С. 306–308.
  11. ↑ Felix Just, S.J. Lectionary: Easter Sundays & Feasts. catholic-resources.org. Дата обращения: 28 semendkud 2026.
  12. ↑ Литургическая Тетрадка - Библиотека Конгрегации Кларетинов. claret.ru. Дата обращения: 28 semendkud 2026.
  13. ↑ Антонов Н. Р. Храм Божий и Церковныя Службы. — СПб., 1912.
  14. ↑ День Святой Троицы. Пятидесятница - Переводы богослужений, Переводы богослужений. Дата обращения: 28 semendkud 2026.
  15. ↑ День Святой Троицы. Пятидесятница - Переводы богослужений, Переводы богослужений. Дата обращения: 28 semendkud 2026.
Om sadud "https://vep.ruwiki.ru/w/index.php?title=Pühä_Stroican_päiv&oldid=529873"