Sretenii

Рувики-späi
Jumalan Sretenii
Sretenie.jpg
Tip Ortodoksine praznik
Om tehtud Iisus Hristan vanhambiden Iisus-vagahaižen tond Ierusalimaha jumalanpertihe
Päiv ortodoksine uskond — 2 (15.) uhokud
katolicizm — 2. uhokud
Om sidotud Raštvad-praznikanke
Логотип РУВИКИ.Медиа Mediafailad RUWIKI-tedoiš

Sretenii (ven.: Сре́тение Госпо́дне, grek.: συνάντησις "vastuz"[1]), Jumalankodihe tond (grek.: Ἡ Ὑπαπαντὴ τοῦ Κυρίου, latin.: Praesentatio Domini "Jumalan ezituz") om ortodoksine praznik, mitte praznuitas istoriližiš jumalanpertiš da erasiš protestanskijoiš konfessijoiš[2]. Nel'l'kümnendel päiväl jäl'ghe Raštvoid Maria da Iosif toiba Iisus Hristos-vagahaižen Ijerusaliman jumalanpertihe Moisejan zakonan mödhe, mitte käski kaikid mužikpoližed vagahaižid käta Jumalan polhe. Sigä heid vastiba Simeon Bogopriimec da Anna Proročica.

Ortodoksižes uskondas mülüb kaks'toštkümnendehe praznikoiden lugetišhe jäl'ghe Äipäiväd. Ijerusaliman, Venäman, Gruzian, Serbian, Pol'šan ordodoksižed jumalanpertid, vanhuskomuded da toižed[3] praznuitas Sretenijan 2 (15.) uhokud (voz'sadan XX—XXI uhokun 2. päiväl Julianan kalendarin mödhe om 15. uhokud Uden Julianan da Grigorianan kalendarin mödhe). Toižed ortodoksižed jumalankodid praznuitas 2. uhokud uden Julianan kalendarin mödhe (om ühten aigan Grigorianan kalendarinke vodehesai 2800).

Katalicizmas praznuičese 2. uhokud Grigorianan kalendarin mödhe, Armenian apostoloiden jumalanpertiš — 14. uhokud.

Praznikan istorii

Moisejan zakonan mödhe (Исх. 13:1-2,11-16 ezmäižid ukpoližid vagahaižid pidi omištada Jumalale jevrejoiden muštoks.[4]. Päiv, konz vagahaine laps’ oli todud jumalanpertihe om sidotud hänen sündundpäivänke: 40 päiväd jäl'ghe sündundad oma puhtastuzpäiväd sündujan akan täht. Nel'l'kümnendel päiväl hän tuleb junalankodihe da pap' lugeb puhtastuzloičendan hänen edes (nece tradicii om kaičenus ortodoksižes uskondas). Iudejoiden zakonan mödhe necel päiväl pidi toda puhtastusen žertvan: kaks' kühkjašt[5]. Todes Jumalale ezmäšt ukpolišt last danikš, jäl'ghe vanhembad möst händast osttihe vides hobedaižes pühäsikl'as[6].

Lukan Jevangelii-kirjas (Лк. 2:22-40), nel'l'kümnendel päiväl Raštvoiden jäl'ghe Maria Iosifanke tuliba Viflejemaspäi Ierusaliman jumalanpert'he da toiba nel'l'kümnepäiväšt Iisus Hristosad[7]. Jumalanpertihe tuldes heid vasttihe Simeon Bogopriimec da Anna Proročica. Nece vastuz andoi-ki nimen praznikale: slav'alaižen "sretenii"-sanan voib käta nügüdläižele venän kel'he kut "vastuz". Sretenii om ani kuti mez'kundan Simeonan sijas vastuz Jumalanke, Vanhan da Uden Zavetoiden vastuz[8].

  • Duččo. «Sretenii». «Maesta», pala, 1308—1311. Opera-del’-Duomo-muzei, Siena
    Duččo. «Sretenii». «Maesta», pala, 1308—1311. Opera-del’-Duomo-muzei, Siena
  • Sretenii. Rogir van der Veiden

    Sretenii. Rogir van der Veiden

Simeon Bogopriimec (ven.) (vep. oli tozioiged mez' — predanijan mödhe hän oli üks' seišemekümnes kahtes tolkovnik-kändajišpäi, kudambile Jegiptan kunigaz Ptolomei II Filadel'f (285—247 edel meiden aiganlugendad) käski käta Biblijan jevritaspäi grekan kel'he. Konz Simeon kändi Isaija-prorokan kirjan da lugi sanad ven.: "Се Дева во чреве приимет и родит Сына", hän tahtoi käta "Deva"-sanan kut "nor' ak (naine)". No Jumalan angel azoti händast da uskotoiti Simeonad, miše hän ei kole, kuni ei nägišta kut proročestv tuleb eloho[9].

Simeon hätken varasti, konz Jumalan toiv tuleb eloho — predanijan mödhe hän eli 300 vot (toižiden lähtkiden mödhe 360 vot). Märpäivän Pühä Hengen (ven.) (vep. tomotusen mödhe Simeon tuli jumalanpertihe. Konz Maria Iosifanke toiba Iisus-vagahaižen sinnä, Simeon oti lapsen käzivardele, ülenzoiti Jumalad i sanui:

Sur' Ižand, nügüd' sinä andad ičeiž orjale lähtta tünäs, muga kut oled toivotanu. Minun sil'mäd oma nähnuded sinun päzutandad, kudamban sinä oled kaikile rahvahile vaumičenu: lämoin, mitte palab verhile rahvahile, hoštotesen, mitte loštab sinun Izrail'an rahvahale.

— Лк. 2:29—32

Nene tozioiktan Simeon-mehen sanad tegihe loičendaks, mitte sai "Simeon Bogopriimcan pajo"-nimen. Se om lujas tärged loičendan aigan da pajatase kahtišti: ehtloičendan lopus (kut penen, muga i suren ven.: Всенощного бдения-služban aigan) da ven.: «Благодарственных молитвах по Святом Причащении»-aigal Božestvenaja liturgijan lopus[10].

Iosif da Maria čududelihe nenil sanoil. Kärautes Mariaha Simeon sanui:

I blaslovi heid Simeon da sanui Mariale, Hänen Mamale: ven.: се, лежит Сей на падение и на восстание многих в Израиле и в предмет пререканий, и Тебе Самой оружие пройдет душу, — да откроются помышления многих сердец.

— Лк. 2:34—35

Nene sanad oma Bogorodican obrazan ven.: "Умягчение злых сердец"-jumalaižen pohjas[11].

Sidä aigan jumalanpertiš oli tozioiged leskiak Anna Proročica, kudambale oli kahesakümne nel'l' vot, kudamb kaiken loiči Jumalale öd i päiväd kaiken leskiakan aigan. Hän tundišti Kaičijad, tuldes ülenzoiti Jumalad da pagiži hänen polhe kaikes Jerusalimas[12].

Simeon Bogopriimec da Anna Proročica (oiktas poles)

Jumalan loičendan praznik

Praznuičendan tegemine

Sretenii-praznik sündui Jerusalimаn jumalanpertiš da il'mestui loičendkalendariš IV voz'sadal. Ezmäi se ei olend ičenaine praznik, a oli kuti päiv, mitte lopid 40-päivälišt ciklad Bogojavlenii-praznikan jäl'ghe[13]

Amuine istoriline todištuz praznikas om Itinerarium Aetheriae, tegonsatuz Egerijan palomničestvas Pühä Maha, voz’sadan IV.

Nel'l'kümnenz' päiv Epifanijaspäi praznuičese sid' suren arvostusenke. Necil päiväl oleskeleb matk Anastasisaha (Jumalan Groban jumalankodihe), da kaik asttas, da kaik mäneb jäl'gendusen mödhe suren ihastusenke, ani kuti Äipäiväl. Sanudas kaikiden prisviteroiden pühäpagonad, sidä jäl'ghe episkop, pagištes kaiken aigan Jevangelijan sijas, miččes nel'l'kümnendel päiväl Iosif da Maria toiba Jumalan Pühäpertihe, da nägišttihe Händast Simeon da Anna proročica, Fanuilan tütär, da heiden sanoiš, miččid hö sanuiba, nägištades Jumalad, da lahjas, miččen toiba vanhembad. I sidä jäl'ghe, oli tehtud kaik, kut pidi-ki tehta, vedädas Liturgijan, i sidä jälотпустghe oleskeleb otpust[13].

Tendencii levenzoitta ülenzoitust Iisus Hristosan man elon azjoiš sai kehitoitusen voden 451 Halkidonan soboran (ven.) (vep. jäl'ghe, miččel oli anafemstvuidud monofizitstvo. Kut voden kalendarin ičenaine praznik Sretenii om vahvištoitud Riman jumalankodiš V voz’sadan lopus, a Konstantinopolin VI voz’sadan ezmäižes palas[13].

Ortodoksine uskond

Sretenii mülüb Jumalan praznikoiden lugetišhe[14], miččed om omištadud Iisusale, no loičendan südäimištodme se mülüb Bogorodican praznikoihe. Sikš Sretenii-praznikan loičendan erigoičused oma Bogorodican praznikal Jumalan praznikan paloidenke, ozutesikš, liturgijal antifonad oma izobrazitelnijad, no om praznikastundan loičendruno: "Сказа́ Господь Спасе́ние свое́, пред язы́ки откры́ Пра́вду свою́"; i endevanhas aigas praznik oli omištadud Jumalan Mamale (Bogorodicale).

Menologion of Basil 037.jpg

Praznikan ikonal Iisus da Bogomatetin kuvad oma ühteiččed znamoičendan mödhe: Vagahaine Kaičii, kudamb ištub Simeon Bogopriimcan käzil, kudamb otab ičeze käzivardale Kajičijad i znamoičeb vanhad mirud, mitte tuleb eloho Jumalan abul, da Bogomater', kudamb töndui ristimatkaha — andab Ičeze Poigan mirun kaičendan täht. Kaik jumalaižen (ikona) kuvan tegemine ozutab kahtevuiččen praznikan jüväd, Sretenijan ihastusen da Suren gor’an, se, mi om Simeon Bogopriimcan endustuzsanoiš: ven.: «Се, лежит Сей на падение и на восстание многих в Израиле и в предмет пререканий» (Лк. 2:34). Neniš sanoiš om eshatologine jüvä, mitte mülüb Kaičijan kaikehe radoho, niiš om aigoiden lopun, tulijan Sudan da Tulijan Voz'sadan tundmuz.

Praznikan päloičendad
Cerkovnoslav'alaižel kelel (transliteracii) Venän kelel Grekan kelel
Tropar', glas 1[15] Радуйся, Благодатная Богородице Дево, из Тебе бо возсия Солнце Правды — Христос, Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение. Радуйся, благодатная Богородица Дева, ибо из Тебя воссияло Солнце правды, Христос Бог наш, просвещающий находящихся во тьме. Веселись и ты, старец праведный, принявший во объятия Освободителя душ наших, дарующего нам воскресение. Χαῖρε κεχαριτωμένη Θεοτόκε Παρθένε· ἐκ σοῦ γὰρ ἀνέτειλεν ὁ Ἥλιος τῆς δικαιοσύνης, Χριστὸς ὁ Θεὸς ἡμῶν, φωτίζων τοὺς ἐν σκότει. Εὐφραίνου καὶ σὺ Πρεσβύτα δίκαιε, δεξάμενος ἐν ἀγκάλαις τὸν ἐλευθερωτὴν τῶν ψυχῶν ἡμῶν, χαριζόμενος ἡμῖν καὶ τὴν Ἀνάστασιν.
Kondak, glas 1[15] Утробу Девичу освятивый Рождеством Твоим и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче. Утробу Девичью освятивший Рождением Твоим, и руки Симеона благословивший, заранее, как надлежало, и ныне Ты спас нас, Христе Боже. Но огради миром среди войн народ Твой и укрепи тех, кого Ты возлюбил, Единый Человеколюбец. Ὁ μήτραν παρθενικὴν ἁγιάσας τῷ τόκῳ σου, καὶ χεῖρας τοῦ Συμεὼν εὐλογήσας ὡς ἔπρεπε, προφθάσας καὶ νῦν ἔσωσας ἡμᾶς Χριστὲ ὁ Θεός. Ἀλλ' εἰρήνευσον ἐν πολέμοις τὸ πολίτευμα, καὶ κραταίωσον Βασιλεῖς οὓς ἠγάπησας, ὁ μόνος φιλάνθρωπος.
Zadostoinik Toštsanad: Богородице Дево, упование христианом, покрый, соблюди и спаси на Тя уповающих.

9 pajon irmos, glas 3.

В законе сени и писаний образ видим, вернии, всяк мужеский пол, ложесна разверзая, свят Богу. Тем Перворожденное Слово, Отца Безначальна, Сына, Первородящася Материю неискусомужно, величаем.

Припев: Богородица Дева, надежда христиан, покрой, сохрани и спаси надеющихся на Тебя.

9 pajon irmos, glas 3.

В тени Закона и Писаний образ видим, верные: всякое существо мужского пола, разверзающее утробу матери, посвящено Богу. Поэтому Перворожденное Слово безначального Отца, Сына, перворождаемого не знавшей мужа Матерью, мы величаем.

Toštsanad: <...>

Kanonan 9-й pajon irmos: Ἐν νόμῳ, σκιᾷ καὶ γράμματι, τύπον κατίδωμεν οἱ πιστοί, πᾶν ἄρσεν τὸ τὴν μήτραν διανοῖγον, ἅγιον Θεῷ· διὸ πρωτότοκον Λόγον, Πατρὸς ἀνάρχου Υἱόν, πρωτοτοκούμενον Μητρί, ἀπειράνδρῳ, μεγαλύνομεν.

Ülenzoituz Величаем Тя, Живодавче Христе, и чтем Пречистую Матерь Твою, Еюже по закону ныне принеслся еси в храм Господень. Славим Тебя, Податель жизни, Христос, и чтим Пречистую Твою Матерь, Которой Ты по закону сегодня был принесён в Божий храм. <…>

Sretenii znamoičeb Vanhan da Uden Zavetoiden vastusen. Jepiskop Feofan Zatvornik kirjuti: "Simeonan personas om kaik Vanh Zavet, päzutamatoi grähkišpäi mez’kund, mirunke sirdäse igähudehe, pästtes sijad ortodoksižele uskomudele…"

Ku Sretenii om Suren pühän ezmäižen sed’mican ezmärgen, mi om lujas harvoin, prazniklopičend Käskon mödhe sirdäse edeližele päiväle — 1. uhokud, Prostindan pühäpäiväks.

Katolicizm

Kataližes pühäkodiš Sretenijal om praznikan status (festum), mitte om penemb mi более низкий по сравнению с "торжеством"; praznuičese 2. uhokud. Toižed praznikan nimed: "Marian puhtastamine" da "Tohuziden päiv", sikš ku necel päiväl sv'attäs tohuzid[16].

Papiden liturgijan sädod Sretenijan praznikal oma vauktad, kut i toižiden praznikoiden aigan, om omištadud Kaičijale da Bogorodicale.

Sretenijan päloičendad edel tehtas tohuziden blaslovindan da praznikastundan tohuzidenke. Blaslovindan aigan kaik, ken tuli loičendale viritadas tohuded antifonan pajatandan aigan. Pap' jäl'ghe ezisanoid mäneb jumalanpertidme da pühätoitab kaikid pühävedel. Sidä jäl'ghe pap' otab vaumitud hänen täht tohuden da zavodib ristimatkan sanoidenke: "Mängam mirunke, miše vastata Jumalad". Ristimatkan aigan pajatadas gimnan Simeon Bogopriimcan sanoiden mödhe, miččed hän oli sanunu Sretenijan aigan. Ristimatkan jäl'ghe jumalahižed pördasoiš jumalanpert'he, sambutadas tohuded, i jatktase jogapäiväline loičend.

Necen päivän liturgijan pajod om omištadud praznikan azjtegoile da simvolikale.

Homaičendad

  1. ↑ Дьяченко Г. М. Полный церковнославянский словарь. — 1899. — С. 655.
  2. ↑ Sen lugus, l'uteranan uskondas.
  3. ↑ См. Старостильные церкви.
  4. ↑ Сретение Господне во Храме // arhimandritan Nikiforan Biblijan tedokirj. — М., 1891—1892.
  5. ↑ Почему во времена Ветхого завета за новорожденного приносили в жертву птиц?, Православный журнал «Фома» (23 keväz'kud 2018). Дата обращения: 15 tal'vkud 2025.
  6. ↑ Праздник Сретения Господня, Православный Церковный календарь. Дата обращения: 15 tal'vkud 2025.
  7. ↑ Сретение Господне. Коротко о празднике, Православный журнал «Фома» (14 uhokud 2024). Дата обращения: 15 tal'vkud 2025.
  8. ↑ 15 февраля — Сретение Господне, Православный журнал «Фома» (13 uhokud 2024). Дата обращения: 15 tal'vkud 2025.
  9. ↑ Симеон Богоприимец, Православный Церковный календарь. Дата обращения: 15 tal'vkud 2025.
  10. ↑ «Ныне отпущаеши». Православная энциклопедия. Дата обращения: 15 tal'vkud 2025.
  11. ↑ Икона Божьей Матери Умягчение злых сердец, Православный Церковный календарь. Дата обращения: 15 tal'vkud 2025.
  12. ↑ Симеон Богоприимец и Анна Пророчица, Православный журнал «Фома» (16 uhokud 2017). Дата обращения: 15 tal'vkud 2025.
  13. ↑ 1 2 3 Рубан Ю. И. Сретение Господне. (Опыт историко-литургического исследования). azbyka.ru. Дата обращения: 15 tal'vkud 2025.
  14. ↑ Лукашевич А. А. Господские праздники // Православная энциклопедия. — М., 2006. — Т. XII : «Гомельская и Жлобинская епархия — Григорий Пакуриан». — С. 173—178. — 752 с. — 39 000 экз. — ISBN 5-89572-017-X.
  15. ↑ 1 2 Православный календарь. Февраль, день 2. Православие.ru. Дата обращения: 15 tal'vkud 2025.
  16. ↑ Праздники Римско-католической церкви. Дата обращения: 15 tal'vkud 2025. Архивировано 12 semendkud 2012 года.

Literatur

Lähtked

Om sadud "https://vep.ruwiki.ru/w/index.php?title=Sretenii&oldid=528502"